تجمع بنات مصر فى ركن العناية بالشعر الجزء (5)

roro&tota;8784484:
انا جبت

babyliss pro 230 ionic steam

هي لونها ذهبي كده من عند بي تك في الهرم كانت بحوالي 365
هي 3 درجات ومعاها شنطه شيك ممكن تحطيها فيها

بس لسه مجربتهاش اي استفسار عنها انا جاهزه وهصورها وابقي احط الصوره

ديه ياقمر صح
بس جميله اوووي الف مبروك وهيا عايزه شعر طويل انا كنت شفتها بس انا صعب اجبها لانها عايزه شعر طويل وكمان طويله وانا اصلا بمسك السشوار بلعافيه عايزه حاجه صغيره كده وفي الانجاز بس شكلها علي فكر حلو جربيها وقلوينا ايه الاخبر بس مش تستخدميها علي شعرك وهوا مبلول وفي انتظار تجربتك والف مبرررررررررروك الصوره ديه

nona_koky2000;8785844:
حلوة اوى صبغة باليت الخصل دى انا اول مرة اشوفها طيب معاها حاجة بتسهل الخصل ولا لازم يكون حد متمكن برضه


هو ايه شركة ريدز دى :Dياريت السايت بتاعهم اصل الجهل وحش:o
وياريت لو فى سايت لسبينس حد يبعتهولى

بصي يانونا الاولي بفرشه لعمل خصل رفيعه ديه بتمشي علي الشعره او الخصله بلفرشه وتلون الخصله
التانيه زي انبوب كده عريض بيعمل خصل عريضه وبردوه بنفس الطريقه
وديه علشان تسهل علي الناس عمايل الخصل

يابنات محدش يعرف تليفون كوافير تويست بتاع المحجبات اليه في المهندسين
وعايزه اعرف اسعاره هموت واعرف اسعاره ايه

ميااده2006;8785827:
نصيحه منى الشامبو ده بلاش ومش خفيف يا ساره زى ما بتقولى فيه كيماويات كتير اوى
خصوصا لو فتلت الشعر ناعمه شويه بس في بنات بيجى عليها بس المعظم بيشتم في الشامبو ده انا عملت بحث قبل كده ولقيت بنات قالت عليه انه سببلهم تساقط وكمان بياثر على الشعر على المدى البعيد

مياده ازازي ده كله مواد كموايه ده كله زيوت بس انا مش بحبه لاني مش بحب الزيوت ده اللي بتكلم عليه

لا ياساره انا مقصدش الشامبو ده انا اقصد شامبو هيربل اسينسز

jasy2008;8787278:

ماشى يارورو هو مش ناقص انا اول مرة اعمل حنة مش عارفة ايه

اللى جاب الموضوع ده فى دماغى:confused: يالا بس بقى ناشف اوى
وحسه انه مقصف اعمل ايه مش عارفه لانى كمان كنت عاملة فرد من حوالى
10 شهور انا خلاص هتجنن من شعرى :sm215:
سمعتوا موضوع حرق الشعر المتقصف اللى امينة شلباية قالت عليه؟؟؟
لو حد جربه يقولى

اوعى حد يعمل كده ازاي تحرقي شعرك يعني ده يشيط منك هو في كوافيرات بيعملوا كده عشان يتخلصوا من شكل الشعر النتقصف او المتكسر بس بالعقل كده شعرك هيخف خالص دي اولا وثانيا كده هيطول من الفروه على قصير هيبقى لسه طالع جديد وشكله هيبقى وحش وحالته نيله عشان تتخلصي من التقصف كل فتره قصي اطراف شعرك لغايه ما كله يجيب بعضه او اعمليه دجراديه كده تتخلصي من منظره اللي مش حلو انما تحرقيه ويجي يطلع يبقى شكله وحش اوي وهيطلع خشن ولو مطلعش خالص تبقى كارثة

ساره افندي;8788397:
مياده ازازي ده كله مواد كموايه ده كله زيوت بس انا مش بحبه لاني مش بحب الزيوت ده اللي بتكلم عليه

طب يا اخت ساره ده من فين وصناعته ايه انا اول مره بشوفه:eek:

roro cat;8789613:
طب يا اخت ساره ده من فين وصناعته ايه انا اول مره بشوفه:eek:

تقريبا هندي يارور اصل ماما كنت زي حالاتي تجرب الجديد بس ده كان من دبي معرفش هنا ايه الاخبار؟؟؟ بس صحبتها قالت ليها انه بيطول الشعر انا استخدمته لزق شعري اوووي كاني حاطه زيت مش شامبيوه

ميااده2006;8788376:
يابنات محدش يعرف تليفون كوافير تويست بتاع المحجبات اليه في المهندسين
وعايزه اعرف اسعاره هموت واعرف اسعاره ايه

مياده تويست فيه للمحجبات ولا راجل هيعملي شعري ولا ايه
لما تعرفي ابقي قوليلي ايه اخباره

يبنات عايزه اقص شعري في البيت لان الطراف مقصفه وكل مااروح لكوافير بيق جامد اوووووي ولو قالت ليها قصي حبه تقصه حتا وبردوه مقصف
ازازي اقصه لنفسي في البيت خصوصا انه مدرج هينفع ولا لا
اصل انا بحاول اتعلم كل حاجه اعملها في البيت

ا نتي عملاه مدرج يا ساره انا معرفش اي حاجه في القص بصراحه حتي خايفه اقص شعر بنتي قصه
طيب ايه عيوب المدرج اصل نفسي اعمله كده وحساه لما مثلا اجي المه مش هتلم كله صح ولا لانا غلطانه

على فكرة الشعر المدرج بيبين الشعر خفيف يعنى لو شعرك خفيف انصحك متعمليهوش مدرج + انك فعلا مش هاتعرفى تلميه لانى قصيتو ف العيد اللى فات وندمت انى عملت ف نفسى كدة

roro cat;8789557:
اوعى حد يعمل كده ازاي تحرقي شعرك يعني ده يشيط منك هو في كوافيرات بيعملوا كده عشان يتخلصوا من شكل الشعر النتقصف او المتكسر بس بالعقل كده شعرك هيخف خالص دي اولا وثانيا كده هيطول من الفروه على قصير هيبقى لسه طالع جديد وشكله هيبقى وحش وحالته نيله عشان تتخلصي من التقصف كل فتره قصي اطراف شعرك لغايه ما كله يجيب بعضه او اعمليه دجراديه كده تتخلصي من منظره اللي مش حلو انما تحرقيه ويجي يطلع يبقى شكله وحش اوي وهيطلع خشن ولو مطلعش خالص تبقى كارثة

ايون صح انا شفته الكوافير اسمه صلاح سليم باين وبيولع في الشعر وبعدين يطفيه
بيقول ان لما يولع في الشعر الشعره بتدي اشاره للبصيله انه فيه خطر وبصيله بتبتدي تفرز حاجات لمقاومه الخطر اللي بتتعرضله الافرزات دي هي اللي بتفيد الشعر
ده الكلام اللي قاله افلام عربي بجد ومش مقتنعه باي حاجه منها

ساره افندي;8789774:
يبنات عايزه اقص شعري في البيت لان الطراف مقصفه وكل مااروح لكوافير بيق جامد اوووووي ولو قالت ليها قصي حبه تقصه حتا وبردوه مقصف
ازازي اقصه لنفسي في البيت خصوصا انه مدرج هينفع ولا لا
اصل انا بحاول اتعلم كل حاجه اعملها في البيت

سارة انا فعلا زيك اخر مرة روحت قصيت شعرى لاقيتو مقصف اخر حاجه بعد القص ليه انا مش فاهمه وكانو محروق على الرغم انى رايحه سليم ومفيهوش غير تقصيف خفيف

المهم قسمت شعرى نصين وبمسك كل مجموه شعر على نفس الطوول واقص الاطراف وهكذا
نيجى للنص التنى اخد شويه من اللى قصيتهو ف النص الاول عشان يبقى النصين بنفس الطول مش هنا حاجه وهنا حاجه ووالله من ساعت مانا اللى قصيتو اتعدل خااالص مش عارفه كانت ماسكه ايه ف ايدها وهيا بتقص

ساره افندي;8789774:
يبنات عايزه اقص شعري في البيت لان الطراف مقصفه وكل مااروح لكوافير بيق جامد اوووووي ولو قالت ليها قصي حبه تقصه حتا وبردوه مقصف
ازازي اقصه لنفسي في البيت خصوصا انه مدرج هينفع ولا لا
اصل انا بحاول اتعلم كل حاجه اعملها في البيت

لا يا ساره مدام شعرك دجراديه صعب اوي تقصيه لنفسك ده حتى في كوافير مبيعرفش يظبط الجمبين زي بعض والاحسن تعودي نفسك تقصي عند حد زاحد بس عشان بيبقى عارف شغله لانه هو اللي عمله من الاول غير ما حد يجي يعدل او يكمل على شغل غيره بس في البيت صعب تقصي لنفسك انا بردو بتعلم اعمل كل حاجه في البيت اه ممكن اقص فرنشه قصه انما شعري لا صعب

hoba555;8789857:
ا نتي عملاه مدرج يا ساره انا معرفش اي حاجه في القص بصراحه حتي خايفه اقص شعر بنتي قصه
طيب ايه عيوب المدرج اصل نفسي اعمله كده وحساه لما مثلا اجي المه مش هتلم كله صح ولا لانا غلطانه

بصي الشعر المدرج عشان اكون صريحه معاكي مبيلقش غير في الشعر الناعم المفرود لو شعرك خشن او ناشف منصحكيش بيه لاني في الغالب بيبقى مفكوك على طول من غير توكه ولو حتى لمتيه بيبقى في اماكن مش ملمومه في التوكه ولو شعرك خشن هيبقى صعب عليكي

meroo012;8789878:
على فكرة الشعر المدرج بيبين الشعر خفيف يعنى لو شعرك خفيف انصحك متعمليهوش مدرج + انك فعلا مش هاتعرفى تلميه لانى قصيتو ف العيد اللى فات وندمت انى عملت ف نفسى كدة

لا بالعكس الدجراديه بيدي كثافه للشعر عشان كده تلاقي كل الممثلين بيعملوه وواحده صحبتي كانت مفكره كده وشعرها كان خفيف اوي قولتلها انتي غلطانه وروحنا عملناهولها دجراديه ما شاء الله اداها شكل كثيف وكتير عن منظر شعرها الاول هي كمان مكنتش مصدقه

hoba555;8789906:
ايون صح انا شفته الكوافير اسمه صلاح سليم باين وبيولع في الشعر وبعدين يطفيه
بيقول ان لما يولع في الشعر الشعره بتدي اشاره للبصيله انه فيه خطر وبصيله بتبتدي تفرز حاجات لمقاومه الخطر اللي بتتعرضله الافرزات دي هي اللي بتفيد الشعر
ده الكلام اللي قاله افلام عربي بجد ومش مقتنعه باي حاجه منها

يا بنتي مهو لو ولع في كل الشعر المتقصف لما يخلص مش هتلاقي غير شعرتين 3 هههههههه الشعر المتقصف تحاربيه بالقص لغايه ما يجي كله طول واحد انما لما تولعي في الشعرايه انتي كده بتعجزيها ولما تطلع هتطلع شايطه ومعوجه وهتبقى مقصفه اكتر من الاول وهتلاقي فرق شاسع بين طول شعرك الاساسي وطول الشعر المتقصف وتواجهي نفس المشكله بس مع شعر خشن وشايط وقصير ويطول بصعوبه لانك حرقتيه فعجزتيه

ساره افندي;8788397:
مياده ازازي ده كله مواد كموايه ده كله زيوت بس انا مش بحبه لاني مش بحب الزيوت ده اللي بتكلم عليه

:eek:هو الشامبو ده بيتباع فين ؟؟؟؟؟؟؟؟؟؟؟؟؟؟؟؟؟

والله يا بنات انا مشكله شعري انه بردو مقصف معرفش لي بس بقول يمكن من الصبغات من عند الجدور كده وبحاربه اني بقص فيه كل شويه لحد ما يجيب كله طول واحد وربنا يسهل بس السشوار والمكوه بردو ليهم دور في كده متنسوش بس انا مبحطش السيشوار في شعري غير كل فين وفين بس بقول جايز عشان بصبغ كتير والاوكسجين وكده والكوافير حمير بعيد عنكم واخرمره قصيت وكان مسيحي ادايقت اوي وحسيت شكل شعري من ساعتها مش ولا بد بس اهو اليويمن دول ابتدا يرجع لطبيعته الحمدلله هو اصلا حلو وناعم ما شاء الله لا قوه الا بالله