بنت، عروس، لو متزوجه تعالي أعلمك كيف تهتمين بنفسك

ما شاء الله عليج اختي
ربي يسعدج دنيا واخره ,, والله تجربتج وااايد حلوه
تسلمين ,, الله يعطيج العافيه

جزاكى الله كل خير

فرفوشة الرياض
حلمي أكون عروسه
LoLAAAAA1985

يسعدني مروركم

مشكوره اختي على الطريق الحلوه

<خليتيها تعيد النظر في الاهتمام بنفسها

لاني ما اهتم بنفسي مرررررررررره حتى احس اني صايره كسلانه

انا زين ان فركت جسمي وغسلت شعري احسي مسمره من قل الاهتمام مع اني قبل كنت اهتم واجد بنفسي.
تستاهسلين التقييم والتميز.

ماشالله عليج
وياحظ زوجك فيج
ونشالله انطبق ولو نص من اللي اتسوينه

يسلموووووووووو قلبي على هالبرنامج الرااااائع

الأسطوره المحطمة
Um gogo
النحاسية

مشكورين على المشاركة والتقييم

تسلمي ياعسل بصراحة موضوع رائع

ما شاءالله عجبتني خلطة الكريم مع الليمون رح اجربها

انا اهتم بنفسي بس هالفترة احس نفسي تكاسلت هو تقسير مرتين في الاسبوع وبخار مرة بالشهر لوجهي

قطاف;8515539:

[COLOR=#9932cc]بسم الله الرحمن الرحيم[/COLOR]

مرحبا يا بنات عرووووووس المميزات

[COLOR=darkorchid]بما أني أهتم كثيراً بنفسي وأحب كل بنات عروس يستفيدون من طريقتي في العناية ولما للنظافة الشخصية والعناية من أهمية لكل بنت وكل زوجه تحب تحافظ على جمالها قررت أعرض عليكم اليوم طريقتي في العناية من الرأس إلى القدم، وأحب أنبهكم بأن العناية مو يوم وإلا شهر العناية لازم تكون دائمة، وكل اللي راح تشوفونه هو عن تجربة شخصية بعد ما جربت معظم المستحضرات اللي في السوق وجربت خلطات ما شاء الله من منتدانا الغالي.[/COLOR]

وعلى فكره يا بنات لازم تهتمون بنفسكم من الحين مو لما يدق البخت بابج ما تدرين شنو تسوين بنفسج، ومعظم اللي راح تسوينه ما راح يظهر تأثيره قبل حفلتج بكم يوم، يعني العناية لازم تكون قبل ما يصير شي يعني أفضل أول ما البنت تبلغ تبدي تهتم بنفسها مو بس سشوار وتمليس وشوية مبيض للوجه، العناية أكبر من هالشي، وصدقيني لما تمشين على جدولي للعناية راح تحسين براحة نفسية وراح ترضين عن نفسج وتدرين أن جسمج نظيف 100% وبشرتج مرتاحة ومتغذية 100%.

ما أطول عليكم تفضلوا إلى عالم قطاف للعناية بالجماااااال من الرأس إلى القدم

العناية بالجسم

العناية الأسبوعية:
قبل الإستحمام أحط على جمسي خلطة الليمون (كريم هملايا أو أي نوع متوفر عندج + عصير نصف ليمونه أنا أستخدم المعصور جاهز أريح) وأخلطه ليما يصير عندي مثل اللوشن (قوام سائل) وبعدين أدهن به كامل الجسم واتركه على جسمي ساعتين. وعقبها أغسل جسمي بالشور كريم.
الفائدة: هالخلطة تعطيج نظافة ولمعان ونعومه.

طريقة الحمام المغربي: أخلط (3 ملاعق صابون مغربي سائل + ملعقة مقشر للجسم + ملعقة نشا + شوية ماء ورد + ملعقة حنا بيضا) أبلل جسمي بالماء وأوزع الخلطة على كامل الجسم بعدين ألبس قفازات البودي شوب وأفرك جسمي بحركات دائرية بعدين أغسل جسمي بالماء وأستخدم الشاور كريم بالليفة الخفيفه وبعدها أشطف جسمي. (هالطريقة تاخذ نصف ساعة فقط)
الفائدة: نظافة، تقشير، نعومة وبياض مع تكرار العملية.
طبعا أسوي الحمام المغربي (بما أنه في البيت) كل سبت، وخلطة الليمون كل ثلاثاء.

العناية اليومية:

أتروش عادي بالشاور كريم عشان يرتاح جسمي في هالفترة من الخلطات، وأدهن جسمي بكريم أو لوشن.

[COLOR=purple]العناية [COLOR=purple]بالوجه:[/COLOR][/COLOR]
الوجه ياخذ حيز كبير من عنايتي لأنه يتعرض للشمس والغبره.

العناية اليومية:

أغسل وجهي 3 مرات في اليوم، الصبح والظهر وقبل النوم بصابون طبيعي (صابون أغادير المغربي) أرطب الوجه بالماء وأدلك وجهي بالصابون لمدة دقيقتين وبعدين أشطفه بالماء.
الفائدة: هالصابون بجانب أنه طبيعي وما يأذي البشرة، يبيض الوجه جعل ربي وجوهكم بيضه يوم الدين.

قبل ما أقوم الصبح من السرير أسوي تدليك لبشرة وجهي (عندي جهاز من ماركة توروس يدلك بنعومه ) مع إستخدامه لاحظت بشرتي صارت مورده وإن دل على شي فيدل على أنها مرتاحه.

[COLOR=black][SIZE=5][COLOR=darkorchid]الصبح أحط كريم هملايا للحماية من أشعة الشمس، والعصر أحط كريم فيتامين[/COLOR]E من البودي شوب للتغذية، وقبل النوم أحط كريم أغادير المغربي للتبييض. يعني لو تلاحظون بعد إستعمال الصابون أرطب بشرتي حتى لو كان الصابون طبيعي.[/SIZE][/COLOR]
الفائدة: حماية وتغذية وترطيب وتبييض.

بالنسبه للشفايف: إستخدمت مرطبات ما شاء الله لكن الشي الوحيد اللي إستفدت منه شي خطيرررررر جدا هو بكل بساطه الفازلين مع إستخدامه شفت ترطيب ما عمري حسيته مع المرطبات الثانية بالإضافة أنه خلى لون شفايفي وردية ونديه.

العناية الأسبوعية:

[COLOR=darkorchid][SIZE=5][COLOR=darkorchid][SIZE=5][COLOR=black][SIZE=5][COLOR=darkorchid]طبعا بعد تعب الأسبوع والشمس والغبره والمكياج، أسوي بخار لوجهي (عندي الجهاز بالبيت) أدهن وجهي ورقبتي بخلطة جنين القمح (زيت جنين القمح + كريم جيلوسيد) وأدلك وجهي بجهاز التدليك وبعدين أتعرض للبخار لفترة ليما يعرق وجهي بعدين أمسح وجهي بفوطه ناعمه أو إسفنجه للوجه (في هالخطوه راح تلاحظون كمية الأوساخ اللي راح تطلع في الفوطه كأنكم ما عمركم غسلتو وجوهكم. وبعدها أحط سكراب للوجه من هملايا باللوز وأفرك به وجهي برقه مع تعريضه للبخار وبعدين أغسل وجهي بماء دافي. وأرجع أحط ماسك البابايا من هملايا ( هو شوي حار الماسكات عادة حاره على الوجه)[/COLOR][/SIZE][/COLOR]و أتركه 15 دقيقة وبعدين أشيله بإسفنجه [COLOR=darkorchid]وأغسله بالماء، وبعدها يجي وقت الترطيب أحط كريم فيتامين [/COLOR][/SIZE][/COLOR]E من البودي شوب.[/SIZE][/COLOR]
الفائدة: تنظيف عميق، تبييض، شد، ترطيب وتغذية.

[COLOR=purple]العناية باليدين والقدمين[/COLOR]

العناية الأسبوعية:
أغسل اليدين والقدمين وأرطب اليدين بكريم نيفيا للعناية باليدين والأظافر وأركز على منطقة الأظافر، والقدمين أرطبهم بكريم هملايا للعناية بالأقدام، واشيل اللحم الزايد عند الأظافر (منيكير) طبعا عندي العده كامله وبعد ما أنظفهم زين أنقعهم في حمام مساج لليدين والقدمين طبعا عندي جهاز حمام للقدمين يدلك ماركة توروس أحط فيه ماء مع شوية ديتول وأترك أقدامي فيه بعدين أفركهم بمبرد الأرجل والحجر، بعدين أستخدم سكراب ناعم لليدين والقدمين (ينعم ويقشر بلطف ويبيض ويلمع) وطريقته أنج تحطين شويه منه على الجزء المراد تقشيره واتدلكين حتى يتنشف وترجعين تبللينه مره ثانية وهكذا وتستمرين ل3 أو 4 مرات هالسكراب أخذته من محلات نزيه لأدوات الصالونات هو أخضر وإسمه الجوجوبا جيلو وفي مكوناته السكر وزبدة الشيا، والحين أغسل أطرافي وأجففهم بالفوطه، بعدين أمسح القدمين بالفازلين والأيادي بكريم عادي.

للعناية اليومية:

بعد كل إستحمام لا تهملين قدميك لازم تدهنينهم بالفازلين، والأيادي على طول أستخدم لهم الكريمات المختلفة.
وعلى فكره لا تقولون لا في أشياء أحسن من الفازلين ترى من كثر ما جربت كريمات شفت ان قدره الفازلين على علاج التشققات مافي مثلها ومن أول إستخدام.

تعطير الجسم

لتعطير الجسم: بعد الإستحمام والجسم رطب أدهن جسمي بخلطة الزيت (زيت بيبي جونسون + تولة مخلط دهن عود)، بعدها أتبخر وجسمي بعده رطب، بعد الحمام أستخدم واحد من هالكريمات (زبدة العنب من البودي شوب مع اللوشن اللي فيه حبات لماع، أو خلطتي ( كريم جيلوسيد + زيت بيبي جونسون + ملعقة مخلط دهن عود + ماء ورد) وسويت مثل هالخلطة بس بإضافة تولة بريحة المشموم أو كريم ليل بريحة العود أو كريم جرجينز بالمسك وأضفت له تولة مسك عشان تركيز الريحة، أو أي كريم ثاني متوفر عندي. وبعدين أرش بخاخ للجسم بريحة الفانيلا أو ريحة المسك بعدها ألبس ثيابي وأتبخر وأحط لي شوية دهن عود وأي عطر فرنسي بخاخ واتصير ريحتي خيااااال.

طبعا طريقة التعطير كاملة أسويها لما تكون عندي عزيمة أو عرس لأنها تاخذ وقت وريحتها فواحه، أما الأيام العادية أكتفي بخلطة الزيت وأي كريم، ورشة عطر.

إن شاء الله أكون رديت الجميل لهذا المنتدى الغالي وأفدتكم مثل ما إستفدت منكم.

أختكم قطاف

تسلمين حبيبتي على الموضوع الحلو

شو اكثر خلطه من هل الخلطات فادتج
ومستحيل تستغنين عنها

برافو قطاف ويسلمو ايديك على هالموضوع المييز والله أنا عاملة برنامج كمان لأن عرسي قرب

يعطيج العافيه حبيبتي على الموضوع الروعه

بس بالنسبه عن منتجات الهملايا انه وحده الصراحه ما استغني عنهم

و ما قط سمعت إن منتجاتهم مضره إلا في هالموضوع >.<

احين ياختج كل شي يسبب الخبيث ما تم شي ما قالوا عنه جذي ..

و عن الحنه البيضه, إنتي قصدج الداد صح؟ لأن مافي شي اسمه الحنه البيضه

و في موضوع تجمع المغربيات تكلموا عنه, وانه آخلطه مع الصابون المغربي + حنة جسم

روعه الصراحه, خذيته من الحواي في سوق الرفاع (عالم الاعشاب)

و ماكينة الويه قصدج ماكس اللي في المحرق صح؟

أجمل نساء العالم
M!SS Styl!sh
شامية للعظم


نورتو صفحتي

سراب الحزن

بالنسبه للخلطات لو تلاحظين إهتمامي يتركز على كل جزء من الجسم، يعني في عناية للجسم وعناية للوجه وعناية لليدين والأقدام، وطبعا لو برنامجي مكثف بالنسبه لج ممكن لما تشوفين أقدامج وإيدينج محتاجه للعناية تسوين برنامج العناية بالأقدام، لكن كشي أساسي ما أستغني عن الفازلين لما أشوف بشرتي تعبانه مافي أحسن من ترطيبها بالماء وادلكها بشوية فازلين واتركه ساعة وبعدين أغسله بالصابون الطبيعي، ومهم الترطيب وكريم حماية ضد الشمس، ولا اتحطين الفازلين وتتعرضين للشمس لأنه يسمر بهالطريقة. كما أني أستخدم الفازلين كمرطب للشفايف طول اليوم بالإضافة إلى ترطيب الأقدام به.

بالنسبه للجسم خلطة الليمون سهله ومفعولها ممتاز وما تاخذ أي مجهود.
ولترطيب الجسم يكفي تستخدمين كريم غسول للجسم مش جل.
والوجه مهم جدا تستخدمين مقشر واتعرضين وجهك للبخار وبعدين مرطب وخلاص.


Camaro_Girl 666

أختي أنا رحت الحواي وقلت له الحنه البيضا وهذي اللي عطاني إياه، وأنا كنت طالبته على أساس بنات من المنتدى يستخدمونه.

أما بالنسبه للجهاز انا شريته من جاينت إلكترونكس مش ماكس هو المحل جنب ماكس المحرق.

بسم الله
مشكوووووووووووووووووره عزيزتي
جزاك الله خير..

يعطيك العافية صدق أهتمام ماشالله عليج

ماشا الله عليك بس الفازلين سمعت انه يسود الشفايف

يعطيك العافية ماقصرتي
ممكن توضحين أي نوع كريم غسول للجسم؟؟؟

ولترطيب الجسم يكفي تستخدمين كريم غسول للجسم مش جل

(زيت بيبي جونسون + تولة مخلط دهن عود)
كريم جيلوسيد + زيت بيبي جونسون + ملعقة مخلط دهن عود + ماء ورد) وسويت مثل هالخلطة بس بإضافة تولة بريحة المشموم أو كريم ليل بريحة العود أو كريم جرجينز بالمسك وأضفت له تولة مسك عشان تركيز الريحة، أو أي كريم ثاني متوفر عندي.

*********

حبيت استفسر عن توله مخلط دهن العود خفيفه يعني انا احب دهن العود

بس احب الريحه الفواحه بدون ما تجيب لى صداع ,, من جنيد او اجمل ؟؟ وبكم

توله المشموم انا احب المشموم من وين شرتينها بعد ؟؟

*****

طريق السرد جداااااااا مميزه و الاشياء اللى تسخدمينها رووووعه وطبيعيه

وفعلا ان هاى اليومين محتاااااجه لزياده العنايه بجسمي سلمتي يا قلبي

بس عالم الاعشاب وين يصير ؟؟؟

مشكورررررررررره
والله الكسل ... لكن الحمد لله