كل شي تبين تعرفينه عن المكياج في ال Make up Café

ليموونه الحلوه;10176935:

[GLINT]مبروك عليكم الشهر خواتي[/GLINT]

أنا عندي سؤال عن الفرش

شو أحسن ماركة فرش؟؟

وياريت أعرف شو أهم الفرش إلي لازم إتكون متوفره عندي( الفرش الأساسيه) وإذا كانت بصور يكون أحسن وأحسن وكل وحده شو أستخدامها؟؟

أبي فكره تقريبيه عن الأسعار؟؟

[GLOW="993366"]

وأشكر صاحبة الفكره والموضوع

[/GLOW](y)(f)

بالنسبه لسؤالج الفرش انواع في اللي الشعر يكون صناعي
وفي اللي يكون من الحيوانات

افضل الفرش بالنسب لي انا ماك
وعندج فرش ميك اب فور ايفر وبوبي براون

ممكن تشترين طقم فرش بسعر معقول من مكياجي واستخدامهم حلو

ممكن تشترين لج 4 فرش اساسه
فرشاه لتوزيع الشادو
فرشاه لدمج الشادو
فرشاه للبلاشر
فرشاه للايلاينر
وبعدين ممكن تشترين فرش زياده حسب حاجتج

افضل فرش ماك
217



239



هالفرشاتين روعه الاولى لدمج الشادو
الثانيه لتوزيعه


231
مثاليه لرسم الجفن السفلي للعين



266
لرسم الايلاينر وسحبه العين



بالنسبه للاسعار تتراوح بين ال 102 لين ال 200 درهم

والحل الحين;10178650:
مرحبا
موضوعكم وايد حلوو

بس انه بغيت اسأل
انه خشمي كبير وابي يطلع اضعف
مره كنت في الصالون سمعت الي تحط مكياج تقول بحط ليش بودره تنحيف للأنف او كريم مادري
المهم وهو في طريقه بعد كأنه تحطين مكياج واجد قريب الانف او في وسطه
اني عقب رحت مكياجي اسألهم قالوا ما في بودره او كريم مخصص لتنحيف الانف
فياريت الي عندها خبره اشلون اخلي انفي ايصير انحف وحلو
واكون لكم شاكره

حبيبتي لرسم الانف وتصغيره
تستخدمين الكونتور
ويبيعون هالشي في ماركة كريولان وبن ناي والمثير من الماركات

اهم شي الطريقه انج ترسمين الجزء الخارجي من الانف باللون الغامق
والوسط بلون فاتح
وجذيه ينرسم ريم ويصغر

ممكن تلقين ادوت الكونتور في ميك اب فور ايفر
او حتى لو عندج شادو مات بدون لمعه لونه غامق ويناسب لهالحركه جربي وشوفي النتيجه

ممكن بعد تبحثين عن فيديو يشرح لج الطريقه بالتفصيل

*حياتي كلها لله*;10190359:
السلام عليكم ورحمة الله وبركاته.
احب اسال عن ماهي نوعية المكياج التي تناسب البشره الحساسه المصابه بتصبغات؟
جزاكم الله خير.

مرحبا عزيزتي
نصيحتي لج هي انج تستشيرين اخصائيه جلديه في الموضوع
ممكن بشرتج تحسس وتتعب من المكياج وممكن تنصحج ب مستحضرات تجميليه مناسبه لنوع بشرتج و على حسب درجه تحسسها من المواد الكيماويه اللي في المكياج
(f)

M!$$_BLinGمشكوره حبيبتي ع الإفاده ماقصرتي فديتج

سامحيني فديتج,,,, ذكرت سؤال ثاني

بعد حابه أعرف شو خطوات المكياج الصحيح بالترتيب يعني شو يوضع أول شئ السيروم ولا المرطب ولا واقي الشمس وهكذا الخ...

جزاك الله خير ومشكوره على الرد.
بغيت اسال عن الماسكرا انا رموشي طويله بس ماهي مرتبه ولما احط الماسكرا تتشابك مع بعضها ايش اسوي؟
وهل في ماسكرا ترتب الرموش؟
مشكووووووووووووره.

ليموونه الحلوه;10195034:
سامحيني فديتج,,,, ذكرت سؤال ثاني

بعد حابه أعرف شو خطوات المكياج الصحيح بالترتيب يعني شو يوضع أول شئ السيروم ولا المرطب ولا واقي الشمس وهكذا الخ...

هلا الغلا انا بخبرج بخطواتي

اول شي انظف البشره باللوشن واغسلها بغسول ناعم للوجه
بعدين انشفها واحط كريم مرطب واخليه فتره عشان تتشربه البشره
الحين نجي للمكياج تحطين البيس على ويهج بعدين الفاونديشن بعدين توزعين البودره

واذا تحطين كونسيلر اذا عندج مناطق تبين تخفينها مثل بقع او حب شباب اول شي الكونسيلر بعدين الفاونديشن بعدين البودره الحره او المضغوطه

انا استخدم بعد الفكس+ من ماك

وهذا انا احب ارشه قبل المرطب او بعده ترى هوه ينعش البشره ويهيأها للمكياج

وخطوه حلوه لاشراقه الوجه انج تحطين نقطه من الستروب كريم من ماك
او قطره من لمعه سائله لو حابه لانها تخللي الويه مشرق وخال من التعب

واذا كانت بشرتج دهنيه ممكن تحطين كريم التحكم بالافرازات على المنطقه اللي تفرز دهزن اكثر

*حياتي كلها لله*;10201012:
جزاك الله خير ومشكوره على الرد.
بغيت اسال عن الماسكرا انا رموشي طويله بس ماهي مرتبه ولما احط الماسكرا تتشابك مع بعضها ايش اسوي؟
وهل في ماسكرا ترتب الرموش؟
مشكووووووووووووره.

مسكارا ريميل الصفرا رهيبه
شكلها نفس ماسكارا ماكس فاكتور



واليديده من ماكس فاكتر اللي حجمها كبير ولونها اسود



هالمسكرتين روعه

خواتي رموشهم ما شاء الله طوال ويوم استخدموهم يبينون كانج مركبه رموش
واذا لا سمح الله حسيتي ان رموشج تشابكو خذي الفرشاه اللي على شكل مشط صغير الخاص بالرموش او الحواجب ومشطيهم وفرقيهم عن بعض وارجعي حطي طبقه ثانيه
انا اسوي هالحركه لما تتشابك رموشي

M!$$_BLinG مشكوره فديتج ماقصرتي .... وإذا ذكرت سؤ اال ثاني ماراح أتردد إن شاء الله بسؤالج

مشكوره ويعطيك العافيه.

مشكورين على الموضوع الراءع
انا بشرتي دهنية مختلطة حساسا
شو احسن ماركة متوفرة بيه الي يناسب بشرتي لان جربت وايد وكلهن ما ناسبون
سمعت عن سيسلي تنصحوني اجربها
ويوم اجرب اي دهن يرطب ابد ما يناسبني بيظهرلي حبوب
اريد فاونديشن وايد خفيف حلو للنهار اي ماركة تنصحيني بعد بيه
يسلمووو

نداوي ام لمار;10224259:
مشكورين على الموضوع الراءع
انا بشرتي دهنية مختلطة حساسا
شو احسن ماركة متوفرة بيه الي يناسب بشرتي لان جربت وايد وكلهن ما ناسبون
سمعت عن سيسلي تنصحوني اجربها
ويوم اجرب اي دهن يرطب ابد ما يناسبني بيظهرلي حبوب
اريد فاونديشن وايد خفيف حلو للنهار اي ماركة تنصحيني بعد بيه
يسلمووو

بالنسبه للبشره اللي ذكرتيها نفس بشرتي تماما
وانا استخدم فاونديشن ماك ومناسبني
مع بودره مينيرلايز من ماك والامور طيبه

بس قبل المكياج حطي oil control
يقلل الافرازات الدهنيه وانا عندي من ايف سان لوران ومن ماك والاثنين حلوين

جربي فاونديشن ميك اب فور ايفر مات فينيش ويا البودره مالته يمكن يناسبج

بالنسبه لفاونديشن خفيف للاستعمال اليومي جربي فاونديشن ايف سان لوران اللي فيه فرشاه :)

مرحبا كيفك يا قمر رجعت ثاني اسألك سامحيني اذا كثرت عليك.

تكفيييييييييييييييين اختي ايش احسن فرشاة استخدمها لشعري اثناء الاستشوار؟

تعبت وربي اللي تقطع شعري؟

واللي تسيح علي؟

مره تعبت وماني عارفه كيف اختار فرشاة عدله؟

ساعديني جزاك ربي الفردوس ان شاء الله تعالى.

معليش الرساله جت مرتين



المعذره

بنات ابغى اشتري كونسيلر سائل

معي من فور ايفر العصار اللي لون العلبه ابيض بس احسه ما يغطي الهالات زين

وابغى كمان فرش للاساس والكونسيلر بس بسعر معقول

*حياتي كلها لله*;10243020:
السلام عليكم.

بسألك عن افضل فرشاة استشوار؟


تعبت من هذي الفرش اللي تقطع شعري؟ واللي تسيح علي ؟

قوليلي الله يسعدك كيف اختار فرشه عدله ؟

هلا فديتج
خذي راحتج ونحن بالخدمه

عن نفسي انا ما اسوي شعري في البيت
بس خواتي يسوونه في البيت مرات
و نحن نشتري الفرشاه من الصالون نفسه يبيعون يداد حق اللي يبغون يشترون
جيكي في الصالون اللي تتعاملين وياه او اي صالون قريب منج
بس بخبرج احسن فرشاه هي اللي قبضتها تكون من خشب
والشعر تحسينه خشن شوي ولونه بني غامق
تتوفر في المحلات اللي توفر اغراض الصالون
وعندهم كل الاحجام لو تعرفين واحد من هالمحلات زوريهم واشتري من عندهم
ما يختربن ويعمرن سنين

احلام النهار;10253658:
بنات ابغى اشتري كونسيلر سائل

معي من فور ايفر العصار اللي لون العلبه ابيض بس احسه ما يغطي الهالات زين

وابغى كمان فرش للاساس والكونسيلر بس بسعر معقول

هلا الغلا
جربي هذا تغطيته عاليه









او خذي الباليت اللي فيه 5 الوان كونسيلر
برتقالي اللون اللي تحتاجينه لتغطيه الهالات









بالنسبه للفرش
جربي فرشاه ماك للكونسيلر 242
هي ب 100 و شوي






والحلو فيها انج بعد تقدرين تستخدمينها لتوزيع الشادو على العين
يعني تنفع ل:
الشادو البودره
الشادو الكريمي
الكونسيلر

اما لكريم الاساس
خذي فرشاه من اي ماركه

او
هذي من ماك رقم 190






وتنفع بعد لتوزيع البلاشر الكريمي

شكرا.
وعسى ربي يجمعنا في الجنه برحمته تعالى.

M!$$_BLinG;10253738:
هلا الغلا
جربي هذا تغطيته عاليه












او خذي الباليت اللي فيه 5 الوان كونسيلر
برتقالي اللون اللي تحتاجينه لتغطيه الهالات












بالنسبه للفرش
جربي فرشاه ماك للكونسيلر 242
هي ب 100 و شوي









والحلو فيها انج بعد تقدرين تستخدمينها لتوزيع الشادو على العين
يعني تنفع ل:
الشادو البودره
الشادو الكريمي
الكونسيلر

اما لكريم الاساس
خذي فرشاه من اي ماركه

او
هذي من ماك رقم 190









وتنفع بعد لتوزيع البلاشر الكريمي

مشكووووووره حبيبتي على ردك
بس الكونسيلر الاول عندي مثله بس لون العصار ابيض

طيب يصلح للمناسبات العاديه؟

مرررررررررسى