كل شي تبين تعرفينه عن المكياج في ال Make up Café

BellaSwan;10600929:
بجم سعره اختي ؟؟؟

وشنو ابي شي للتحكم بإفراز الدهون تنصحيني بشنو :o

السموحه ع التاخير حبوبه
والله ما اذكر سعره له فتره عندي بس اتوقع ف حدود ال 120 او 150

و ممكن تستحدمين لوشن التحكم بافرازات الدهون من ماك بعد

M!$$_BLinG;10624607:
بالنسبه للمكياج شي وايد ماركات متوفره و باسعار متفاوته و ممكن تختاري اللي تحسين انها تناسبج

ديور
ميك اب فور ايفر
استجي لودر
ايف سان لوران
لانكوم
شانيل
برستيج
بورجوا
نيفيا
ماكس فاكتور
ميبلين

الخ


بالنسبه للبشره العاديه المايله للجفاف
تحتاجين كريم مرطب حلو للبشره قبل المكياج
عموما الكريم المرطب خطوه اساسيه لاي نوع من انواع البشره وحتى الدهنيه

انتي لان بشرتج جافه انصحج بكريم مرطب حلو ممكن تختارينه من ماركه كلينيك

و بعد في عندج منتج حلو من ماك و اسمه strob cream
الكريم هذا ممكن تحطينه بعد الكريم المرطب او تخلطينه معاه او مع الفاونديشن
و ميزته انه يعطي البشره اشراقه و لمعه حلوه وما يبين الوجه باهت

بالنسبه لاستخدام الكونسيلر والكريم السائل حول محيط العين ما اعرف و بكل امانه اذا يسبب تجاعيد

لكن طريقه توزيع و تنظيف المكياج ممكن تاثر و تسبب لج تجاعيد

كيف
الخشونه في وضع و ازالة المكياج سبب رئيسي لسرعة ظهور التجاعيد ف لازم تكونين جدا رقيقه و ايدج تكون حيل ناعمه و خفيفه حول هالمنطقه بالذات

لوءة;10626841:

ربنا ما يحرمنيش منك ويبارك فيكى بس بجد انا مش عارفة هل فى منتجات حلوة فى ماركات معينة وماركات تانية لا ..

يعنى مثلا لو عايزة اجيب الحجات الاساسية للميكب زى كريم الاساس اجيبه نوعه اية واى ماركة وبرده البودرة المائية ايه احسن ماركة والروج ...
عشان انا داخلة على تجهيز ومش عارفة ..اعمل ايه وخايفة يضحكوا عليا واشترى حجات تقليد

وبالنسبة لسؤالى عن التجاعيد

عندى واحدة صحبتى بتحط كونسيلر على محيط العين بتاعها وحسيت ان بدأ يظهر عندها تجاعيد واضحة ...وشكلها بايخ فانا بسأل يعنى ..

العفو الغلا

معلش انا بقول لج عن اللي انا استخدمته وبرشح لج الاشيا اللي البنات يمدحون فيهم
لكن حطي في بالج ان الراي شخصي يعني ممكن ارشح لج شي نفعني وناسبني ممكن ما يناسبج

- بالنسبه للفاونديشن انا استخدم الحين نوعين ومرتاحه لهم
فاونديشن ماك و فاونديشن ديور واشتريتهم مع البودره المضغوطه او الحره من نفس الماركه
ملاحظه: لا تشترينهم اقصد الودره والفاونديشن بنفس الدرجه خلي واحد من الاثنين اغمق من الثاني لان فاتح مع فاتح ما يبين حلو بالمره ويطلع البشره شاحبه

-البلاشر
من بورجوا بلشراتهم جدا ناعمه وحلوه بلمعه خفيفه
بلشرات ماك عندج كميه ودرجات متنوعه
بلشرات NYX روعه

-اقلام الكحل
ارشح لج بورجوا وماك وميك اب فور ايفر ولانكوم

-شادوهات
ماك
مكياجي
nyx
ميك اب فور ايفر
بورجوا

-فرش المكياج
ماك
بوبي براون
مكياجي

-كونسيلر
ماك
بوبي براون

-ايلاينر
انصحج وبشده تاخذين
جل ايلاينر من ماك واسمه black track

ارواج+قلوسات
ماك
ديور
شانيل
ايف سان لوران
nyx
بورجوا
جيفنشي

نصيحه
لا تستعجلين شراء المكياج
خذي الاساسيات وبعدين اشتري النواقص

اهم شي يكون عندج
كريم مرطب
فاونديشن
بودره
فرش : فرشاه للفاونديشن او اسفنجه - فرشاه لتوزيع الشادو - فرشاه لدمج الشادو - فرشاه للبلشر - فرشاه للايلاينر -
ارواج خذي الالوان الاساسيه
روج وردي
احمر
بني
لحمي
نفس الشي للقلوسات

الشادوهات
الاسود
البني الفاتح والغامق
الذهبي
الفضي
الوردي
ازرق
اخضر
ولون بلمعه يكون هايلايت لعظمة الحاجب

لا تنسين كريم strob cream من ماك وهذا يعطي بشرتج اشراقه عشان ما تبين باهته

عروس ليبيا;10665151:

السلام عليكم

اخواتي النجدة

الله يخليكم انا عرسي بعد شهرين ليوم ما اعرف احط مكياج ولا شن ممكن نوع المكياج وماركته اللي تتماشى مع بشرتي

ياريت لو تقولولي اي طريقه اتعلم بيها ولو الاشياء الخفيفه مثل رسم العين والالوان في الظلال وشن الالوان اللي تتناسق مع بعض وهكذا ؟؟

ولكم مني الدعاء بالخير والاجر من الله

هلا الغلا بالنسبه للمكياج تابعي الموضوع فيه ردود مشابه للي تسألين عنه
و عن الرسمات و اللوكات القي نظره على مواضيع ركن المكياج ممكن تلقين اللي يعجبج

هاي بنات اخباركم
ابي روج فوشي حلو من ماك اللي عندها واحد حلو تعطيني رقمه او توريني ياه
او ماركه ثانيه
وابي بعد مناكير تركواز عيزت ادور ولا لقيت
وممممممممم ابي بلشر حلو من ماك بس مابي ابتلش عطوني ارقام حلوه انتوا مجربينهم

الدلوعه الحلوه90;10678523:
هاي بنات اخباركم
ابي روج فوشي حلو من ماك اللي عندها واحد حلو تعطيني رقمه او توريني ياه
او ماركه ثانيه
وابي بعد مناكير تركواز عيزت ادور ولا لقيت
وممممممممم ابي بلشر حلو من ماك بس مابي ابتلش عطوني ارقام حلوه انتوا مجربينهم

احلى روج فوشي في ماك اسمه
Girl About Town






وعندج nyx بتحصلين مناكير تركواز عندهم
ما اذكر اسمه
حتى كليرز فيه مناكير تركواز

ارشح لج من بلشرات ماك

peach twist
peaches
melba

جربيهم

بنوتة اماراتي;10710711:

السلام عليكم

مباركن عيدكم ^^

بنوتات
بغيت اعرف وين ممكن احصل هالمرايه اللي فيها ليت .. حق الميك اب

بليز اللي تعرف تخبرني .. لان وايد اتلعوز من الاضاءه يوم احط ميك اب

..

(2)

شو احسن بودره + كريم اساس يستخدم للصبح ؟
ابا شي تكون تغطيته حلوه .. يعني يغطي العيوب بس ما يكون ثقيل مثل اساس السهرات
بس خلوني بعيد عن ماك .. ماباه لوول

..

(3)

مرات شي من البودره يطبع ع الشيله
قبل ما كنت اواجه هالمشكله .. بس الحين ما عرف من وين طلعتلي هالسالفه لووول
شوو السبب؟ و كيف اتفاده هالشي؟؟

..

و مشكورين مقدما ^^

home center
يقولون فيه المرايه هاي صراحه انا ادور منها بعد

يمدحون فاونديشن بورجوا اللي بالفرشاه تغطيته حلوه جربيه
عندج ايستي لودر لايت وير
شفت وايد بنات يمدحون فاونديشن ماكس فاكتور miracle touch liquid illuison foundation
ايف سان لوران اللي بالفرشاه جدا حلو للصبح

بالنسبه للبودره لي تطبع عالشيله والله ما اعرف الخل لاني اعاني من نفس الموضوع ههههههههه ان شاء الله غيري يفيدجF:

M!$$_BLinG;10727642:
home center
يقولون فيه المرايه هاي صراحه انا ادور منها بعد

يمدحون فاونديشن بورجوا اللي بالفرشاه تغطيته حلوه جربيه
عندج ايستي لودر لايت وير
شفت وايد بنات يمدحون فاونديشن ماكس فاكتور miracle touch liquid illuison foundation
ايف سان لوران اللي بالفرشاه جدا حلو للصبح

بالنسبه للبودره لي تطبع عالشيله والله ما اعرف الخل لاني اعاني من نفس الموضوع ههههههههه ان شاء الله غيري يفيدجF:

السلام عليكم
الموضوع روعه
انا بس عندي سؤال
اذا في وجهي طلع بقع (ما اعرف شنو يسموهم ) بس من الحمل لون وجهي صار مطقع بسمار وهو كان لون واحد قبل الحمل والان ما اعرف شنو اسوي حتى اخفي العيوب بلمكياج وخصوصا العيوب الي حد الشفايف وتحت العين :(

بنوتة اماراتي;10728926:

سرت اليوم هوم سنتر و شفتها و ماا صدقت كنت بطير من الفرحه
بس ياا فرحه ما تمت
نفس الشكل و نفس الديزاين يعني شكلا تقولين حلوه و عمليه
بس طلعت المرايه X5
يعني لو بتمكيج عليها بحطيها فصوب و انا برد 10 متر ورا عسب اشوف ويهي عدل ههههههه
مكبر بشكل فظيع عنبو بشوف مسامات ويهي خخخ

بعدنا .. جااري البحث !!

مشكووره عالاقتراحات .. يبالي اسير اجربهن
و ايف سان لوران عندي .. زين ذكرتيني فيه ناسنه مسكين هههه

هممم يعدني بسال و اذا لقيت حل بخبرج ان شاء الله

مشكوره فديتج ما قصرتي ^^

هههههههههه نحن من كثر ما نشتري ننسى لي عندنا
بالعكس شوفي يوم تكون وايد قريبه هاي للعين بس
هي من الصوبين جيه ولا ما جيكتي
انا ناويه على وحده وابا وحده بس عشان مكياج العيون شكلها بتنفع
واذا تبين تشوفين بعيد شوفي عمرج في المنظره العاديه انا جي بحط حق زاوية المكياج

وجربي فاونديشن بورجوا بو فرشاه شفت فيديو وجربته وحده وحسيتبه حلو
تغطيته متوسطه قالت F:

Nonalaa;10731084:
السلام عليكم
الموضوع روعه
انا بس عندي سؤال
اذا في وجهي طلع بقع (ما اعرف شنو يسموهم ) بس من الحمل لون وجهي صار مطقع بسمار وهو كان لون واحد قبل الحمل والان ما اعرف شنو اسوي حتى اخفي العيوب بلمكياج وخصوصا العيوب الي حد الشفايف وتحت العين :(

ممكن هالشي يفيدج
منقول للأمانه

تطرأ على البشرة عيوب لونية أو تغيرات وقتية من حين لأخر ,مثل النمش والهالات السوداء والبقع الملونة ,حيث لا ينفع معها خافي العيوب العادي (كونسيلر) أحيانا .ولذلك ينصح خبراء التجميل باستخدام طريقة خافي العيوب بالألوان المحايدة (كوريكتف كونسيلر).
الألوان المحايدة هي تلك التي تكون متقابلة مع بعضها على عجلة الالوان ,فالبرتقالي يحايد الازرق ,والاخضر يحايد الاحمر ,وهكذا .وفي عالم التجميل هذا يعني أن تغطيه البقع والبثور الحمراء تبدأ باستعمال خافي عيوب أخضر ثم طبقة من الماكياج .
ويأتي خافي العيوب بالألوان المحايدة في ثلاثة ألوان :الأخضر ,والبنفسجي ,والأصفر .وعند التفكير باستخدامه تفقدين العيب الموجود في بشرتك ,وبعد ذلك يمكن اختيار خافي العيوب بالون المحايد الذي يخفيها .
كيفية الاستعمال
كل لون من خافي العيوب بالالوان المحايدة له استخدامه ,وهي على النحو التالي :
-الأخضر :يستعمل لاخفاء البقع الحمراء والوردية من الوجه مثل البقع والبثور .
-الأصفر :يستعمل لاخفاء الكدمات والهالات الزرقاء حول العينين .
-البنفسجي :يستعمل لاخفاء شحوب البشرة والكدمات الصفراء والهالات الغامقة جداً تحت العينين والبقع الغامقة على البشرة البرونزية .
أما كيفية الاستعمال فتبدأ بوضع كمية من خافي العيوب بالألوان المحايدة على المنطقة المطلوبة ,ثم مسحها على كل المنطقة بأصابع اليد .بعد ذلك يتم وضع طبقة من خافي العيوب العادي يتناسب مع لون البشرة على الطبقة الاولى بعد مزجهما جيداً .
وأخيراً,وضع طبقة من كريم الأساس المناسب للون البشرة وامسحيه على الوجه من الأعلى إلى الأسفل ,ثم ضعي طبقة من البودرة.

عبق الايام;8172724:
السلام عليكم ورحمة الله وبركاته
اخواتى الكريمات بالله عليكم ارجوا منكم ان تفيدونى بهذه المشكلة
عندى انتفاخات تحت العين ومش عارفة اعمل فيها ايه
ومضيقانى كتير

خيو اذي اكياس الشاي لين طبختيها وخليها فاتره مو حارة وخليها تقريبا نص ساعه على عينش

السلام عليكم
أنة بشرتي وأيد دهنية واذا احط مكياج عقب ساعة الأساس والبودر يتكسر وانة استخدم ماركة شأنيل وبوبي براون فارجوكم ساعدوني

Ms_lOlipOps;10811612:
السلام عليكم
أنة بشرتي وأيد دهنية واذا احط مكياج عقب ساعة الأساس والبودر يتكسر وانة استخدم ماركة شأنيل وبوبي براون فارجوكم ساعدوني

قبل ما تحطين المكياج استخدمي لوشن يقلل الإفرازات الدهنيه
في منه في ماك MAC OIL CONTROL LOTION






وفي تيوب كريم من ايف سان لوران لونه ابيض لكنه يكون شفاف على البشره المستحضر هذا يخلي البشره مخمليه اسمه YSL MATT TOUCH






بس حطي كميه بسيطه منه على البشره لا تكثرين و يفضل لو تحطينه على المناطق اللي تفرز دهون اكثر


:)

انا سمعت ان فاونديشن chanel matte lumiere
وايد ينفع البشره الدهنيه شخصيا ما استخدمته بس ناويه اخذه

ياااخواتي ا لفاضلات ابي منكم حل لرسم زاويت العين دائما ماتضبط معي

هاه ياخواي ماحد رد علي:o:'(

سلام عليكم
لوسمحتو خواتي ابي منكم حل لرسم زاويت العين دائما ماتضبط معي

غروري ذبح غيري;10836798:
سلام عليكم
لوسمحتو خواتي ابي منكم حل لرسم زاويت العين دائما ماتضبط معي