تجمع بنات مصر فى ركن العناية بالشعر الجزء (3)

متشكره اختي ساندي بس الشعر القصيرده فعلا ممكن يقع لو ماتعالجش ولا ممكن يطول عادي ومع العنايه والاهتمام والامتناع عن عملية الفرد اصل لسه ماما بتقولي الموضوع مش محتاج دكتور انتي اهتمي بيه وابعدي عن الفرد حيرجع طبيعي والشعر القصير ده حيرجع تاني ولا ايه رايكو لان حتى شعري لسه ماوصلش لوجود فراغات او اي حاجه انا اعتقد ان هو لسه في بداية دماره وممكن يتلحق

يا بناااااااااااااات حد يقولي ... اللينكات , لتجمع المصريات في باقي الاركان

وكمان حد يقولي تمن 7سيز المستورد وهو احسن ولا هيرتون ؟

كيكو ايه اخبار سيروم افون معاكى بتستخدميه كل يوم ولا ازاى وبتستعملى معاه كريم للشعر عادى بعد الاستحمام ولا لغتيه ياعنى وايه نتيجته تفصيل ممل لو سمحتى

بصى يا ستى هو ب 30 جنيه وكان نازل الشهر اللى فات ف عرض شامبو وبلسم كويك تاتش
بس مش عارفه العرض كله بكام
المهم انا يا ستى بعمل ايه لما بغسل شعرى بحط عادى الكريم بتاعى وانا بستخدم كزانوفا الابيض
والف شعري ومش بدهن سيروم
تانى يوم لما باجى الف شعرى قبل ما انام بدهنه واركز ع الاطراف والاماكن المتقصفه
يعنى بصراحة بدهنه ع الناشف لانى حسيت انى لو دهنته ع المبلول مش هلاحق عليه :D
بس هو مكتوب عليه بيدهن والشعر مبلول او ناشف
بصراحة انا بدأت استخدمه مع بداية استخدامى لحمامات الكريم والاهتمام العام بشعري
فمش عارفه هو السبب ولا ايه
بس بجد حاسه ان الأطراف حتى قبل ما اقصها التقصيف راح شوية
وهو خفيف وريحته حلوة وسارة كمان قالت انه حلو اوى وكمان مع المكواه جميل

بس انا مش عارفه ده شعر منبت فعلا ولا الشعره اتحرقت واتقطعت خالص لان ده في اماكن متفرقه من شعري بس في المقدمه بس بقية شعري كويس بس الحمد لله ان الشعره نفسها ماخرجتش من منبتها لانها كانت حتعمل عندي زي التعلبه فعلا نفسي اعرف ايه سبب الظاهره الغريبه الي عندي دي

انتى ممكن توقفي الفرد وتهتمى بيه فترة كده
ولو لقيتي مفيش نتيجه روحى للدكتور
لكن لو عايزة حل سريع وانقاذ اسرع روحى للدكتور اضمن
بس يا ستى الحل مش صعب يعنى
ركزي انتى بس وشوفى انتى عايزة ايه
حل سريع ولا براحته
وربنا يعافيكي يارب :)

يا بناااااااااااااات حد يقولي ... اللينكات , لتجمع المصريات في باقي الاركان

بس كده ولا يهمك يا ايزو اتفضلي :)

http://www.3roos.com/forums/t405477.html

فينكم يا بنات يا مصريات يا حلوات ... الجزء التاسع - صفحة 90 - منتديات عروس


http://www.3roos.com/forums/t413044.html

http://www.3roos.com/forums/t409120.html

http://www.3roos.com/forums/t398808.html

http://www.3roos.com/forums/t289510.html


هو احنا لازم لازم يعنى ناخد فيتامينات

طيب ما ناكل كويس ونهتم بشعرنا وخلاص

:D

يا بنات كنت سألت عن بلسم حلو وقوي للشعر الجاف
وكان فى حد نصنحنى ب vo5
حلو فعلاً وقوي انا بستعمل بانتين كويس بس عايزة احسن
ولو كده هو بكام طيب ؟

Isis;8196359:
يا بناااااااااااااات حد يقولي ... اللينكات , لتجمع المصريات في باقي الاركان

وكمان حد يقولي تمن 7سيز المستورد وهو احسن ولا هيرتون ؟

هير تون مخصص للشعر والاضافر
انا شايفاه كويس

7 سيز مقوي عام للجسم والمناعه فيه كل حاجه من الاخر
بس خدددددددي بالك
اي زيت سمك او زيت كبد الحوت بيتتخن مووووووووووت
بياخدوه اساسا اللي عندهم نحافه عشان يتخنوا
انا اخويا اخده حسينا انه بقلظ شويه فبطله:D

ميااده2006;8192804:
انا جربت سيرم ايفون لسه جيباه انا اول لما جبته مكنتش مقتنعه بيص بس قصيت الاطراف بتاعت شعرى وبقيت استخدمه بعد ما اغسل شعرى انا بستعمل برضه شامبو من ايفون
اسمه ناتشورالز 2 في 1 وهو بلموز وحليب جوز الهند بجد جميل بينعم ومبيسببش تساقط وتحسي انه تقيل اوى ورغوته وريحته حلوه هو للشعر الجاف والتالف بغسل شعرى بيه وبعد كده استخدم حمام كريم اسمه مينك بزيت الحيه سعره 8 جنيه 500 مل بجد جميل اوى اوى ببحطه لمده ربع ساعه واحط البونيه على شعرى وبعد ربع ساعه اغسله بماء دافئ يكون فيه بخار بس لما تيجى تغسلى الفروه متحطيش مايه سخنه اوى عليها عشان ميسببش تساقط للشعر وبعد ما انشف شعرى انا بستعمل مكوه علطول رغم ان شعرى ناعم ومش محتاج مكوه بس خدت على كده امسك شويه من شعرى اليه هكويه واحط عليهم السيرم هو بيدى لمعه حلو وفعلا حسيت ان اطراف شعرى مبقتش تتقصف زى الاول رغم ان مكنتش مقتنعه بيه بس طلع كويس وعجبنى سعره 49 جنيه بس شهر واحد نازل سعره 29 جنيه ونازل في عرض السيرم والشامبو ادفانس تكنيكس وعليهم روليت برفن سليبر سعرهم 44.50جنيه عرض حلو اوى باذن الله هجيبه انا بستعمل السيرم لما اكوى شعرى بس يعنى مرتين بلاسبوع او مره بلاسبوع بس احيانا بدهن اطراف شعرى منه في اى وقت وهو 30مل
انا اديتك اهو المعلومات التمام عن السيرم ادعيلى ربنا ييسر حال خطيبى ويتمم زواجنا على خير

ميرسى اوى ياقمر ربنا ييسرلك الحال ان شاء الله ونفرح بيكى انتى وخطيبك عن قريب ان شاء الله والف مبروك مقدما

ميااده2006;8192804:
انا جربت سيرم ايفون لسه جيباه انا اول لما جبته مكنتش مقتنعه بيص بس قصيت الاطراف بتاعت شعرى وبقيت استخدمه بعد ما اغسل شعرى انا بستعمل برضه شامبو من ايفون
اسمه ناتشورالز 2 في 1 وهو بلموز وحليب جوز الهند بجد جميل بينعم ومبيسببش تساقط وتحسي انه تقيل اوى ورغوته وريحته حلوه هو للشعر الجاف والتالف بغسل شعرى بيه وبعد كده استخدم حمام كريم اسمه مينك بزيت الحيه سعره 8 جنيه 500 مل بجد جميل اوى اوى ببحطه لمده ربع ساعه واحط البونيه على شعرى وبعد ربع ساعه اغسله بماء دافئ يكون فيه بخار بس لما تيجى تغسلى الفروه متحطيش مايه سخنه اوى عليها عشان ميسببش تساقط للشعر وبعد ما انشف شعرى انا بستعمل مكوه علطول رغم ان شعرى ناعم ومش محتاج مكوه بس خدت على كده امسك شويه من شعرى اليه هكويه واحط عليهم السيرم هو بيدى لمعه حلو وفعلا حسيت ان اطراف شعرى مبقتش تتقصف زى الاول رغم ان مكنتش مقتنعه بيه بس طلع كويس وعجبنى سعره 49 جنيه بس شهر واحد نازل سعره 29 جنيه ونازل في عرض السيرم والشامبو ادفانس تكنيكس وعليهم روليت برفن سليبر سعرهم 44.50جنيه عرض حلو اوى باذن الله هجيبه انا بستعمل السيرم لما اكوى شعرى بس يعنى مرتين بلاسبوع او مره بلاسبوع بس احيانا بدهن اطراف شعرى منه في اى وقت وهو 30مل
انا اديتك اهو المعلومات التمام عن السيرم ادعيلى ربنا ييسر حال خطيبى ويتمم زواجنا على خير

ميرسى اوى ياقمر ربنا ييسرلك الحال ونفرح بيكى انتى وخطيبك عن قريب ان شاء الله والف مبروك مقدما :D

nona.aly2008;8192736:
متشكره nona_koky2000 على مشاركتك بس انا دلوقتي فعلا عايزه حد يفيدني الشعر القصير الي في شعري ده طبيعي ولو مش طبيعي حيرجع يطول تاني وهل انا فعلا محتاجه اروح لدكتور ولا اكتفي بقص اطرافه والعنايه بيه مع حمامات الكريم

بصراحة الفرد وقع شعرى موت لكن مش قصر هو اتقصف بس وعملى حاجة غريبة جدا فى نهاية فروة راسى من تحت عملى حبوب زى حساسية كده بعد الفرد علطول وروحت لدكتور وعالجها لى الحمدلله فابنصحك تروحى لدكتور عشان واضح ان فروة راسك حساسة وممكن تحطى حاجة بعد الشر توقعه بزيادة

cico;8196910:
يا بنات كنت سألت عن بلسم حلو وقوي للشعر الجاف
وكان فى حد نصنحنى ب vo5
حلو فعلاً وقوي انا بستعمل بانتين كويس بس عايزة احسن
ولو كده هو بكام طيب ؟

هو لازم بلسم؟
مادام بنحط حمام كريم ايه لزوم البلسم؟
ممكن تقوليلى معلش :)

cico... ميرسي عاللينكات يا جميله ... vo5 انا جبته من مطروح ب 25 او 24.5 مش فاكره .. اكيد مش هيبقى اغلى هنا كتير ... و بصراحه هو مناسبنيش اوي ... حسيت ان بوناويل احسن ... بس هو عجب ناس كتير اوووووووي و عجب اختي جدااا ... ممكن يكون افضل من بانتين شويه ( انا جبت طبعا للشعر الجاف)

دايدم ... شكرا يا حبيبتي عالنصيحه و كويس جداااااااااا انك قلتيلي موضوع القلبظه ده ... خلاص مش هاخده :( :(
وعلى فكره صوره البنت الصغنتوته الي بالحجاب الي كنتي حاطاها ... قمر اوي ما شاء الله , لو تعرفيها سلميلي عليها وبوسيهالي

nona_koky2000;8192633:
ههههههههههههههههههههههه لا ان شاء الله تروح استخدميه بس باستمرار وهتحسى بتغير واضح جدا ان شاء الله

طب يا نونا انتي بتستخدميه يوم اه ويوم لا ولا مع غسيل شعرك عادي اصل انا بغسله مرتين في الاسبوع
وانا غسلته زي ماقلت لييكي امبارح بس انا طبيعت شعري او ماتغسيله متلاقيش قشره تبنان بعدها بيوم او يومين
فالسه مش عارفه تاثير الديتول بس انا تلجت امبارح لما عملته وقعت بيه سقعت ههههههههه:D

هو لازم بلسم؟
مادام بنحط حمام كريم ايه لزوم البلسم؟
ممكن تقوليلى معلش :)

اقولك على حاجة بس مش تضحكى عليا
انا كنت بستخدم البلسم مرات قليلة زمااااااااااان اوى
بس لما كبرت للسن اللى مفروض اهتم بيه بنفسي ( وده محصلش طبعاً :D )
مفكرتش ولو مرة انى اجيبه
انا كنت مهملة موت بجد
المهم لما جيت هنا بقى وعرفتكم اشتريت بقى بلسم
يعنى هو زيادة طراوة للشعر بس
هو مضر هو كمان ولا ايه ?

cico;8197344:


اقولك على حاجة بس مش تضحكى عليا
انا كنت بستخدم البلسم مرات قليلة زمااااااااااان اوى
بس لما كبرت للسن اللى مفروض اهتم بيه بنفسي ( وده محصلش طبعاً :D )
مفكرتش ولو مرة انى اجيبه
انا كنت مهملة موت بجد
المهم لما جيت هنا بقى وعرفتكم اشتريت بقى بلسم
يعنى هو زيادة طراوة للشعر بس
هو مضر هو كمان ولا ايه ?

انا كمان زيك كده بس لما جبت البلسم و كنت باستعمل لاكتويل و داومت عليه حسيت انه بيطرى الشعر بس بعد كده بيخلى الشعراية خفيفة مش غليظة و بتهيش

على فكرة حمام الزيت قبل غسيل الشعر و بعد ما تغسليه تدهنيه كريم خفيف او لا و تلفيه طاقية هتلاقى شعرك حلو و طرى خصوصا لو ضفتى لحمام الزيت زيت اللوز الحلو

كده ده البلسم برده كيميكال

cico;8197344:


اقولك على حاجة بس مش تضحكى عليا
انا كنت بستخدم البلسم مرات قليلة زمااااااااااان اوى
بس لما كبرت للسن اللى مفروض اهتم بيه بنفسي ( وده محصلش طبعاً :D )
مفكرتش ولو مرة انى اجيبه
انا كنت مهملة موت بجد
المهم لما جيت هنا بقى وعرفتكم اشتريت بقى بلسم
يعنى هو زيادة طراوة للشعر بس
هو مضر هو كمان ولا ايه ?

بصي مش هافتي
بس سمعت ان كتره بيسبب تساقط والله اعلم
انا شايفه انك تكتفي بحاجه من الاتنين يااما بلسم يااما حمام كريم
مينفعش الاتنين يعني:)

بنات انا لسه عاملة صابغة لشعرى ونشف خالص وبيتساقط جامد
عايزاكوا تقولولى ياقمرات على حمام كريم يكون كويس
وايه رايكوا فى زيت الجدايل من عبد الصمد القرشى
ميرسى ليكوا

cico;8196910:
يا بنات كنت سألت عن بلسم حلو وقوي للشعر الجاف
وكان فى حد نصنحنى ب vo5
حلو فعلاً وقوي انا بستعمل بانتين كويس بس عايزة احسن
ولو كده هو بكام طيب ؟

انا بستخدمه وبجد رائع جدا واول مرة احس ان في حاجة مناسبة لشعري وتقريبا جبته ب20 جنيه

اه صحيح تعرفوا ازاي الطاقية دي بتتعمل؟ وفايدتها ايه؟ وهي مناسبة للشعر القصير ولا لأ؟
انا شعري لحد كتفي تقريبا

حد جرب الشامبو ده قبل كده ومناسب لأى نوع شعر؟؟؟؟؟؟؟؟؟وده السيروم اللى بتقولوا عليه وينفع احطه قبل ما اعمل شعرى بالمكواة السيراميك؟؟؟



والشامبو الازرق ده حلو ولا لأ

amatalrahman237;8198501:
اه صحيح تعرفوا ازاي الطاقية دي بتتعمل؟ وفايدتها ايه؟ وهي مناسبة للشعر القصير ولا لأ؟
انا شعري لحد كتفي تقريبا

متهيألى بيكون الشعر اطول شوية عشان مش تحطى فيه بنس كتير بس انا مش بحب لف الشعر عن نفسى لانه بيكتم الشعر اوى خصوصا وهو مبلول كمان بيوجع فروة الراس اوى :(
وصداع بقة وحااجات غريبة غير بقى اما الواحدة تلف شعرها لازم تلبس فوقه ايشارب وبتبقى شبه ام سيد الخدامة هههههههههههههههه:D

.* اميرة *.;8198455:
بنات انا لسه عاملة صابغة لشعرى ونشف خالص وبيتساقط جامد
عايزاكوا تقولولى ياقمرات على حمام كريم يكون كويس
وايه رايكوا فى زيت الجدايل من عبد الصمد القرشى
ميرسى ليكوا

حمام كريم كارتييه بيطرى الشعر اوى

ساره افندي;8197008:
طب يا نونا انتي بتستخدميه يوم اه ويوم لا ولا مع غسيل شعرك عادي اصل انا بغسله مرتين في الاسبوع
وانا غسلته زي ماقلت لييكي امبارح بس انا طبيعت شعري او ماتغسيله متلاقيش قشره تبنان بعدها بيوم او يومين
فالسه مش عارفه تاثير الديتول بس انا تلجت امبارح لما عملته وقعت بيه سقعت ههههههههه:D

هو فعلا بيتلج موت :D
انا بغسل شعرى مرتين برضه وبحطه فى المرتين على الفروة بس مش على الشعر

Isis;8196359:
يا بناااااااااااااات حد يقولي ... اللينكات , لتجمع المصريات في باقي الاركان

وكمان حد يقولي تمن 7سيز المستورد وهو احسن ولا هيرتون ؟

بصي يا أخت ايزيس بلاش أحسن السيفن سيز والهيرتون وخدي بالك من أكلك تاكلي سلطة كل يوم وتاكلي كويس وسيبي البيبسي والحاجات االمعلبة واللي فيها مواد حافظه وتعملي حنة و تهتمي بيه بالزيوت الطبيعية وهاتلاقيه أحلى بمية مرة
والحبوب وحشه لإنها بتتعب الجسم والكلى وربنا يعافينا من كل شر

ديدم انا هاسمع كلامك ومش هاستعمل البلسم لو عاملة حمام كريم
لانى ساعات بكون عملاه حنه او نخاع معاه زيوت وبحسه ناشف
بس

متشكره اوي يابنات على مساعدتكم ليا في اراءكم وكل الي انا طالباه منكم اسم دكتور يكون كويس في اسكندريه لاني اول مره اكشف على شعري بصراحه ومحتاجه حل سريع وفعال لان انا فعلا نفسيتي مدمره وياريت يابنات تقلولي ثمن الكشف في حدود كام علشان اعمل حسابي

nona.aly2008;8199280:
متشكره اوي يابنات على مساعدتكم ليا في اراءكم وكل الي انا طالباه منكم اسم دكتور يكون كويس في اسكندريه لاني اول مره اكشف على شعري بصراحه ومحتاجه حل سريع وفعال لان انا فعلا نفسيتي مدمره وياريت يابنات تقلولي ثمن الكشف في حدود كام علشان اعمل حسابي

بصى فى مستشفى فيكتوريا اكيد عارفاها فى قسم جلدية كويس قوى انا عالجت شعرى و جلدى عندهم اكتر من مرة ممتازين فى دكتور اسمه هانى بشرى ده طلعلى علاج لشعرى كان ممتاز و فى هناك دكتورة سنها كبير شوية بس اروبة مش فاكرة اسمها اسالى عليها هتلاقيها مافيش دكتورة ست غيرها بجد ممتازة

ساره افندي;8180319:
انا عندي البينك اللي هوا بلحنا حلو بس مش بستخدمه كتيرررر بس مش بنعومه شامبوه جرانيه والحاجات ديه بس احسن من باتين

مشكورة سارة أفندي على اهتمامك بالرد وجزاكي الله ألف خير
وياترى ايه أنواعه الاخرى غير الحنة والبيض معلش انا عارفه أنا قرفتك

Isis;8183308:
sandybell انا عندي كريمات صانسيلك بالحنه و البيض .. صناعه الهند
الي بالحنه خفيف .. تقريبا في مستوى براشوت الازرق ... ينفع مع الشعر الناعم
الي بالبيض افضل شويه , كان بينفع معايا اكتر عشان شعري جاف , بس برضو مش زي الكازنوفا ... يعني اخف منه بكتير و لازم احط منه اكتر من مره على مدار اليوم شان احس ان شعري طري .... ولما تحطيه تحسي ان بل شعرك شويه .. يعني خلاه wet او رطب .. مش عارفه انا بحس كده , لكن مبحسش بطراوه اوي غير لو حطيت كتير ... انا في الاخر زهقت وسبتهم لاختي عشان شعرها ناعم و بستعمل كازنوفا الابيض , لغايه لما الاقي افضل منه ...
بس طبعا صانسيلك احسن من بانتين و كريم برت بلس بكتيييييييييير

معلش انا عماله اعملك مقارنات مع كريمات تانيه , عشان تعرفي جودته فين بالظبط منهم

أخت ايزيس الله يكرمك يارب وجزاكي الله ألف خير على اهتمامك بالرد وفعلا أفدتيني لإني بستعمل كريم باراشوت الازرق وحاسه انه حلو بس في الاواخر حسيت ان شعري خد عليه ومبقاش بينعمه زي الاول ، ففكرت أستعمل كازانوفا الابيض لإني عرفت منكم ان الاصفر زي بالمرز وأنا مش بحب ملمس بالمرز
وشكرا حبيبتي على التفصيل والمقارنه بين الكريمات أفادتني جدا

amatalrahman237;8184118:
يا جماعة انا مش عارفة محدش بيرد عليا ولا يعبرني ليه :poster_spam:
سالت سارة افندي على طارق الصغير معبرتنيش:cry:
سالت على حل للهيشان من غير ما اضطر للسشوار عشان شعري ميبوظش برده محدش عبرني :sm215:
بعد كدة بقى سالت عن بالمرز بزيت الزيتون عضوة واحد بس مشكورة قالت عن اللي بجوز الهند انه مش حلو ومحدش عبرني0000 عادي يعني:angry:
هو انا عملت حاجة غلط ولا انتم مش عارفين ولا بتردوا على الناس القديمة بس؟ :sm229:

أنا أنا.................. أنا اللي عبرتك هه ههههههههههه ، معلش حبيبتي متزعليش ووالله أنا مردتش غير باللي أعرفه وأنا على العموم مبحبش بالمرز عامة لأن ملمسه زي الشمع وأنا شعري دهني شوية فبحس انه بيقفل مسام الشعر
ويمكن البنات مابيروا لإنهم مش عارفين الاجوبه مش لإنك عملتي حاجه وحشه