تجمع بنات مصر فى ركن العناية بالشعر الجزء (3)

Isis;8178383:
sandybell2 كازانوفا الاصفر عامل زي البالمرز بالظبط , تقيل اوي و بيلزق الشعر .. اما الابيض خفيف و كويس و تمنه في حدود 17 والاصفر اغلى من الابيض

انا عاوزه اعرف زيت كازنوفا بالثوم اجيبه منين و ديتول الاخضر (انا ملقتوش في سبينيز ولا كارفور .. بس ده كان من فتره)

زيت كازانوفا بالتوم جيبته من العزبى ب 21.50
وديتول هاتى اللبنى اللى انا نزلت صورته لانه خفيف اوى اخف من البنى كمان على الشعر وهو مريحنى جدا

cico;8178015:
[/size][/font]

انا استخدمت الأبيض بس وهو للشعر الجاف
خفيف فعلاً وحلو وريحته جميلة وبيطري الشعر بحس انه منتعش
انا جبته بـ 19.50
ف القاهره مش عارفه فين لانى مش منها
بس ممكن تلاقيه ف مترو او ف الصيدليات الكبيرة

***

البنات اللى بتسخدم المكواه السيراميك
سمعت ان المكواه دى اخف من السيشوار ع الشعر
اصل انا عايزة اجيب سيشوار للجهاز يعنى للطوارىء لانى مبحبوش بخاف يبوظلى شعرى
وبعدين قالقنى اوى انه استعماله متعب وكده
ايه رأيكم ؟

المكواة السيراميك حلوة موت ومش بتحرق الشعر بس ليها مشكلة صغيرة ان لازم يكون شعرك جاف تماما مش مبلول ولا حتى مرطب عشان مش تطلع ريحة شياط
وده يا اما تسيبى شعرك ينشف براحته يا اما لو هتستعمليها باستمرار يبقى هاتى سيشوار ومن بعيد كده نشفى شعرك بيه

nona_koky2000;8187907:
زيت كازانوفا بالتوم جيبته من العزبى ب 21.50
وديتول هاتى اللبنى اللى انا نزلت صورته لانه خفيف اوى اخف من البنى كمان على الشعر وهو مريحنى جدا

انا جبته الديتول اللبني النهارده ولسه عامله من شويه ولما ينشف هبقا اقولكم علي النتيجه بكره بقا عارفه يانونا لو القشره مارحتش هاجي اختفك ههههههههههه

ساره افندي;8187872:
انا اول مره اشوف سؤالك ؟
معلش مش بدخل هنا كتيررر ومش بشوف باقي الصفحات القديمه كان ايه السؤال عن طارق

ماشي يا سارة باشا انا كنت عايزة اروحله علشان يساعدني اعمل حمامات كريم او اي حاجة اهتم بيها بشعري عشان الهيشان بس من غير سشوار ولا مكواة ولا كيراتين:D فكنت عايزة اسالك هو عنده برامج زي دي ولا لأ؟
كمان انا محجبة فاللي هيعملي بنات اكيد000 البنات اللي عنده شاطرة؟
ولو تعرفي واحدة منهم ياريت تقوليلي اسمها
اه كمان معلش عايزة عنوانه اللي في مصطفى كامل (f)(f)(f)

اه يا سارة معلش كنت بسال كمان على زيت بالمرز بزيت الزيتون لو تعرفي حاجة عنه

ساره افندي;8183679:
بصي ياستي انا كمان عايزه الحمرا وكنت هاجبها من دبي وعملت 400درهم ومش موجوده لسه في مصر سالت عليها في اغلب التواكيلات بي تك و العجيل
فالاقيت كارفور دبي عامل عرض علي وحده بردوه حلوه وبنات هنا شكرت فيها نفس الموديل وقالت للناس اللي شعرها ناعم وعامله 196درهم وتقريبا نفس السعر هنا في بي تك
انا كنت عايزه الحمرا علشان بخار واحدث حاجه قالت اجيبها مره واحده
البخار علشان تعمل الشعر مبلول وخصوصا اني احيانا بكون مستعجله وغاسله شعري ولازم انزل فا قلت ديه هتفي بلغرض ادي القصه من البخار
بس ديه علي فكره حلوه بس العيب الواحيد انها متعملش وهوا مبلول غير كده لا
كمان نسيت اقولك حاجه واحده قالت ليا الحمرا تقيله جدااا عن السوده فاده اللي خالني اتردد واجيب السوده قالت اجرب مبدء المكوه عموما وبعدها اقررر وتكون الحمر كمان رخصت او نزل عليها عروض والبروان علي فكره اغلب البنات بتوع الخليح محدش شكر فيها قالوا انها بتحرق الشعر والاطراف مش بتعملها كويس وكانوا بتكلموا عن الموديلات الحديدثه اللي هيا فيها ايونات
نسيت اقولك البيبي ليس السوده ديه فيها ايونات

ساره ممكن تقوليلى رقم موديلها المكواه دى
وانا جربت شامبو لوريال حلو اوى والبلسم بتاعه كمان تحفه

يا بنات لو سمحتم انا سمعت عن شامبو سلسن بلو انه حلو اوي للقشرة بس مش عارفه هو موجود في مصر ولا لأ حد يقولي

وبكام ؟؟

مون مون;8190884:
يا بنات لو سمحتم انا سمعت عن شامبو سلسن بلو انه حلو اوي للقشرة بس مش عارفه هو موجود في مصر ولا لأ حد يقولي

وبكام ؟؟

ايوة موجود فى مصر انا اخويا كان بيستعمله على طول وكان بجيبه من هنا بس مش عارفه الصراحه بكام انا جربته منه مرة واحدة وقولت مش عايزة اغير كتير فى الشامبوهات فبطلت

maro18;8190973:
ايوة موجود فى مصر انا اخويا كان بيستعمله على طول وكان بجيبه من هنا بس مش عارفه الصراحه بكام انا جربته منه مرة واحدة وقولت مش عايزة اغير كتير فى الشامبوهات فبطلت

ربنا يكرمك يا حبيبتي :)

يا ريت يا بنات اللي تعرف سعره تقول ؟؟؟
واجيبه منين

انا عندي مشكله رهيبه وحسه ان شعري متدمر ومش لاقيه حل انا بعمل كل 3 شهور فرد ايطالي ونتيجته كانت رهيبه مع شعري لكن طبعا مع الفرد ومجموعة عوامل زي الانيميا مع الحاله النفسيه ظهر شئ غريب في شعري ونفسي حد يفيدني شعري بدا يتساقط بطريقه غريبه دي حاجه حاجه تانيه لقيت في مقدمة راسي مجموعة شعر قصير طوله حوالي 2 سم او 3 سم كاني معايا مقص وجبت مجموعه من الخصل وقصيتها بمقص طبعا انا ماعملتش كده بس ده الوضع الي عليه شعري انا طبيعة شعري مجعد جدا رغم ان ملمسه ناعم ومش عندي حل غير فرده لان خطيبي بيحب الشعر الناعم المفرود طبعا انا بقالي حوالي شهرين فارداه ومش ناويه اكرر العمليه دي غير لما اشوف حل هل الشعيرات القصيره الي ظهرت في شعري من المقدمه دي حتطول تاني ولا لا ومش عارفه دي حاله طبيعيه وانا الي اول مره اخد بالي منها ولا انا كده شعري اتدمر ولا اروح لدكتور ولا ايه بجد عايزه حل افيدوني بالله عليكم لان الموضوع ده تاعبني نفسيتي جدا مع العلم ان موضوع الشعر القصير ده مش باين انا بس الي ملاحظاه وخايفه الاقي الشويه الي مش باينين دول يكترو ويملو شعري وهل الشعر القصير ده حيطول ولا خلاص على كده بجد محتاجه نصيحه باسرع مايمكن حتى استطيع ان اهدا

مون مون;8191126:
ربنا يكرمك يا حبيبتي :)

يا ريت يا بنات اللي تعرف سعره تقول ؟؟؟
واجيبه منين

هتلاقيه فى الصيدليات وان مالقتيش هتلاقيه اكيد فى العزبى او سيف بس اسال فى صيدليات عاديه الاول تكون جنبك وسعره بصى انا مش متاكده هو تقريبا فى حجمين فهتلاقيه مابين 20 الصغير وحاجة و30 الكبير هم فى الحدود دى والله اعلم

مون مون;8190884:
يا بنات لو سمحتم انا سمعت عن شامبو سلسن بلو انه حلو اوي للقشرة بس مش عارفه هو موجود في مصر ولا لأ حد يقولي

وبكام ؟؟

موجود في العزبى ب 35 تقريبا
بس انا مجربتوش
بس لو تقدري تجيبيه من اي مكان تاني ياريت
عشان العزبي واخدله فيه مكسب 10 جنيه عالاقل

nona.aly2008;8191207:
انا عندي مشكله رهيبه وحسه ان شعري متدمر ومش لاقيه حل انا بعمل كل 3 شهور فرد ايطالي ونتيجته كانت رهيبه مع شعري لكن طبعا مع الفرد ومجموعة عوامل زي الانيميا مع الحاله النفسيه ظهر شئ غريب في شعري ونفسي حد يفيدني شعري بدا يتساقط بطريقه غريبه دي حاجه حاجه تانيه لقيت في مقدمة راسي مجموعة شعر قصير طوله حوالي 2 سم او 3 سم كاني معايا مقص وجبت مجموعه من الخصل وقصيتها بمقص طبعا انا ماعملتش كده بس ده الوضع الي عليه شعري انا طبيعة شعري مجعد جدا رغم ان ملمسه ناعم ومش عندي حل غير فرده لان خطيبي بيحب الشعر الناعم المفرود طبعا انا بقالي حوالي شهرين فارداه ومش ناويه اكرر العمليه دي غير لما اشوف حل هل الشعيرات القصيره الي ظهرت في شعري من المقدمه دي حتطول تاني ولا لا ومش عارفه دي حاله طبيعيه وانا الي اول مره اخد بالي منها ولا انا كده شعري اتدمر ولا اروح لدكتور ولا ايه بجد عايزه حل افيدوني بالله عليكم لان الموضوع ده تاعبني نفسيتي جدا مع العلم ان موضوع الشعر القصير ده مش باين انا بس الي ملاحظاه وخايفه الاقي الشويه الي مش باينين دول يكترو ويملو شعري وهل الشعر القصير ده حيطول ولا خلاص على كده بجد محتاجه نصيحه باسرع مايمكن حتى استطيع ان اهدا

أختي في الله :)
اهدي ان شاء الله خير
بس ارجووكي
انسي الفرد
يعني صحيح زي ماستاسي بتقول تبقي قرعه ولا عندك شعر حتى لو خشن احسن؟؟؟

انا مش عاوزه اقولك اعملي وهاتي وحطي
لانك اساسي من بكره بأذن الرحمن تنزلي لاي دكتوره جلديه فورا
لان موضوع الشعر القصير ده غريب
الدكتوره ادرى مننا كلنا
وصدقيني لو عرفت انك عامله فرد هتفهم على طول
الفرد هو اللي ضيع شعرك ..انا اسفه بس دي الحقيقه:(

شفاكي الله وعافاكي ياحبيبتي وجعلك من احلى البنات يارب(f)

amatalrahman237;8187469:
هو كريستال دة نوع سيروم تاني؟
على فكرة كمان بتاع افون نازل عليه عرض ب 2905 لو سعر عميل

وسعر سيروم افون لو للعضو هيبقى بكام

cico;8185865:


انا بستخدمه بس مستخدمش كريستال
بس [SIZE=3]سارة كانت بتقول ف صفحات قدام انه احلى كتير من كريستال
انا حاسه انه حلو وخفيف وهو ب30 جنيه

***

حد يعرف اسم المادة المضرة اللى موجوده ف الشامبوهات؟
وهل فعلاًَ شامبوهات الاطفال مش فيها المادة دى ؟


[/SIZE]

كيكو ايه اخبار سيروم افون معاكى بتستخدميه كل يوم ولا ازاى وبتستعملى معاه كريم للشعر عادى بعد الاستحمام ولا لغتيه ياعنى وايه نتيجته تفصيل ممل لو سمحتى :tongue:

اختي Didem متشكره اوي على ردك السريع انا فعلا قررت مافردش شعري خالص على الاقل دلوقتي لانه متدمر بس فعلا الي قالقني اوي مش سقوطه الي قالقني الشعر القصير ده الي مش عارفه حيرجع يطول تاني ولا ايه لان بابا بيقولي انتي قلوقه اوي وحيطول تاني وفعلا مش عارفه انا محتاجه اروح لدكتور ولا لا

ساره افندي;8187983:
انا جبته الديتول اللبني النهارده ولسه عامله من شويه ولما ينشف هبقا اقولكم علي النتيجه بكره بقا عارفه يانونا لو القشره مارحتش هاجي اختفك ههههههههههه

ههههههههههههههههههههههه لا ان شاء الله تروح استخدميه بس باستمرار وهتحسى بتغير واضح جدا ان شاء الله

مون مون;8190884:
يا بنات لو سمحتم انا سمعت عن شامبو سلسن بلو انه حلو اوي للقشرة بس مش عارفه هو موجود في مصر ولا لأ حد يقولي

وبكام ؟؟

انا مش جربته بس هو موجود وشوفته فى صيدلية فى شارع الهرم :D

nona.aly2008;8192533:
اختي Didem متشكره اوي على ردك السريع انا فعلا قررت مافردش شعري خالص على الاقل دلوقتي لانه متدمر بس فعلا الي قالقني اوي مش سقوطه الي قالقني الشعر القصير ده الي مش عارفه حيرجع يطول تاني ولا ايه لان بابا بيقولي انتي قلوقه اوي وحيطول تاني وفعلا مش عارفه انا محتاجه اروح لدكتور ولا لا

بلاش فرد ونبى :( وغلاوة شعرك عندك :D
احسن ده اوحش اختراااااااااااع الفرد ده كان المفروض يسموه تدمير الشعر حرق الشعر اانا جربته من كذا سنة وتووووووووووووووووبة وبعالج فى شعرى لحد ما طلعت الفرد منه بأعجوبة الحمدلله بس خف وبقة النص بس الحمدلله

متشكره nona_koky2000 على مشاركتك بس انا دلوقتي فعلا عايزه حد يفيدني الشعر القصير الي في شعري ده طبيعي ولو مش طبيعي حيرجع يطول تاني وهل انا فعلا محتاجه اروح لدكتور ولا اكتفي بقص اطرافه والعنايه بيه مع حمامات الكريم

nona_koky2000;8192270:
كيكو ايه اخبار سيروم افون معاكى بتستخدميه كل يوم ولا ازاى وبتستعملى معاه كريم للشعر عادى بعد الاستحمام ولا لغتيه ياعنى وايه نتيجته تفصيل ممل لو سمحتى :tongue:

انا جربت سيرم ايفون لسه جيباه انا اول لما جبته مكنتش مقتنعه بيص بس قصيت الاطراف بتاعت شعرى وبقيت استخدمه بعد ما اغسل شعرى انا بستعمل برضه شامبو من ايفون
اسمه ناتشورالز 2 في 1 وهو بلموز وحليب جوز الهند بجد جميل بينعم ومبيسببش تساقط وتحسي انه تقيل اوى ورغوته وريحته حلوه هو للشعر الجاف والتالف بغسل شعرى بيه وبعد كده استخدم حمام كريم اسمه مينك بزيت الحيه سعره 8 جنيه 500 مل بجد جميل اوى اوى ببحطه لمده ربع ساعه واحط البونيه على شعرى وبعد ربع ساعه اغسله بماء دافئ يكون فيه بخار بس لما تيجى تغسلى الفروه متحطيش مايه سخنه اوى عليها عشان ميسببش تساقط للشعر وبعد ما انشف شعرى انا بستعمل مكوه علطول رغم ان شعرى ناعم ومش محتاج مكوه بس خدت على كده امسك شويه من شعرى اليه هكويه واحط عليهم السيرم هو بيدى لمعه حلو وفعلا حسيت ان اطراف شعرى مبقتش تتقصف زى الاول رغم ان مكنتش مقتنعه بيه بس طلع كويس وعجبنى سعره 49 جنيه بس شهر واحد نازل سعره 29 جنيه ونازل في عرض السيرم والشامبو ادفانس تكنيكس وعليهم روليت برفن سليبر سعرهم 44.50جنيه عرض حلو اوى باذن الله هجيبه انا بستعمل السيرم لما اكوى شعرى بس يعنى مرتين بلاسبوع او مره بلاسبوع بس احيانا بدهن اطراف شعرى منه في اى وقت وهو 30مل
انا اديتك اهو المعلومات التمام عن السيرم ادعيلى ربنا ييسر حال خطيبى ويتمم زواجنا على خير

nona.aly2008;8191207:
انا عندي مشكله رهيبه وحسه ان شعري متدمر ومش لاقيه حل انا بعمل كل 3 شهور فرد ايطالي ونتيجته كانت رهيبه مع شعري لكن طبعا مع الفرد ومجموعة عوامل زي الانيميا مع الحاله النفسيه ظهر شئ غريب في شعري ونفسي حد يفيدني شعري بدا يتساقط بطريقه غريبه دي حاجه حاجه تانيه لقيت في مقدمة راسي مجموعة شعر قصير طوله حوالي 2 سم او 3 سم كاني معايا مقص وجبت مجموعه من الخصل وقصيتها بمقص طبعا انا ماعملتش كده بس ده الوضع الي عليه شعري انا طبيعة شعري مجعد جدا رغم ان ملمسه ناعم ومش عندي حل غير فرده لان خطيبي بيحب الشعر الناعم المفرود طبعا انا بقالي حوالي شهرين فارداه ومش ناويه اكرر العمليه دي غير لما اشوف حل هل الشعيرات القصيره الي ظهرت في شعري من المقدمه دي حتطول تاني ولا لا ومش عارفه دي حاله طبيعيه وانا الي اول مره اخد بالي منها ولا انا كده شعري اتدمر ولا اروح لدكتور ولا ايه بجد عايزه حل افيدوني بالله عليكم لان الموضوع ده تاعبني نفسيتي جدا مع العلم ان موضوع الشعر القصير ده مش باين انا بس الي ملاحظاه وخايفه الاقي الشويه الي مش باينين دول يكترو ويملو شعري وهل الشعر القصير ده حيطول ولا خلاص على كده بجد محتاجه نصيحه باسرع مايمكن حتى استطيع ان اهدا

بصي يا أختي لازم تلحقي شعرك بسرعة لإن الفرد دا عامل زي السم للشعر بيقتله
لازم تعملي حنة كتيييييييييير جدا اعمليها لو تقدري مرتين أو مرة في الاسبوع أو مرة كل أسبوعين وحطي معاها الحاجات المغذية زي الزبادي وماء الحلبة أو عصير البصل
شوفي موضوعي ودا مجرباه كتير http://www.3roos.com/forums/t381423.html
وبالنسبة للأنيميا خدي الاملج بيعالج الانيما وحاجات تانية كتير بس خديه بمعلقة عسل لإنه مر جدا
شوفي موضوعي دا كمان مجرب http://www.3roos.com/forums/t348837.html
ولو بيتساقط اعمليله تغذية بالزيت بس لازم تتأكدي انه زيت حلو يعني زيت زيتون أو جوز هند
شوفي موضوعي دا كمان وأنا مجرباه شخصيا http://www.3roos.com/forums/t403047.html

متشكره sandybell2 علي مشاركتك انا قررت اروح لدكتور بس الي قالقني اوي ظهور الشعر القصير جدا في مناطق متفرقه في مقدمة راسي وده شئ قالقني بطريقه فظيعه عايزه اعرف مع مرور الوقت الشعر القصير ده حيطول ولا لا ياريت لو حد عنده فكره عن الموضوع ده يفيدني لانه قالقني جدا ومش صابره لغاية ماروح للدكتور بصراحه عايزه اطمن

nona.aly2008;8193326:
متشكره sandybell2 علي مشاركتك انا قررت اروح لدكتور بس الي قالقني اوي ظهور الشعر القصير جدا في مناطق متفرقه في مقدمة راسي وده شئ قالقني بطريقه فظيعه عايزه اعرف مع مرور الوقت الشعر القصير ده حيطول ولا لا ياريت لو حد عنده فكره عن الموضوع ده يفيدني لانه قالقني جدا ومش صابره لغاية ماروح للدكتور بصراحه عايزه اطمن

مش يمكن يكون دة شعر منبت في أماكن كانت مش بتنبت من قلة الإهتمام و لما إهتمتي ابتدى يظهر :wink:

متشكره يا حبيبتي looloo86 على مشاركتك ومحاولتك اني تطمنيني بس انا مش عارفه ده شعر منبت فعلا ولا الشعره اتحرقت واتقطعت خالص لان ده في اماكن متفرقه من شعري بس في المقدمه بس بقية شعري كويس بس الحمد لله ان الشعره نفسها ماخرجتش من منبتها لانها كانت حتعمل عندي زي التعلبه فعلا نفسي اعرف ايه سبب الظاهره الغريبه الي عندي دي

متزعليش مني يا أختي ، بس هو الاغلب يا أخت نونا ان الشعر اتقطع واتحرق وحصله كده من الكيماويات اللي في الفرد علشان كده بقولك اهتمي بيه علشان يطول الشعر دا بسرعة ومايضيعش
وعلى العموم متخافيش يعني روحي للدكتور وهو هايقولك تعملي ايه ولو اهتميتي بيه زي ماقولتلك والله هاتلاقيه رجع بسرعة زي الاول بس حاولي بعد كده تقللي من الفرد وممكن تعمليه بالسيشوار بعد ماتعملي حنة علشان تضمني ان شعرك مش هيخرب بسرعة وانه هيحافظ على تقله