سابرينا10;7302628:
بنات ياريت حد يساعدنى ويقلى ازاى اكثف شعرى لانه خفيف اوى وخاصه مقدمه الراس والجناب عايزه يطلع فيها شعر
او قلولى جدول امشى عليه او خلطه او منتج يكثف شعرى شويه
وكان عندى سؤال تانى البناتوجار بيزود شعر الجسم ويطوله ولالا لانى عايزه استعمله وخايفه
بصى ياقمر دى كانت نفس مشكلتى مع مراعاه ان شعرى نوعه عادى بس خفيف انا حقولك عملت ايه واستعملت ايه بس راعى انك لو شعرك نوعه غيرى حتختلفى معايا فى نوع الشامبو وممكن الكريم بتاع التسريح
بس اولا فى كم قاعده لازم تعمليهم
1_ ماتعمليش شعرك كحكه لانه بتنحل الشعر خليه ضفيره ومهويه خااااااااالص
2_ كمان ممكنوع استعمال التوك الاستك ولو اتستعملتيها هاتى اصغر مقاس بحث يادوب يمسك الشعر مش تطرى تتنيها مرتين على الشعر
3_حاولى على قد ماتقدرى تكونى فارده شعرك فى البيت او لاماه بطريقه مريحه بتوكه مشبك و كليبس وتجنبى تماما لويه ولو اضطريتى يبقى فى اضيق الحدود ولمده قصيره
4_لما تغسلى شعرك ماتسرحيهوش علىطول لفيه شويه فى الفوطه وسيبيه ينشف يبقى مندى يعنى وبعدين سرحيه وممكن تستعملى اى كريم تسريح بترتاحى عليه وبلاش تستخدمى الزيوت الا فى صوره حمام غير كده لا
5_ شعرك يتغسل بالشامبو وبعديه اما بلسم او اى نوع حمام كريم شعرك يرتاح عليه وتشتطفيه كويس جدا وبس
6_ شعرك تغسليه حسب ما هو متعود يعنى لو معوداه يتغسل كل يوم من وانتى صغيره ومربياه على كده اغسليه كل يوم ولو معوداه يوم ويوم افضلى كده لان اللى بيتعود عليه الشعر صعب يتغير لانه بيبقى اقلم نموه وغذائه على كده
7- تاخدى اى نوع فيتامين والاهم انك لو بتاعنى من التساقط تاخدى حبوب زنك لمده شهرين وتوقفيها وبيس
8- كل شهر او شهرين تقصى اطراف الشعر فى الايام القمريه الفرديه يعنى ايام 13 و15 و17
بصى بقى انا اسنخدمت الاتى
1_ كريم روتاج ده بتجيبيه من الصيدليه وهو ب27 باين او 32 مش فاكره وكل ماتستحمى او بمعنى اصح كل ما تغسلى شعرك تدهنى مقدمه الراس والحتت اللى عاوزه الشعر ينبت فيها او نبت وعاوزاه يتقل وتسرحى عااااااااااااااااادى جدا
2- بستعمل شامبو هيربل اسسينزز باملاح البحر وده اكتر نوع اراحتله وكمان وراه حمام كريم ويلى بالنخاع ودلوقت بستعمل حمام كريم لوريس ولو مافيش حمام كريم بجيب بلسم هيربل اسسينزز برضه (خالى بالك انك ممكن تستعملى اى نوع حمام كريم المهميكون بالنخاع )
بعد ما الشعرينشف بستعمل كريم كازنوفا جى اسرح بيه وحاليا بستعمل كريم برت بلس بالعسل
3_ مره فى الاسبوع بعمل حمام زيت مكون من (زيت خروع - زيت جرجير - زيت الحيه- زيت اللوز المر+الحلو - زيت جنين القمح - زيت الحيه - زيت الصبار- زيت جوز هند ) وسعات بضيف زيت املا نقطتين كده واخيرا بقيت اضيف زيت الثوم وده بصراحه اللى فرق معايا جامد
بسترحى الشعر وتدلكى فروه الراس بالخلطه دى وبعدين تلبسى بونيه بلستك وتلفى عليكىة ايشارب وتسيبيه طول اليوم ولو انتى بتشتغلى زى حالاتى ممكن اخر النهر لما ترجعى لحد قبل النوم انا مااستخدمش زيت زيتون لانه نشف شعرى
ممكن بقى نفس الخلطه دى تخلطيها مع حمام الكريم بتاعم وتتعمل فى صوره حمام كريم انا بعملها اسبوع واسبوع اسبوع بالكريم واسبوع لا
3_ مره فى الاسبوع بعمل حنه لشعرى اى نوع حنه من عند العطار وبحط عليها معلقتين من خلطه الزيوت دى وزبادى وممكن لو انا جايبه كريم نخاع او الزيوت عندى مش كامله بحط زيت خروع بس وبحط زبادى وبعملها على شعرى وبسيبها يوم كاااامل دى مهمه قوى وبعملها يوم اجازتى وبحط عليها دم الغزال لانى عاوزاها تلون ومش بستخدم بيض لانه نشف شعرى
خالى بالك ان بين الحنه وحمام الزيت او الكريم يكون فى يومين راحه عشان الشعر يريح ويلحق يستفيد باللى اخده اللى بتداومى عليع كريم روتاج كل ماتغسلى شعرك حتى لو كل يوم وممكن لو الحاله اوفر تستعمليه مرتين فى اليوم