النيش !!!! زينة العروسة!!

جيرل عندك حق اننا نشتري الحاجة بعد الخطوبة
بس بردو في حدود الامكانيات التى لاترهق ميزانية الاهل :)

ههههههههههههههه

و الله العظيم انت زى العسل

على فكرة انا كمان ضد النيش و الفتارين

اللى مالهاش لازمة جوا البيت

بقولك ايه ما تيجى نعمل جمعية فتايات ضد النيش

ههههههههههههههههههههههه عندك حق يا جميل بس الظاهر ان النيش شر لابد منة بس احنا ممكن نستخدم الحاجات اللى هنحطها فية ومنخلهوش فرجة وبس

انا معاكى يا روز في الحملة:)

سنتى اوكى ياقمر لو فرضنا اننا هنستخدم حاجات النيش بس مش هنقدر نستخدم طقم صينى وطقم اركوبال وطقم بايركس وطقم بورسلين

و 6 اطقم كاسات
و زيهم للشاى

وشنطة معالق غير معالق استخدام المطبخ وغيرو بئة:)
ههههههه
بجد البنات بتبالغ اوى
ربنا يعينا على المصاريف دى كلها

عندك حق كلها عادات مالها أي لزوم....ومظاهر كاذبة ...الرضا هو مفتاح الراحة...شكرا حبيبتي على الموضوع

الدب السمينن شكرا لعرض رائيك:)

ايه خفة الدم دي يا توتي و الله موتيني ضحك
بس فعلا انت كلامك كله تمام
و كنت عايزة اعرف انتي بجد مش هتجيبي نيش :poster_war:

ميرسي يا بوسى
لا انا هجيب نيش وكلو بس هجيب نيش صغير
وكمان مش حهط فية حاجات للمنظرة يعنى هجيب طقم صينى واحد هحطو في النيش علشان لما يجيلى عزومة احطو الاكل فية
وهجيب طقم صغير خالص اللى هو20 قطعة دة للعادى انا وجوزى ناكل فية بس لكن مش هجيب صينى واركوبال وبيركس وبورسلين كل دة لية هو انا هفتح مطعم ههههه
مش هجيب شنطة معالق طبعا هجيب 12 شوكة وزيهم معالق وسكاكين بردو علشان العزومات وهجيب 6 معالق وزيهم سكاكين وشوك لاستخامى انا وجوزى
الكاسات بردو هجيب على القد يعنى هما 3 اطقم بس لاستخدامى انا والعزومات والضيوف
شوفي اهية حاجات استخدامها ضرورى جدا وهتملالى النيش
انما لازمتة اية النيش يبئة زحمة ومليان حاجات مش هتستخدم علشان المنظرة وبس:)
لانها مش بتستخدم

كل حاجة في المعقول حلوة وبعدين الكاسات والاطقم دي في منها حاجات اسعارهل كويسة وحجات عالية اوي واسعارها مستفزة مثلا طقم الصيني لسة شايفة طقم ب 3 الاف جنية لية يعني بيقول بابا وماما كل حاجة في المعقول كويس والكاسات برضة وكل حجات النيش في منها غالي اوي وفي كويس يعني مش لازم الواحد ة يعني تخرب البيت قبل ما تمشي تروح بيت جوزها انا عن نفسي انشاء الله كل الحجات الي هجيبها في النيش هستعملها هي منظر وخلاص يعني انا كنت مشترياها عشان احنطها يعني عندنا هنا ماما برضة محنطة الحجات في النيش وكل ما اطلع حاجة تبقي خايفة عليها وتقولي شيليها بس انا كل شوية اطلع حاجات مرة طلعت طقم الشاي وعملت فية شاي وبرضة الكاسات فيها بيبسي وعصير وطقم الكاكاو مش لازم يعني عشان نحافظ علي الحاجة نسيبها ومنستخدمهاش ونقعد بس نتفرج عليها في النيش وشكرا علي الموضوع الحلو دة وربنا يوفق الجميع

بجد دمك شربااااااااات يا توتي:D
بس عارفة انا مامتي كانت دايما تقول للناس لأ انا مش هقاطع و اجيبلها حاجات من قبل ماتتخطب
وفعلا ماجبتش اي حاجة خاااااااااااالص لكن دلوقتي حاسة اني باجري ورا نفسي وخسيت النص وبقيت عاملة زي الأموات مع اني مش باجيب غير الأساسياااااات بس و مش بازود في الأعداد خالص

طيب و الحلل يا توتي قوليلي اد ايه يبقى كفاية؟
افدينا افادكي الله

نانو انتى مية مية بجد:)


مها ربنا يتمملك على خير ومتكتريش الا لاستخدام وبس


بوسي كوكو بصي ياقمر الحلل انا جبت طقم استنلس وطقم تيفال صغير اللى هو حلتين مقاسين مختلفين ومقلاية وكسرولة وصنيتين
وزيهم طقم الاستانلس بيكون نفس الاعداد تقريبا

وهجيب حلة واحدة المونيا لسلق الحاجة وبس على كدة
:)
وربنا يوفقنا جميعا

والله موضوعك يا توتى موتنى من الضحك بجد ده اللى بيحصل الحاجة بتتحنط فى النيش مابتطلعش الا فى حالة واحدة ننضفها ونحطها تانى مكانها
تعرفى انا ماما لسه كانت بتقولى المفروض تشترى هدوم كذا وكذا وانى اجيب مقاسات اكبر عشان لاقدر الله لو تخنت اقولها يا ماما ليه ما ادخل بهدوم مقاسى مثلا واذا تخنت بعد كده يبقى ربنا يفرجها بعدين ازاى وازاى اقول كده المهم يا ريت موضوع الجهاز ده ماتفتحش
انا من رايى يا جماعة اننا نجيب الاساسيات ومش لازم ندخل بكل حاجة ونحمل نفسنا فوق طاقتها اللى احنا هنحتاجه بعد كده هنجيبه ان شاء الله
وبالنسبة صحيح للنيش شكلى هتخانق قريب مع ماما هههههههه لانها عايزانى ابقى اختار السفرة مش بالنيش بس لاء وبوفيه كمان وانا عارفة وقتها هتقولى يا خيبتك وهتقطم فيا لو اخترت السفرة بنيش صغير بس ومفيش بوفبه ههههههه
المهم ادعولى ربنا يتمم لى بخير يارب ولجميع البنات وبجد الموضوع تحفة
:9_33:

ممكن يا توتى تبقى تجمعى قائمة الاساسيات اللى المفروض نجيبها فى الجهاز من حاجات المطبخ والهدوم بالتفصيل
وشكرا ليكى حبيبتى