السلام عليكم ورحمة الله وبركاته ,,,
تحيه طيبه للجميع ,,,
كيف حالكم عساكم بخير ..
حبيباتي حابه اضيف تجاربي رقم 10 ولو بشكل مبسط وان
شاء الله يحوز على إعجابكم ...
::::::::::::::::::::::::::::::::
////////////////
,,,,,,,,,
حكايتي مع سلة المهملات كرمكم الله مالها نهايه
يوم الكيس صغير ويوم كبير الظاهر الغلط بحجم السله مو بالاكياس
بس مدام السله موجوده خلاص نشوف حل لتثبيت الكيس عليه
وطلعت بفكرة المشابك تعالوا معي نشوف الصور
هذي المشابك نفعتني كثير لتثبيت الكيس على السله
خصتا لما تكونين توك مبدله الكيس والكيس فاضي بسلة المهملات بالمطبخ
ما يتثبت عدل يعني أول ما تكبين شي بالسله على طول يتحرك
بهذي المشابك سواء للغسيل او للتوزيعات الزينه
منها ازينهم مثلا بأشرطه او ورود مجففه تزين السله ونفس الوقت تثبيت من اربع جهات
وهذي النوعيه من المشابك
حلوه لاستخدامه بسلة الأطفال الخاصه بغرفهم تثبتين فيه الكيس
وبدون عواااار راس ....
:::::::::::::::::::::::::::
نويتي تتخلصين من سلة الصحون الي عندك
لا تقطينه تعالي اقول لك وش تسوين فيه ...
خذيه وحطيه بالدولاب الي تحطين فيه الصحون
ايه صفي صحونك عشان الدولاب يطلع حلو ومرتب ونفس الوقت
منظم وكل ما تبين صحن كاهو قدامك مرصوص بشكل طوالي مرتب
حتى لو ما تبين تقطينه وعاجبك اشتري واحد للدولاب
واختاري اللون الي يناسب دولابك
وحلو انه يكون فيه اماكن لرص الصحون فيه هذي اهم نقطه
طبقوا وصدقوني بترتاحين ...
::::::::::::::::::::::::::::::
تعطير المكنسه ..
وحده تقول غسلي الكيس بكمفورت او عطر
وحده تقول بعد ما يجف عطريه بعطوراتك المفضله قبل تركيبه بالمكنسه
ووحده تقول حطي بالكيس قطنه فيها عطر
او قطعه من البخور
كل هالافكار حلوه وناجحه
وتعالوا اعطيكم فكره جديده زياده على الي قلناه قبل
شفتي الفلتر الاسود بالمكنسه
الي صاير شكله مثل الاسفنج الخفيف
هذا السر الحقيقي بشفط مكنستك بطريقه قويه
على الاقل اهتمي فيه مرتين بالاسبوع
يعني غسليه بماء وشامبو
وبعدها عطريه
وشوفي كيف ان الريحه روعه بتم ايام وايام وايام الين اليوم الي
يجي وقته لتنظيفه
فهالله هالله بالفلتر نظافته هي سر قوة مكنستك بالشفط
وتعطيره سبب بتعطير منزلك ....
.......
طيب يا اخواتي الكثير يعاني من فلاتر
الغسالات ...
الي تجمع الاوساخ
وبعد مده تلاحظين تراكم الجير وسد الفتحات الي تطلع منه الماء
عرفتوا وش اقصد بالفلاتر
القطعه الي تنشال داخل حوض الغساله الي تجمع بقايا الخيوط
كيف يتم تنظيفه ...؟؟؟
اشتري فلاش من النوع الرخيص
ليه الرخيص
السبب :
انه مو مركز
وين تلقينه برامز
او اماكن الرخيصه تبع العشر ريال
هذي الاماكن دائما تجيب الاشياء الغير الاصليه
واحنا نبي نستخدم هالنوعيه عشان ما يكون اثره قوي
وان ما حصلتيه مو مشكله خففيه بالماء
واخذي فرشاه وادعكي الفلتر وشوفي كيف الفتحات تنفتح بكل سهوله ويسر
وترجع نظيفه وجديده كمااااان ....
::::::::::::::::::::::
::::::::::::::::::::
جبتي خضره بصناديق الفلين
او اشتريتي جهاز فيه فلين قطع كبيره او بالطول
لا تقطينه لو كان عندك هالنوعيه من الكنب .....
السبب :
أكيد تتعبين من تحريك الكنب كل اسبوع لتنظيف تحته
بخليك تشيلينه بالشهر مره وحده ...
سدي الفراغات بالفلين اخذي القياسات وسدي اطراف الكنب من تحت
عشان ما يدخل فيه الاوساخ وقطع الالعاب او اي كان من اقلام وغيره
خصتا ليلي تعاني من اطفالها ....
وان ما حصلتي فلين ممكن تستعينين بقطع من ....
الأسفنج
ممكن تشترينه بالمتر
وتدخلينه بالفراغات وانتهى الموضوع ...
ملاحظه :
دخلي القطع بشكل مرتب وحاسبي ان ما يبين ان فيه قطع تحت الكنب
عشان ما يخرب لك الديكور ....
:::::::::::::::::::::::::::
مدري وش سالفتي مع الاسفنج اليوم
هههههههههه
طيب الاسفنج المستخدم بالمكياج الي يجي شكله
مربعات مثلثات مستطيل يمكن بعد دوائر على حسب
ما تشترينه وتستخدمين ...
كل من يقول ان بعد شهر او شهرين من استخدامه
المفروض انك تغيرينه صح ...
عشان ما يتجمع فيه البكتيريا وغيره ...
وان كان شكله لسه ما فيه شي وتبين تقطينه
غسليه عدل مدل وبعدها اغمسيه بزيوت عطريه
وعلقيه وراء باب الحمام او فوق حمالات الفوط
وكل ما تحسين ان العطر خف ريحته
اغمسيه مره ثانيه ...
وممكن كمان انك تشترين قطع وتقطعينه بقطاعات
على الشكل الي تحبينه وهالله هالله بالشرايط الحلوه وزينيه بالورود الصناعيه ان حبيتي ....
::::::::::::::::::::::::::::
تم ولله الحمد اضافة خبراتي رقم 10
وجزاكم الله خير على حسن متابعتكم
تـــــــــــــــــرانيم