تجمع بنات مصر فى ركن العناية بالشعر (1)

stacy انا قريت فى الجرائد انه اتقفل وفى بنت هنا فى المنتدى
قالت انها راحت عنده ولقت قسم الشعر مغلق وعلى العموم قبل
ما تروحى اتصلى بيه وربنا يتمم لاختك على خير يارب

السلام عليكم ورحمة الله وبركاته
صباح الفل يابنات
شكرا اوي يا مريم على الرد
طب انا بغسل شعري وبعدين اشطفه بالميه
وبعدين احط كريم بالمرز علشان اسرحه
ايه رأيك كده صح ولا ايه؟؟؟؟

rony86;6118891:
السلام عليكم ورحمة الله وبركاته
صباح الفل يابنات
شكرا اوي يا مريم على الرد
طب انا بغسل شعري وبعدين اشطفه بالميه
وبعدين احط كريم بالمرز علشان اسرحه
ايه رأيك كده صح ولا ايه؟؟؟؟

وعليكم السلام ورحمة الله وبركاته
اللهم صلى على محمد و آل محمد
اسمحى لى ارد عليكى
بعد لما بتعملى حمام الكريم بتغسلى شعرك بالماء فقط زى البلسم ما تعمليه تغسلى بالماء فقط بدون شامبوا
وبعد كده تدهنى كريم بالمرز اشترى العبوة الصغيرة الاول جربيها واذا عجبك اشترى بعد كده الكبير
بتدهنينه وبعدين تلفى شعرك او اعمليه زى ما تحبى وممكن تدهنيه على خفيف وبعدين تعملى سشوار وبعد السشوار تدهنى مرة تانى وتلفى شعرك طاقية ولما تفرديه بعد ما ينشف اتفرجى على الجمال كأنك عاملة شعرك سشوار و فير
اتمنى اكون افدتك
وعلى فكرة انا بقول الكلام ده عن تجربة شخصية
واسفة اذا كنت اخدت مكان الاخت مريم فى الرد عليك وانت كنت تسأليها

Stacy;6118735:
ازيكم يا بنات

وحشنى موووووووووت

انا مشغولة بجد على الاخر مع اختى خالص بس انشاء اللة هكون معاكوا فى اول 6

بس كنت عايزة اسئلكلم انا لقيت بنات بتقول ان حراز قفل قسم الشعر الى فى الزيوت و الزيوت العطرية

لانى النفروض اروح هناك قريب اجيب لاختى حاجات من عندة فا ياريت الى يعرف حاجة على الموضوع دا يقول

اهلااااااااااااااا سلامات ان شاء الله تكونى بخير الله يعينك و ربنا يسعدك انت واختك
وحشتينا جدا
بيقلوا فعلا انه اتقفل انا كمان كنت ناوية اروح اجيب حاجات من عنده بس بصراحة ممكن اخاف استعمل حاجته بعد الخبر اللى حصل ده
يقولوا انه فى مواد خام كانت فاسدة عنده وحاجات كده
انا اقترح عليكى تشوفى منتجات شركة اصالة انا استعملت من عندهم حاجات وكانت حلوة

ده الموقع بتاعهم عليه معظم منتجاتهم
www.asala-mady.com

السلام عليكم ازيكم جميعا
بجد ربنا يكرمكوا على المعلومات الهايلة دى
كنت عايزة اخد رأيكو فى حاجة
انا عايزة شعرى يطول لأن حماتى قالتلى ان خطيبى عايزة طويل

تفتكروا اجيب زيت جدايل واجيب الأصلى منين من صيدليات كبيرة زى العزبى وسيف
والأفضل اعمله حمام زيت ايه الزيوت اللى استخدمها انا قلت الزيتون والسمسم واللوز لو فى اقتراحات تانية ممكن تقلولى علشان اريح حماتى

مريم المسلمة;6118853:
stacy انا قريت فى الجرائد انه اتقفل وفى بنت هنا فى المنتدى
قالت انها راحت عنده ولقت قسم الشعر مغلق وعلى العموم قبل
ما تروحى اتصلى بيه وربنا يتمم لاختك على خير يارب

littelswan;6119301:
اهلااااااااااااااا سلامات ان شاء الله تكونى بخير الله يعينك و ربنا يسعدك انت واختك
وحشتينا جدا
بيقلوا فعلا انه اتقفل انا كمان كنت ناوية اروح اجيب حاجات من عنده بس بصراحة ممكن اخاف استعمل حاجته بعد الخبر اللى حصل ده
يقولوا انه فى مواد خام كانت فاسدة عنده وحاجات كده
انا اقترح عليكى تشوفى منتجات شركة اصالة انا استعملت من عندهم حاجات وكانت حلوة

ده الموقع بتاعهم عليه معظم منتجاتهم
www.asala-mady.com

بنات انا مشفاهمه هوا الجزء بتاع عرايس مصر اتقفل خلاص ولا ايه

http://www.3roos.com/forums/t344285.html

لا المشرفة قالت ان فية مخالفات وهيغلق لمدة 48 ساعه
المهم عايزة كريم اسرح بية شعرى بعد حمام الكريم مش عايزة زيت علشان بعد الغسييل بينشف شعرى وكدا

Stacy;6118735:
ازيكم يا بنات

وحشنى موووووووووت

انا مشغولة بجد على الاخر مع اختى خالص بس انشاء اللة هكون معاكوا فى اول 6

بس كنت عايزة اسئلكلم انا لقيت بنات بتقول ان حراز قفل قسم الشعر الى فى الزيوت و الزيوت العطرية

لانى النفروض اروح هناك قريب اجيب لاختى حاجات من عندة فا ياريت الى يعرف حاجة على الموضوع دا يقول

ايوه يا جميل انا روحت له يوم الخميس لقيت قسم الشعر والكريمات والشامبوهات مغلق وقالت لى على اول الشهر يمكن يفتح وكمان مش لاقيت اى زيوت موجوده قال لى اسالى قبل ماتيجى

انا بردو روحت الخميس لقيت ركن الزيوت مأفول لن فى جرد
بس انا سمعت ان مصانع فيها حاجات فاسدة مش للشعر لأ عموما فاشمعنى الزيوت بس ؟

مبروك يا بنات على الموضوع الجميل ده انا لسه بابع الصفحات اللى فاتت بس أنا عندى سؤال يا ريت البنات اللى استعملوا الحناء يقولوا لى هل فعلا بتبيض الشعر لأن ليا أصحاب استعملوها وشعرهم كله طقطق أبيض ، انا فكرت بس استعملها بالنسبة للشعر الأبيض اللى عندى فى الجوانب فقط ، همه كذا شعراية كده فقلت اعملهم بالحنة وبعدين انا شعرى بنى مش اسود يا ترى ده يأثر على لون شعرى الطبيعى؟

حد سمع عن حمام كريم وشامبو وبلسم اسمهم
top mix
اصل صحبتى ايام الجامعه
كان شعرها خفيف وكيرلى ومش بيطول
وبعدين لقيت ماشاء الله شعرها تقيل وبيطول
وهى بتفرده على طول
بس قولت عادى

لحد ماجت بنت سالتها وقالتلها انا شعرى زى شعرك انتى بتستعملى اييه

قالتلها ع السر
انها بتستعمل المنتجات دى
واللى ضحكنى انها وهى بتقولها كان هاين عليها تزقنى
اصل فى منافسه شويه مابنا فى الحاجات دى
فا حد جرب الtop mix
ده

ازيكم يابنات

ايه التجمع الحلو ده
دايما كده
انا لسه شايفه الموضوع النهاردة وطبعا حاولت اقرا لحد ماتعبت

قلت ادخل اشارك ونجيب اللي فات بعدين

بصوا انا شعري حكايته حكايه

فروة راسي دهنيه جدا ولو ماغسلتوش كل يوم القشرة تطلع تقولي انا هه ياجدع

اما شعري جاااااااااااااااااااااااااااف من هنا للصبح وناشف قوي

وكيرلي

وكمان بالرغم من ان فتلته تعتبر تخينه شويه لكن ضعييييييييييييييييف جدا واللي قالتلي الكلام ده البنت اللي في كوافير سحر لما رحت افردة مرة قالتلي شعري ضعيف ماينفعش في الفرد

مش قلتلكم حكايته حكايه

اه ونسي اقولكم مقصف قوي من قدام بس

اقولكم بقى الحاجات اللي بستخدمها

شامبو دوف حلو قوي مع شعري هوا والبلسم لكن هيربال اسينس جربته وكان وحش قوي

حمام كريم لوريس بزيت الحيه وكمان فاشكول بالتوم حلوين جدا جدا

وكمان زيت جوز الهند بتاع باراشوت وزيت املا بعملهم حمام زيت قبل الشامبو كويسين
تقريبا دول انواع الزيوت الوحيدة اللي نفعت معايا

وبعد الحمام بسيب شعري ينشف في الفوطه وبعدين بحطله سيروم كريستال وبس

لكن جربت حاجه جديدةالأسبوع ده وعجبتني
جبت كريم من بالمرز لونه على برتقالي فاتح كده
مكتوب عليه انه يستخدم قبل كوي الشعر وانا جبته علشان استخدمه قبل مكواة السيراميك وبصراحه طلع حلو قوي

واستخدمته بعد غسيل الشعر بدل السيروم وماكوتشي شعري ولا حاجه وبرضه طلع حلو برضه
معلهش رغيت معاكم ودوشتكم

اه صحيح نسيت اقولكم
زيت الزتون انا محتاره فيه قوى
ناس تقول استخدمه على الجسم بيقلل من نمو شعر الجسم
وناس تقول استخدموه على الشعر عشان شعرك يتقل
ونفس الشىء بيتقال على باقى الزيوت
زىالخروع على الجسم وعلى الشعر
طب ازاىىىىىىىىىىىىىىىىىى

sally2007;6114876:
بصى ياقمر زيرو فريز ان لسه قايله من يومين انا مش فكرة كنت جايبة بكام بس كان تقريبا 35 ي 39 وفى بنات قالة انهم بيجبوا 39 وفى بنات بتجيبة 40 بصى هو فى الحدود دى وبيختلف تمنه من مكان لمكان بس لما بيزيد من مكان لمكان بيبقى الفرق مش اكثر من 2 جنية بس هو حلو فعلا

شكراااا يا قمر على الرد و خلاص ان شاء الله أشتريه

صوت العيون;6115728:
صح سمعت عنه كتير وفى صورة ليه وقالولى ب 40 بس لسه مش جربته ان شاء الله اجيبه هو بيدهن قبل السيشوار صح كدا ؟؟؟
؟؟
؟

مش عارفة والله بس أنا مش بعمل سيشوار على طول

و الكوافير قالى أحطه بعد غسل الشعر بدل الكريمات و الزيوت

بنااااات فى بنات بتستعمل سيروم كريستال رأيكم هوا و لا زيرو فريز ؟؟؟

أنا عاوزة حاجة تكون كويس لأن شعرى متبهدل آخر بهدلة

شعرى فتلته ناعمة و دلوقتى بقى كيرلى بس المفروض انه فى كسر على خفيف جداا

و هوا خفيف أوى و الشعرة نفسها رفيعة و ضعيفة و طبعا التقصيف ده بلوى لوحدها

ايه ده شعرى بقى فيه كل حاجة ممكن تكون موجودة و عندى قشرة كمان

عاوزة شامبو حلو للقشرة

معليش طولت عليكم

paradise rose;6106870:
انا عملاها اهو بس الريحه صعبببببببببببه اوى وخايفه لما اجى اغسل شعرى الريحه تفضل
يابنات قولولى لو الريحه ارحتش من شعرى اعمل ايييييييييييييييييييييييييييييه
:15:(f)

بصي انا قريت في الموضوع بتاع خلطه الزيوت ده ان لو ضفنا قرنفل هيمنع الريحه شويه بس طبعا اكيد الريحه هتبقي موجوده ........ ده ثوم ياحبيبتي ثووووووووووم

بس ممكن بقي نستخدم بعدها شامبو ريحته جامده وكممان كرم ريحته حلوه ونسيب شعرنا متهوي.

اما بقي اذا كان علي الناس اللي في البيت فيستحملوا هما مش عايزين يشوفونا عرايس زي القمر:wink:

نسيت اسالك انتي مخمراها بقالك قد ايه اصلي لسه معملتهاش بس كده هنزل جررري اجيب المكونااات بتاعتها

حبه كريز
ممكن تقول لى بتجيبى منين زيت جوز الهند بتاع باراشوت وزيت املا وبكام