العبايات في البحرين (محلات ومصممين وكل الاستفسارات هنا) ..تم دمج المواضيع..

شارع جد علي تلاقين محال كثيرة


ومحال في الرفاع

محال عبايات السعيد حلوة تصاميمهم واسعارها رخيصة 200 الى 400 بس القماش كوري باهت مب حلو سواده الا اذا بتاخدين تلمع
بس عندك الملكة في السويكت حلو وتحصلين ب600

عندج حبيبتي سوق المحرق وجدعلي

أدخلي السوق وشوفي المحلات أش كثر

والأسعار راح تعجبك حبيبتي

اختي في محل في المحرق بالقرب من محلات الحواج اسمه ذوق الاميرات عنده الغالي وعنده الرخيص
وفي محل اسمه الهودج في جدعلي حلوة اسعاره وحلوة موديلاته بس اللي اعتقد لازم تفصل والمحل بالقرب من دوار وحذاه اسواق الحميديه

واي استفسار طرشي على الخاص

حاضرين اختي

السلام عليكم ورحمة الله وبركاته
اتمنى من بنات البحيرن او حد يعرف بالبحيرن
يدلني على اشياء اشتريها منها اي كانت
وحابه اسال عن افضل محل للعبايات والشيل الراقية فيها شوار فكسي او فساتين ميزة للزوجات والعرايس ساعدوني يابنات او اي حاجة حلوة بالبحرين لاهنتوا
:9_33:

مافي ولارد

:flower::flower:
:groupwave:
السلام عليكم يابنات البحرين .... انا مسافره البحرين قريب عشان أفصل عبي (الحرير والقصات ) وعشان أتبضع :flower:

طبعا قبل كل شي سويت بحث لمحلات العبي البحرينيه والنتيجه كالاتي...... واتمنى من بنات البحرين او أي بنت تعرف المحلات البحرينيه تصلح او تزيد أي معلومه:-----------------------------------------------------------------------------------
------------------------------------------------------------------------------------
سوق الرفاع او سوق بكواره (منطقه الرفاع شوي بعيده عن العاصمه يعني مافي جنبها المجمعات ولا المنطقه السياحيه):

- دنيــــــــا
- السديــــــــم
- عبايات جنى
- حواء الخليج
- بيت العبايات
- the black silk (في منطقة الرفاع الغربي - شارع مشتان) هل هذي المنطقة نفسها سوق الرفاع؟؟؟؟؟؟؟؟؟؟؟
- سهرة اليل
- الإختيارالأول



مدينة حمد سوق واقف:

- الخــــــــــدر
- الجنـــــادرية
- المحرق:
- ربشة للعبايات
- شيلاتي
- سيدتي
- الجوهره السوداء
- مذهله
- شهايل
- كارميلا
- الجزيرة
- ذوق الاميرات
- دنيا
- أول أسم
- الخواجه
- الحمراء
- السعيد



مجمع السيف:

- عبايات بوكنان



مجمع العالي:

- زمرد
- عبايات الخواجه
- عبايات النامليتي



المجمعات:

السيف _ الدانة _ العالي _ البحرين(وهو تابع لفندق الشرتون)اللؤلؤة _ مارينا مول _ الرفاع دلمون----------------------------------------------------------------------------------
----------------------------------------------------------------------------------







كما ذكرت هذي المعلومات جمعتها من منتداكم ومنتديات ثانيه،،، فياريت لو تساعدوني وتخبروني اكثر عن هذي المحلات او أي محلات ثانيه....(شو اللي يستاهل اني اروحه وشو اللي مايستاهل خاصه اني بقعد 3 ايام بس):888345:

انا بعد عندي نداء عاجل لبنات البحرين
على العموم شوفي اللنك يمكن يفيدج

http://www.3roos.com/forums/4/t288491.html


هذا اللي حصلته وانا ادور في النت على محلات فالبحرين
وياريت البحرينيات الكشيخات ياكدون علينا راااايهم مهم

ياريت لو المشرفه تنقل الموضوع لقسم استفسارات الازياء
السموحه

عزيزتي اذا تبين عبايات شغل مضبوط في الرفاع بوكوارة ارقى التصاميم والقصات

وتقدرين تدخلين وتشوفين اول شي بعدين تختارين المحل اللي يعجبك

:)

جزاك الله خير
تسلم يدك واتمنى من ذويقات البحرين تدلنا

هلا بكم خواتي

انصحكم بزيارة
مجمع السيف

ومجمع العالي

وهالمجمعين من ارقى مجمعات البحرين
وتلقون بها ارقى العطورات الفرنسية والعربية
ومحلات العبايات الراقية بالذات في مجمع العالي


وبعد عندكم
مجمع البحرين قبال مجمع السيف

ومجمع الدانه

ومجمع المارينا مووول

ومجمع اللؤلؤة


وهم في مجمع في فندق الشيرتون
واسمه مجمع الشيرتون
ايضا تلقون فيه فساتين وملابس راقية
وملابس للمنزوجات راقية
ومكياج
ومحل فساتين عرس
وساعات
وذهب
وفيه استراحه كافية



وعندكم السوق الشعبي
سوق المنامة


وهم في سوق في مدينة حمد الدوار الاول
سوق واقف

وسوق بوكوارة
في الرفاع .. بشارع البوكوارة


وشوق المحرق الرائعة
تنشهر بالعبايات والذوق الحلو
طبعا بالمحرق


واي شيئ نحنا بالخدمة


الله يوفقكم
وحياكم الله

مشكوره فديتج على الرد ان شاءالله بروح بوكواره

عندج عبايات الزمردة بالسيف صدق غالي لكن الموديلات روووعة

تسلمين حبوبه.... أن شاء الله أول شي بروح بوكواره و المحرق عقب المول

جزاك الله خير اختي
اذا ممكن اسم محل معين له تصاميم مميزة للعبايات وفيها كرستال شوار فكسي
واسم محل معين للفساتين الجاهزة للخطوبة ومحل عطورات راقية محدد اسم المحلاتت اكون شاكرة لك

يا هلا بج معانا وفي ديرتنا وحيا الله من لفانا

الدفاف الحين كل حرير، البشت مازال في الصدارة لكن بما أنه مو عملي للمرأة العاملة اللي مثل حالاتي فأنا طورته وخليته بشت بس الأيادي ضيقة لي الكوع وطرزتها يعني رجعت الموضة اللي راحت عن الفراشه بس على بشت وحرير والشال الحين يتطرز بالطول مو بالعرض وما ينلف كامل لا ينرمي على الأكتاف، أنا مثلا ألبس شيلة حرير سادة وبعدين ألبس شيله الكرستال وأخليها مفتوحه مثل اللي يطلعون رقبتهم بس لأني متحجبه فألبس شيله ثانيه حرير داخل وأسوي نفس الحركة أو أرميها على الأكتاف.
وعندج بعد الدفة اللي تكون حرير ومزمومه على الرقبه ومغلقة بالكامل وعلى اليد تحطين شيفون ربطه وعليها كرستال أو ورده كرستال بس خليه يثبتها لج لأن مو حلو شكلها وهي تنفك كل دقيقة ولازم أحد يربطها لج.

وعندج في الرفاع شارع البوكوارة محل حناين هذي شغله حلو وخاماته ممتازه والأسعار دفة خالية بخيط بس حسبها لي مع الشال بـ 40 دينار يعني وأنتي وحسب إضافاتج.

وعندج في المحرق مكانين: سوق المحرق متروس مثل ما قالت الدانة
وعندج بعد إذا إنتي جايه على الجسر كأنج رايحة المطار بيجيج تقاطع إشارات يمين البحر وسيده المطار وعراد ويسار هذي المحرق والمكان اللي لازم تدخلينه وبعدين بعد إشاره صغيرة لفي قبلها يمين على حديقة صغيره وبس على هالشارعين بتشوفين محلات للعبي مثل شهايل هذي أسعارها نار لكنها مصممة وهي اللي تشتغل على دفاتها بنفسها يعني اللي بتاخذينه محد بيلبس مثله، وعندج محل سوار ما أدري سولار وبعد روحي شوي سيده ولفي يمين بتلاقين محل شيلاتي وإذا ما بغيتيه قبل لا تلفين عليه روحي سيده لي آخر الشارع ولفي يمين وكملي الشارع لين التقاطع روحي يسار وسيده بتشوفين روضه ويمها محل عبايات السديم هذي المحل يشتغلون النقش بالكمبيوتر وشغلهم ممتاز ودرجة أولى ونقوشهم محد يقدر ينفذها في السوق كله ولو لبستي دفة من عندهم كل اللي في البحرين يعرفون أنها من السديم لأن شغلهم نظيف ومميز. وبعد شغله إذا عندج موديل أو نقشه في بالج أو حتى قطعة قماش تبغين تطبقينها على الدفة بالتطريز يسوونها لج إذا تبغين الموديل ينشرونه يعني بعد إذنج تدفعين 20 دينار بس زيادة على الدفة واذا ما تبغين أحد يلبس مثلج تدفعين 100 دينار على الإحتكار.

دلمون حــــــــــــــزر لاتروحينه كلش ههههههههههه

اختي مجمع البحرين يختلف عن مجمع الشيراتون

عندج عبايات حلوة في شارع بوكوارة اسم المحل الاختياار الاول وفعلا اختيار اول وانا مااسوي الا هناك موديلاته حلوة وغريبة

وسديم هم كذلك حلوووو

ذوق الاميرات في المحرق حلوو

هذول اللي في بالي حاليا

تنور البحرين فيج وان شاء الله تستانسين
حياج الله في بلادج الثانية

:9_28:
أشرقت وأنورت البحرين وحيا الله اهل اإمارات
حبيبتي عندش المحرق طبي وتخيري كلش حلوين وفي كذا محل تتحيرين وين تدخلين بس اكثر مكان معروف وإسمه (شيلاتي ) قمة في الأناقة وإذا بغيتي الزين روحي عندهم

وياهلا فيش

بحرينية وأفتخر;4645096:
دلمون حــــــــــــــزر لاتروحينه كلش ههههههههههه

اختي مجمع البحرين يختلف عن مجمع الشيراتون

عندج عبايات حلوة في شارع بوكوارة اسم المحل الاختياار الاول وفعلا اختيار اول وانا مااسوي الا هناك موديلاته حلوة وغريبة

وسديم هم كذلك حلوووو

ذوق الاميرات في المحرق حلوو

هذول اللي في بالي حاليا

تنور البحرين فيج وان شاء الله تستانسين
حياج الله في بلادج الثانية

مشكوره الغاليه على التوضيح
ومشكوره وااايد على اسامي المحلات ان شاءالله بروحهم :21_112::21_112:

pooh3252;4645904:
:9_28:
أشرقت وأنورت البحرين وحيا الله اهل اإمارات
حبيبتي عندش المحرق طبي وتخيري كلش حلوين وفي كذا محل تتحيرين وين تدخلين بس اكثر مكان معروف وإسمه (شيلاتي ) قمة في الأناقة وإذا بغيتي الزين روحي عندهم

وياهلا فيش

تسلميييييييييييين على الرد :flower::flower::flower::flower::flower::9_33::9_28: