ازيكم يا احلى بنوتات في الدنيا كلها
انا النهارده جايه اقولكم على حمام كلريم تحفة تحفة بجد انا استعملت الكتير و القليل و مافيش حاجه نفعت معايه لأن شعري جاف و بيهيش شويه و كل ما اجيب حاجه ما تنفعنيش دفعت دم قلبي يعني بهزر :wink:
لكن حمام الكريم ده بجد تحفة خلى شعري ناعم بجد لدرجة اني قررت ما اقطعوش خالص رغم اني من النوع اللي بيحب يغير منتجات الشعر و البشره حتى لو كانو حلوين
طبع غلس صح:21_218:
المهم يعني لان زمانكم زهقتم و هتضربوني هو اسمه LOOK'N CREAM و النوع اللي انا استعملته ببروتينات جنين القمح و دي صورته
تم تصغير الصوره
بتغسلي شعرك بالشامبو عادي و بعدين تنشفيه و توزعي الكريم على شعرك وهو لونه بنفسجي انا اول ماشفته اتخضيت و سبيه ربع ساعة و بعدين اشطفيه كويس من غير شامبو طبعا جربوا و ادعولي بكل خير و ان ربنا يرزقني بالزوج الصالح اللي اتمناه و يكتبلي كل خير
واللي جربوه ياريت يقوللولنا و يفيدونا
على فكره هو فرنسي الصنع و سعره مش غالي و في منه الاكياس و العلبة و الكيس بيكفي اربع خمس مرات
:shy: