شي يطول الشعر شبر بثلاث شهور.....بدون خلطات ولا خرابيط

شي يطول الشعر شبر ب 3 أشهر .......من غير خلطات و خرابيط ...

--------------------------------------------------------------------------------

السلام عليكم ورحمة الله وبركاته

الموضوع منقول من منتدى ثاني .. والبنات طايحين فيه .. واعرف وحده من ربيعاتي تبيعه بدبل بعد ما تغير الغرشه ماله .. وهو متوفر بالصيدليات

حطي الموضوع وفكي البنات من اذيتج<<

حبيت اقول لكم عن منتج كلمه رووووووعه قليله في حقه و لو ما أني مجربتنه و أدري بفايدته ما كنت كتبت لكم عنه اليوم ..و أفيد به أخواتي ..

ياما حطيت خلطات بشعري ما خليت حنا على حلبه ...و زيوت هيمتاج و 555 و الخروع و النارجييل و وخلطات الزيوت الجاهزه كلها ما منها فايده ...وكل ما احط شي يزيد شعري يطيح زياده و يتقصف هذا غير كلام السي سيد ...اللي ما خلا شي ما قاله عني واِني صايره مثل العيايز ..كل ما سمعتي شي سويتيه هذا غير الريييحه اللي ما يدانيها أبدا ..حتى لو بشو عطره ما تخوز أبدا الريحه ... و الحل الوحيد اللي ألاقيه قدامي هو المقص ..عشان أشيل به كل التقصف و الجفاف اللي بالشعر ..

المهم أنا قبل سنه بالضبط سويت رباندين لشعري وهو التمليس الفلبيني ..و راعيه الصالون عطتني شامبو الحصان مين ان تيل اسمه مع الكوندشينر ماله .. اتبعته فتره بس المشكله فريحته كان يقول لي ريلي لأشم ريحه بالون فشعرج .... ...تخيلواااا

المهم رحت بعدها لصالون ثاني بشيراتون و نصحتني راعيه الصالون لبنانيه اِني لازم أهتم بشعري خصووصا بعد التمليس هذا و اللي كان طالع جنااااان بشعري الصراحه ..((بس الله لا يراويكم التقصف اللي صار له بعدين))

و عطتني شامبو و تونك من منتج ياباني ..اسمه KAMINOMOTO

التونك اسمه HAIR GROW ACCELATOR ,وهو عباره عن مسرع لنمو الشعر يقضي على البكثيريا و الحكه و القشره ...و يخلي الفروه نضيفه و هذا أهم شي لشعر طويل و صحي ...و بنفس الوقت هو يحرك الدوره الدمويه بالشعر ويقوي جذور الشعر ويمنعه من التسااقط..

بعد ما نصحتني أخدته على طول من عندها و قلتها حطي لي منه ..و حطت بايدها شوي من التونيك وقامت تحط على الفروه كلها مع عمل مساج خفيف بأطراف الأصاابع ...صدقوني اِنه على طول يتغلغل بالداااخل وحسيت ببروده و انتعاش ..وما ينغسل وراه الشعر ..

يعني لما اتحطينه من الأحسن اتكون فروه الرأس نظيييييفه عشان يسوي شغل ...

المهم اِني ارتحت عليه و استمريت عليه أحطه بعد السبوح وانا عاده 3 مرات بالأسبووع أغسل شعري..

بعد أول شهر حسيت بطول بشعري قلت يمكن لأنه على طول سيده ها اللي خلاني أحس بالفرق ..وبعد ما كملت 3 أشهر صار فرق واااااااضح حتى ريلي انتبه لها الشي ...و أهم شي عنده انه افتك من الريحه .. اللي صدق أذته وهذا غير المنظر الصحي للشعر وتخلصت من القشره الدهنيه اللي كانت مأذيتني بالحكه ...

المهم اِني وقفت المنتج من 6 أو 8 شهور تقريبا وما منه أي اآثار أو مضاعفات ..بس التمليس اللي سويته هو اللي هلك لي شعري وصاير يبين مثل الأسلاك صحيح اِنه صاير طوييييل ..بس كنت كل فتره
أقص شوي من شعري .. بس من شهرين قصيت منه واااااايد لأني شليت كل الشعر اللي كان مملس ..و الحين شعري كله طبيعي مع ان طبيعته نااعم بس فيه طعجات ويستوي كيرلي اِذا حبيت ..

المهم اِني بغيت شعري يطول من أول و يديد وهو طبيعي ..و حبيت أعرض عليكم تجربتي و اللي تبي تبدأ معاي حياها الله لاني اشتريته امس و أبغي أبدا من ها الاسبووع واِن شاء الله شعري يوصل لآخر ظهري بعد 3 شهوور من الآن...

و الصراحه ما يتم الشهر الا و أنا شاريه غرشه ثانيه و فيها النص بس..يعني الاِستخدام العادي يستهلك غرشه و نص بالشهر ..و اِذا تبغين نتيجه واضحه بشهر بس ممكن يستخدم يوميا مرتين باليوم ..و هادي التعليمات اللي مكتوبه بالغرشه ..

بس أنا استخدمته مثل ما خبرتكم 3 مرات بالأسبووع ..وسوى لي هالنتيجه ...وشلون لو بستخدم كل يوووووووم... ..


ومثل ما قلتلكم في بداية الموضوع هو ينباع بالصيدليه وغالبا موجود بكل الصيدليات ..

بس يفضل اللي شعرهم خفيف يستخدمون التونك قبل لمدة شهر وبعدين يستمرون على المسرع لان الشعر حلاته يوم يكون طويل وغليظ مش طويل وخفيف صح ..^_^

حاولت احط الصور بس ما عرفت السموحه منكم ..

اللي تستفيد من الموضوع ما يهمني انها ترد .. بس ابغي منكم دعوه ولو بظهر الغيب ان الله يجدم عرسي ويتمم لي على خير ..
للامانه الموضوع منقول........,,