:::::: تجاربي رقم 4 وبالصور :::::::

القيوانيه;4750169:
ماشاء الله تبارك الرحمن...

افكارج رهيييييييبه ...واكيد راح اجربهن...

يعطيك العافيه عزيزتي

تسلمين على مشاركتك

وربي يوفقك ويسعدك

القيوانيه;4750187:
اوووو نسيت اقولكم... بالنسبه للاكياس البلاستكيه انا احط فيهم القمصان النوم عقب ما ابخرهم واعطرهم واحط معاهم الكور الخشبيه المعطره وجذا اتكون جاهزه لما اتيين تلبسينهم... والشنط دايما احشيهم بالجرايد :wavetowel2:

الله والله فكرة الكيس وتبخير الملابس قبل ما تحطينه فيه

شكل الريحه بتعلق فيه حتى بعد الغسيل

لا انا ما اقدر احشيهم بالجرايد الجرايد وايد احتاجهم ههههههه للزجاج

صايره ادور عليهم دواره لما يخلص من عندي واخيرا يابت لي صديقتي كرتون كله

جرايد واستانست عليهم كأنها جايبه لي هديه اكتشفت ان الجرايد كلها من صفحة الحوادث

أتاري والدتها تحب قراءة جريدة الجريمه والحوادث ههههههههه

تسلمين عزيزتي على فكرة الكيس وقميص النوم بجربها بأقرب فرصه

ربي يوفقج ويسعدك يا رب

افكار روووعه روووعه

تسلمين الغاليه

يسلمووو

ما شاء الله ما اقول الا الله يهني زوجك فيكي

والله انج خطيره

مشكووووووووووره تسلمين عالأفكار الحلوه

وهذا الشي موغريب على ترانيم :)

مشكووووورهـ حبيبتي افكاااارك رووووعه



تقبلي مرووووري

تـــرانيم;4748479:
بسم الله الرحمن الرحيم

السلام عليكم ورحمة الله وبركاته

كيفكم يا حلوين عساكم طيبين ...

اليوم نكمل عن بعض التجارب الي سويتها بالبيت ...

واكيد لو ما نفعتني كان ما كتبته لكم ...

توكلنا على الله ..


أولا :::::::::::::::

القصدير





بعد ما اخلص تنظيف المطبخ وامسح فوق الثلاجه وفوق الدواليب كل اسبوع

واسبوع بعد اسبوع كنت اتعب من تراكم الغبار فوق الارفف والاماكن العاليه فوق دواليب المطبخ

استخدمت القصدير لتغطية هذه الاماكن وفعلا ارتحت صرت انظف الاماكن العاليه اسبوعين مره وحده

ازيل القصدير المغبر والي عالقه عليه تراكمات الدهون واحط قصدير جديد وافتكيت من الدعك ورش الصابون

المفاجأه بأستخدامي للقصدير على الاماكن المرتفعه اني لاحظت ان مطبخي صار فيه اضاءه اضافيه

بسبب انعكاس ضوء الانوار بالقصدير وعن جد صار المكان منور حتى بالنهار

::::::::::::::::::::::::::::::::::::::::::

امممممم عيالي تعبوني من الاباجوره بغرفتم يا يطفونها يا يولعونها وبالنهايه
تنطفي وتحترق

اغير اللمبه باليوم الثاني وما في فايده ويا خوفي من الكهربا عليهم

قررت اني اخترع شي يكون بعيد عن يدهم ونفس الوقت ينامون وما يخافون من الظلام

بالجدار فيه لمبتين من نوع الفلورنس الطويل اكيد عرفتوه

بما ان فيه اثنين قررت اني اغطي وحده بالقصدير واخلي بس الربع باين منه

وبكذا اشغل لهم اللمبه ويطلع النور مره خفيف وصارو ينامون بدون ما يشتكون من الظلام

وبدون ما يلعبون بالاباجوره.




ثانيا::::::::::::::::::::::::::




الكل كان بالفتره الاخيره يتكلم عن تعطير البيت وقت التنظيف بداوني او كمفورت

انا عن نفسي لما تتصل فيني جارتي الي ماتبعد عن بيتي الا خطوات وتقول ابي زروك

فما بيكون عندي وقت اني ابخر او اعطر البيت فطريقتي اني اخذ فوطه مبلله واحط فيها من داوني الازرق

وادخله جزء منه في المكيف علشان يتعلق واشغل المكيف وريحة البيت كلها تصير وااااااااو

وما قدرت تمسك نفسها سئلتني شنو هالريحه الحلوه ؟؟؟



أما دواليب الملابس لأطفالي ولي لزوجي اخذ دفاتر قديمه عندي بعد ما اتأكد ان ما فيه اسم الله
وانقعهم في طشت فيه ماء ودوني الين ما ينشفط كل الماي بأوراق الدفاتر

وعلى طول احطهم بالدواليب وكل ما افتح الدواليب والله الريحه تكون ماليه الثياب كأني توني مغسلتهم

من اليوم ورايح لا تقطون الدفاتر القديمه :wavetowel2:



ثالثا :::::::::::::::::::::

نعناع




جبتي حزم من النعناع ومو عارفه شنو تسوين فيهم بعد ما كان عندك عزومه وضفتيه

لشاي ضيوفك والباقي لسه منه كثير

غسليه واقطفي الاوراق وخليه ينشف في صحن نظيف بالمطبخ لمدة 24 ساعه

وصدقيني ان زوجك راح يسئلك ريحة المطبخ منعشه

بعد ما ينشف شوفيه اذا صار يتكسر اقصد يقرمش معناته ان خلاص تقدرين تحفظينه بكيس نظيف او بعلبه

بلاستيكيه ....

انا عن نفسي لما اسوي على العشاء دجاج مقلي اسوي معه روب بالخيار واخذ اشوي من النعناع واقرمشه بيدي

على الروب بالخيار واخلطه بعدين مع بعض وشوفي كيف راح يكون الطعم عن جد روعه

حتى السلطه للغداء قرمشي اشوي على السلطه واخلطي عن جد محد راح يعرف سر هالطعم الحلو لأن ما بيكون باين

النعناع بالخلطه ....



رابعا ::::::::::::::::::::::::::::


أكياس السندويشات




عن جد ما اقدر استغني عنهم مو بس لأطفالي للمدارس

صرت احب التخزين بسبب هالاكياس الي ممكن تتسكر بالضغط وما يدخل فيها هواء

كل شهر اجيب كيس كبير من البصل واقشرهم كلهم وانا لابسه القفاز

وبعدين احطه بالفرامه واقعد اكيس البصل واحطه بالفريزر

عن جد صار وقت الطبخ عندي متعه لأن ما راح اتعب بتنظيف البصل وتفريمه وكل اشوي اهلك الفرامه

وكل اشوي اشطف واغسل وامسح الطاوله بسبب ريحة البصل

وعندي خلطه حلوه اسويها

اجيب كارتون كامل من الطمام وكيس كامل من الثوم وثلاث قطع من الزنجبيل الطازج وكم حبه على حسب الرغبه فلفل

اخضر حار

وكلهم افرمهم مع بعض واعبي الاكياس واضغط عليه الين ما يطلع كل الهواء واسكر الكيس بمجرد اني اضغط على

الحواف واصفطهم كيس فوق كيس في الفريزر مع البصل وبكذا خلطتي للكبسه او الصالونه او المعكرونه جاهزه وما

علي الا اني اسخن الزيت واحطه فيه وكل شي جاهز عندي وما عدت اضيع وقتي بالطبخ ...


خامسا::::::::::::::::::::::




أكياس القمامه السوداء

لما يكون عندي ثياب للتخزين او مفارش للسرير ابي اخزنهم احطهم بالكيس

لكن كان عندي مشكله انهم كانو ياخذون حيز كبير بالدواليب وبالمخزن

وبكذا كنت استخدم المكنسه بعد ما ألم فتحه الكيس بأيدي احط فوهة المكنسه فيه

ويشفط كل الهواء ويتقلص حجمه لدرجه ما تتخيلونه

وبعد ما انتهي انتبه لفتحة الكيس اني اسكره بالاستيك على طول قبل ما يدخل فيه الهواء مره

ثانيه وبكذا قدرت اني اوفر مكان بالدواليب .

وقت الصيف نسافر انا واطفالي وزوجي اسوي نفس الشي لثيابنا قبل ما اخليها بالشنطه

وايضا اوفر حيز كبير لباقي الاغراض الي باخذهم معي

لكن كانت المشكله ان بعد ما نبي نرجع اكيد ما بنحصل على مكنسه بالفندق علشان نشفط

بس ما عليكم شفت الحل اني مسكت الكيس من نهايته وقعدت اضغط عليه والفه مثل الورق عنب وآخر شي

اخلي احد من عيالي يقعد عليه علشان تعبي ما يضيع واسكر الكيس ويعطيني نفس نتيجة الانكماش

ولاحظة ان الملابس لما اكويها للسفر بعد ما شفطت الهواء ما تتكرفس وتبقى مرتبه ...



سادسا ::::::::::::::::::::::



تبين تصيرين مثل القشطه

ما يبي لها ذكاء استخدمي قناع القشطه احيانا يبقى اشوي بالعلبه وقت ما نبي نسوي الحلويات

او وقت الطبخ ما في مانع انك تمسحين على وجهك

تمتعي حبيبتي وخلي وجهك مثل القشطه

نعومه وبياض والي لاحظته ان القشطه فيها شي غريب عن باقي الاقنعه للوجه

انها قناع مبيض وبنفس الوقت مرطب يعني ما يحتاج تستخدمين كريم لوجهك بعد القناع

والسبب الدسم الموجود به هو المرطب الطبيعي لوجهك

ملاحظه : الي وجها دهني بكل بساطه اشتري قشطه منزوع الدسم منها تضعفين هههههه ومنها ان يناسب تركيبة وجهك...




سابعا ::::::::::::::::::::::




عندي طريقه احب اني ابهر فيها ضيوفي واحيانا يقلبون استكانة الشاي ويبحلقون فيها يمين شمال

يبون يعرفون شسالفه

السالفه وما فيها اني اسوي الشاي طبقتين يعني الشاي فوق والماي تحت

والطريقه سهله سوي شاي عادي بس يكون ثقيل يعني قللي الماي المستخدم للشاي

وصبيه بالاستكانه الي عندك وبعدين هاتي ماي مغلي وصبيه بالملعقه بكل نعومه وبكذا بيكون عندك

طبقتين طبقه شاي وطبقه ماي وبعد ما تقدمين السكر لضيوفك راح يحركونه بالشاي ويصير كأنه الشاي العادي

ان شاء الله تجربونه ويضبط معكم وتبهرون ضيوفك بالحركه هذي ...


ثامنا ::::::::::::::::::::::





آآآآآآآآآآآآآآآه من الخواتم

كثير منا ما يعرف كيف يحتفظ بخواتمه من غير ما يطيح منه فص او ينخدش مع باقي

الاكسسوارات ...

طريقتي اني جبت كل العلب الي كنت احتفظ فيهم وقت ما اشتري الخاتم مثل الصوره

اطلع الحشوه الي فيها الي فيها مكان لتثبيت الخاتم ..

وقصيته بشكل مربعات ...

وخذيت مسدس الصمغ ولصقتهم مع بعض علشان يصيرون كلهم مع بعض




وجبت العلب الفاضيه للهدايا او علبة الاحذيه ممكن تستخدمينها بعد ما تزينيها

وثبتها فيه ...

وبكذا صار عندي علبة الخواتم وكل خاتم مكانه ثابت ولا راح اخاف عليهم ولا اقعد ادور بين العلب عن خاتم يناسب فستاني ...


تاسعا :::::::::::::::::::::::



حبيباتي كثير منا عنده اكياس الخاليه من مشترياتنا ومسويه حوسه بالمطبخ

انا دائما اذا ابي اغير شنطتي على طول اشحنها بالكيس قبل ما ارجعها للدولاب

علشان تظل شكلها جديده ومليانه دائما ما فيها تجاعيد

نرجع للأكياس الي مسويه حوسه بالادراج وكثير منا يبي يطلع له كيس يطلع معاه العشرات ههههه

انا طريقتي اني اصفطهم مثل السنبوسه مثلا اسوي سنبوسه بحجم كبير بعدين اسويه متوسط وبعدين صغير الين ما الفه بشكل حلو ..

وبكذا دائما درج الاكياس مرتب وحلو ولما امد يدي ابي اطلع كيس ما راح الاقي الاكياس الباقيه طالعه وشكلها وووو


عاشرا :::::::::::::





لاحظت ان الجزر لما تقشرينه وتحتفظين فيه بالثلاجه كالعاده

ما يذبل .....



كثير منا عائلته صغيره ويفضل الجزر عندنا مدة اسبوع ولما نحتاج له نشوفه لين وما يسوى حتى نسويه بالسلطه ,,

جربو وقولو لي رايكم ...


احدى عشر ::::::::::::::::::







واخيرا لازم بموضوعي يكون فيه نصيب للأطفال

على الاقل في الاسبوع مره وحده افرش لهم بالحديقه

ونلون المحار ونطبع اوراق النباتات على الورق

ونستمتع مع بعض

جربو مع اطفالكم واكيد بتقضون وقت ممتع مع بعض

او اشغليهم بهذا النشاط وقت انشغالك بتنظيف البيت ...



:::::::::::::::::::::::::::::::::::::::::::::::::::::::::::::::::::::::::::::::

اتمنى تشجيعك عزيزاتي

وبأنتظار ردودكم على الموضوع

إن شاء الله يعجبكم

تــــــــــــــرانيم

الصرااحه ماشاء الله ماشاء الله ماشاء الله عييني عليكي بارده اللهم صلي عليــه

افكــار روووعه وجهنمــيه ونادرا ماتخطر عالبال

ان اقولك ياستي

اول فكره ان شاء الله اليوم بسويها عجبتني مرره حق القصدير

والفكره التانيه انا لسه عيالي صغار ينامون عندي بس برضو فكرتك حــلوه \ام ماعندك السهاري الاطفال الي يتعلق بالجدار

الفكره التالته

النعناع عند خالتي انا ساكنه معاه مسويه نعناع مجفف في علبه بجرب طريقه السلطه وان شاء الله تطلع حــلوه وينبهرووون فيها

والفكره الرابعه

اكياس السندويتس لا اشياء كتــيره حــلوه ويبيلي اقول لخالتي ام زوجي لاني انا اما اطبخ

والفكره الخامسه

اكياس القومامــه انتي زي اوومي كيدا تسووووي في فرووش النوووم والبطانيات تحطها فيها وتنزل الهواء وتحطهم بالدلا ب وبكدا كمــان ينحفظ من الغووبار

والفكره السادسه

القشطه انا كمــان دايمن ان نقصت استعملها لوجهيي وتريقوون عليا يقولون لي ايش شي خربان ولا باقي شويا يعطوني اياه احطو في وجهي ههههه

الفكره السابعه

هادي طريقه الشاهي خالتي تسويها دايمن ماشاء الله عاد هما فنانين شاااهي

الفكره التامنه

فكره الخواتم حــلوه صرتي زي محلات الي يبعون محطيينن لهم علبه وفيها اماكن الخواتم فكرتك رووعه
الفكره التاسعه

انا برضو مسويه درج خااص محطيــه فيلو اكياس مطبقه وبكدا اخد الكيس الصغير والكبير الي ابيه براحه

الفكره العاشره
الجزر يبيلي اقول لخالتي دي الفكره ههه
الفكره الاخيره

حلوه بس انا امكن ولدي صغير على كيدا لا والله شكلها فكره حــلوه وبتعجبووو

مشكوررررره ربي يسعدك على الافكار النااااااار وزيدينا عشان نستفيد ربي يسعدك

تلخبطت في الفكره التانيه حق الداوني كتبت حق الابجوره

عجبتني مرره بس مافهمتها كييف

يعني احط المنشفه عند مكان خرووج الهواء ولا كييييف

تشكراااات

الله يعطيكي العافيه
ما شاء الله ..ألف الصلاة على النبي عليكي افكارك روعه
الله يحميكي ويخليكي..تسلمي

أختي الغاليه

تـــرانيم

تسلمين عالأفكار الرااائعه والمفيده

والله يعطيج العافيه يارب

ولا تحرمينا من أفكارج القادمه

أختج الدانــــــه

تسلم ايدك وربنا يخليلك جوزك و اولادك يارب

بس كان عندى استفسار لو سمحتى ؟ لما انقع ورق الكتب فى الماء والدوانى اطه ازاى فى الدواليب وهو مبلول ؟ ولا انا فاهمة غلط ولا ايه ....... ممكن تقوليلى الطريقة من فضلك ..... وجزاكى الله خيرا موضوع اكثر من رائع

ماشاء الله الله يحفظك ويجزاك خير
اهم شيء في البيت النظام وحسن التدبير

ربنا يرزيدك وتزيدينا خبرة

تقبلي مروري

مشاء الله عليج روعة روعة ست بيت سنعة

الله يحفظج من كل شر

ما شاء الله عيني عليج بارده يالغاليه
وكلنا متابعين وننتظر دوم منج المزيدوالجديد من افكارج وعن جد روعه

وانا بعد اسوي روب بالخيار واخذ اشوي من النعناع واقرمشه بيدي

على الروب بالخيار واخلطه بعدين مع بعض وشوفي كيف راح يكون الطعم عن جد روعه انصحكم بيه يا بنات لا وصحي بعد
وتعطير المنزل كنت اعطره مثلك شكلي راح ارجعلها عاشت ايديكي حبيبتي

هلا والله اختي الغاليه

الصراحه ماشاء الله عليج افكااااااااارج روووووعه رووووعه

ربي يوفقج دنيا واخره ويحقق لج كل الي تتمنينه

بس حبوبه عندي سؤال على طريقه عجبتني وااايد

انتي قلتي أما دواليب الملابس لأطفالي ولي لزوجي اخذ دفاتر قديمه عندي بعد ما اتأكد ان ما فيه اسم الله
وانقعهم في طشت فيه ماء ودوني الين ما ينشفط كل الماي بأوراق الدفاتر

وعلى طول احطهم بالدواليب وكل ما افتح الدواليب والله الريحه تكون ماليه الثياب كأني توني مغسلتهم

من اليوم ورايح لا تقطون الدفاتر القديمه

قصدج نحط الورقه وهي مبلوله في الدولاب ونحط فوقها الملابس؟؟؟ لان هالفكره دخلت مزاجي وحلو تحسين ثيابج ريحتهم فريش

ياليتج تساعديني في هالطريقه لان مافهمتها عدل

يسلموو مقدما

افكار حلوة يسلمووووووو

وااااااااااااااااااااااااااااااااااااااااااااااااااااااااااااااااااااااااااااااااااااااااااااااو ماشااء ااااااااااااااااااااااااااااااااااااااااااااااااااااالله تبارك الرحمن الله يعطيج العافيه حبيبتي

وننتظر جديدج فديت قلبج