السلام عليكم ورحمة الله وبركاته
أخواتي العزيزات ربات البيوت والبنوتات ...
أقدم لكم بين ايديكم جديدي بتجاربي بالبيت رقم 3
بدايتا أشكر كل من تواصل معي عبر الرسائل أو المواضيع
نبتدأ بعــــــــــــون الله ....
أولا ::::::::::::::::::::
البنات الي زارو موقع التجاره بالمنتدى ..
وأنعجب بجهاز تثبيت الكرستال العجيب
الي ممكن تثبتين الكرستال بالشيل والموبايل و الملابس وغيره
ولكن سعره كان مو مناسب لها مع ان صار في خاطرها تشتريه ..
أنا عندي البديل لكم ...
بس اول شي بقول لكم قصتي مع الاختراع بديل جهاز الكرستال :wavetowel2:
يوم من الايام زوجي الله يحفظه ويسلمه لي
قال لي انا خاطري بفرش سرير لونه اسود ساتان ههههههههه :tears:
وكسر خاطري على هالطلب من وين اجيب له ساتان اسود جاهز :icon9:
الجزء الثاني من الطلب كان فيه العجب قال لي ابي على اطراف الفرش مكتوب فيه حرفي وحرفك
بالانجلينزي وبالكرستال :shiny:
والله مدري شطاري عليه هذيك الليله :icon9:
عموما جتني فكرة الجهاز المعروض بالمنتدى وهو جهاز تثبيت الكرستال
بس ما كان عندي وقت للروحه والجيه على المصارف والبريد
قلت خلاص لازم اعصر هالمخ واشوف البديل
رحت شريت الساتان الأسود الناعم وبطانه ووديتها الخياط وخيطوها لي مثل ما طلبه زوجي بس بدون
ما اقول له اني بحقق حلم حياته :21_218: وبسوي له مفاجأه
وصار الفرش جاهز عندي بالبيت والحين المشكله العظمى اشلون اثبت الكرستال واكتب حرفه وحرفي على
اطراف الفرش وعلى اطراف المخدات علشان يصيرون طقم
وقعدت ادور ادور بالبيت قلت الكوايه لا متعبه قلت وقلت وقلت
الين ما جاني فكرة الجهاز الي عند زوجي لتلحيم الحديد الصغير الي سعره ما يوصل عشر ريال او درهم
هذا صورته يستخدم للحم الاجهزه الالكترونيه تلاقونها بمحلات مستلزمات الاجهزه الالكترونيه
هذا يوصل بالكهرباء ويطلع حراره وشكله نفس المثبت الي خاطري فيه
ولما احطه على الكرستال بالحراره راح يتثبت وأخيرا
وفاجأت زوجي بالفرش دخل الغرفه وشهـــــــــــــق قال انا متزوج المارد مو حرمه
قلت له انت ما تدري ان طلباتك اوامر يا حبـــــبيبي
وبعد ما قلت له عن السالفه واختراعي ( .........) هههههه ما راح اقول لكم شنو قال بين القوسين
بس كل الي حسيته انه فخور بأفكاري (y)
ثانيا ::::::::::::::::::::::
جانا البرد يللا دلعي بعض الناس
أقصد زوجك كيـــــــــــــــــــف ..
لما تشوفينه رايح يتسبح على طول اركضي وهاتي الفوطه وشغلي استشوارك
حطي الفوطه بكيس نايلون وعطريه كلش خفيف يعني رشه على الاقل وشغلي الاستشوار
على الكيس والفوطه فيها واول ما يقول ابي الفوطه على طول طلعي الفوطه وعطيه
بيحس ان الفوطه دافـــــــــــــــــــيه وريحته حلوه وبيدفى المسكين وشوفي تعابير وجهه وهو طالع
أنا كل شتاء اسوي له هالحركات وبعدها اعطيه حليب بالزنجبيل واشوفه مبسوط
ثالثا :::::::::::::::::::::
جاتك هديه حلوه وعليها شرايط وورد تزيين ومو عارفه كيف تحتفظين فيه للذكري
انا اقول لك كيــــــــــــــف ....
بطريقه انك تحتفظين بذكرى الهديه الحلوه حتى بالشرايط والورود الي كانت معلقه على الهديه
بكل بساطه هاتي الشريط وقصيه وعلقي عليه الورد المجفف بنهاية الشريط
وخليه مثلا
مثل هذا الشكل لتزيين كتابك او جدولك اليومي علشان تعرفين وين وصلتي بالصفحات
بدل ما تخربين الكتاب او الروايه بطيك للصفحه
وبنفس الوقت راح تتذكرين الانسان الي اهداك الهديه مو بس بهديته لا حتى بشرايطه الي تزين كتبك وجداولك
ان شاء الله الفكره عجبتكم
رابعا:::::::::::::::::::::::::::
خلوني اول شي اقول لكم هالمقدمه ..
دائما الأشياء الرطبه تمتص الدخان صح ؟؟؟
طيب أعطيكم هالفكره ...
تبين تبخرين بيتك ويتثبت الريحه عندك ثلاث ايام او اربع ....
تعالي اقول لك كيف نطبق نظرية الرطوبه والدخان
الدخان وعندنا الي هو دخان البخور المتصاعد من المبخره صح
نجي للترطيب مو بالماء لااااااااااااااااااا نبي نثبت البخور بأفضل وسيله
بكل بساطه العطر أو معطرات المفارش ...
عندك عطر ما تبينه رشي ولا تبخلين على الستائر رشي ورشي بكل مكان على الكنب
والمخدات الزينه الي عندك سواء بالمجلس او الصاله او غرفة النوم وعلى طول وجهي له الدخان على الاماكن الي رشيتي انا عن نفسي امسك العطر بيد واليد الثاني فيه المبخره وشوفي الريحه كان راح تكون
حتى لو بخورك ما هو معروف وما هو ذاك الزين او الغالي مع ريحة العطر بيطلع جنااااااااااااااااااااااااااااان
جربي وشوفي ....
لسه ما خلصت موضوع نظرية الدخان والرطوبه
مطبخك ما فيه منقي هواء أو ما عندك
الجهاز الي ينحط فوق الفرن علشان يشفط الدخان هاتي فوطه وعلقيها على الفرن
وقت ما تطبخين وشوفي كيف راح تمتص الدخان والروايح الكريه مثل ريحة البصل والثوم وغيره .........
................................................
هذا موضوعي اليوم وأن شاء الله ما طولت عليكم
وتمنياتي لكم بحياه سعيده
تـــــــــــــــــرانيم
..............................................