قصتي مع السونار وجنس الجنين!!!!!!!!!!؟؟؟؟؟؟؟؟

هلا حبيباتي

اخباركم

عندي لكم شي كنت محتارين فيه وهو هل السونار يمكن يكون فيه غلط؟


تدروا انا لي سالفه ويا هالسونار

لما كملت 15 اسبوع رحت اسوي سونار ابي اعرف جنس البيبي مع العلم اني ماكنت ابي اسوي

بس زوجي ورغبته في ان البيبي الجديد يكون ولد ظل يزن فوق راسي علشان اسويه

المهم سويته عند دكتورة مصرية بنفس المستشفى الي انا اشتغل فيها ومارضت تعلمني علشان

عادتا في الحكومة ممنوع ومافي عندنا الادكتورة وحده هي تقول وهي لها خبرتها وسمعتها وهي

سعودية

المهم لما الدكتورة المصرية سوت لي السونار كان البيبي مره واضح وكان فاتح رجليه شفت انا وصاحبتي ان بين رجوله شي مكور ومره واااااااااضح المهم شكينا انه ولد ولما رحنا بنفس اليوم للدكتورة السعودية قالت لي مو واضح نهائيا ولا اقدر اقول اذا بنت ولا ولد قلت لها طيب عيني احتمال قالت لي ولا حتى احتمال لان في بروز بس ماقدر اقول ولد حاليا ولا بنت لان الغضيب والبضر هالوقت يكونوا تقريبا بنفس الطول فخليها شهر او شهرين وتعالي اعيدها لك ونشوف

المهم بعدها باسبوع لما كملت 16 اسبوع ويومين تعبت ورحت مستشفى الحمادي وقالت لي الدكتورة لازم اسوي اشعه واتأكد من قياس عنق الرحم والله قلت فرصه ماعندي مانع لاني بخليهم يقولوا لي بنت ولا ولد المهم رحت اسوي السونار طلعت لي دكتورة يا سوريه او لبنانية وقلت لها ابي اعرف جنس البيبي قالت لي انتي عندك ولد قلت اكيد الي في بطني بنت قالت لي لا مو باين قلت لها دكتورة اذا بنت عادي قولي ترا انا عادي عندي ماتفرق بنت او ولد قالت لي لا والله مره موباين وقالت لي روحي املي مثانتك وتعالي بيكون البيبي تحرك واقول لك المهم رجعت لها بعد ساعة ورجعت عملت لي السونار وهي تشوف قامت تضحك قلت لها لا تقولي لي مو فاتح رجليه او مو واضح قلت لي لا بس انتظري اشوي المهم قلت لها ها بشري قالت لي بنت يعني كانت واثقه وانا ضحكت من قلبي
المهم طلعت لزوجي وكانت معنا امه في السيارة واخته ولما لمحت له زعل وماصدقني وامه حست وبدت تقول له البنات نعمة من رب العالمين واذا ربتيهم تربيه صالحه تدخل عليهم الجنة وهو ساكت مايقول شي لدرجة انه اخذ الصور يتأكد منها المهم امه قالت لي ليه رحتي سويتي السونار الحين كان خليتها في وقتها يعني عند الولادة وانا عصبت قلت لها وانا معصبه ومتضايقه والله انا مو معترضه على حكمة ربي واذا الله عطاني بنت مابقول لا بنت ولد مثل بعض
وقبلها قالت لي كثري من الاستغفار قلت يا سلام لازم اقول لك اني استغفر واذكر ربي اذا فيني بنت يعني انا ما اذكر ربي من جد وقتها انا اتضايقت من زوجي ومن امه اكثر

المهم صرت بعدها متضايقه لانهم خربوا فرحتي بالبنت

المهم دخلني وسواس وجلست افكر بالاحلام الي حلمتها وطلعت تفسيراتها كلها تدل على اني بجيب ولد بإذن الله وصارت امي تقول لي ان بنت عمي ولدت جابت ولد وهي اصلا معها بنت وبنت خالي طلع الي في بطنها ولد وهي معها بنت وصديقاتي كل وحده فيهم معها بنت و ولد استغفر الله ما اعترضت على حكمة ربي استغفرت ربي وحمدته على النعمة بس صار خاطري اني اكون مثلهم عندي بنت و ولد مع العلم ان لما الدكتورة قالت لي ان الفيني بنت فرحت وجهز لها الملابس الحلوة حقت اختها وكنت ناوية اروح اشتري زيادة بس سبحان الله ما ارتحت وظليت افكر وذبحني التفكير وقلت لازم اسوي سونار واتأكد اخلي الدكتولارة توريني الاعضاء

رحت اليوم لدكتورة معي بنفس المستشفى سوريه وخليتها تسوي لي السونار بس ما قلت لها انهم قالوا لي بنت وسوت لي وسبحااااااااااااااااان الله اول ما قالت لي البيبي صغيييييييييير توه 17 اسبوع يمكن مايبين قلت لها لا بليز دكتورة حاولي قد ماتقدر والباقي على الله قالت لي اوكى انا بحاول قد ما اقدر واذا ما بان اعيدها لك بعدين المهم في الاخييييير وش قالت لي؟؟؟؟؟؟؟؟؟؟؟؟

الي فيك ولد قلت لها لا بنت ضحكت قالت لي من قال لك قلت لها ادري ورجعت ظلت يمكن نص ساعه وهي تحط على الاعضاء وكانت مره واضح انه ولد فقالت لي مافي شي يدل على انه بنت الاغلب انه ولد ولا اقدر اقول بنت مره واضح انه ولد وصورت لي الاعضاء وقالت لان البيبي صغير الاعضاء صغيره خليه على نهاية الشهر قبل ما اطلع اجازة اعيدها لك ونشوف

وش رايكم الحين؟؟؟؟؟؟؟؟؟

عن جد احترت الي فيني بنت ولا ولد ؟؟؟؟؟؟؟
مع العلم ان الدكتورة الي قالت لي بنت ما ورتني شي ابد

والي قالت لي ولد ورتني الاعضاء وكانت واضحه و اول مره سويتها شفت بعيني شي بين الرجول؟؟؟؟؟؟؟؟؟

سبحان الله ادري طولت عليكم بس حبيت تشوفي قصتي مع السونار

تحياتي