لإستفسارات العطور فقط..2009 - 2010

هلا وغلا حبيبتي

راح افيدج باللي اقدر عليه

انا ماعرف ماركاتهم بالضبط
بس اعرف اساميهم

عندج عطر اسمه
1- elle
2- بالغاري اللي لووونه اسود
3- ألين اللي لونه بنفسجي غامق مره اللي جاي لونه ازرق غامق << هذا هو الاحلى
لانه في ألين الجديد لونه بنفسجي فاتح
4- أللور الجديده
5- بوس الجديده
6- جفنشي الجديده


وبعد روحي محلات العطورات العربيه
بتلاقين اشياء حلووووووه

واتمنى اني فدتج بشي

والف مبروك لاختج وللعائله
وعبالج ان شاء الله

السلام عليكم

أول شي إنتي من وين ؟

إذا إنتي من الخبر روحي سوق الجمله في الدمام

ودوري عطورات متدرجه في قوتها

منها الخفيف : مثل المسك أنصحك بمسك الغزال ومسك العروس منه واحد منهم ناعم وواحد فخم

وفيه عطورات فرنسيه ناعمه عندك ماركة لانكوم

ومنها القوي : مثل عطر تشبه ريحته ريحة العود والبخور إسمه لازوردي فيه منه 3 أنواع اختاري اللي يعجبك

ويكون داخل العطر قشور من الذهب

وروحي أجمل فيه كم عطر تقليد للماركات أهم شي مسك روز من أجمل عندهم يدوخ

عندك بعد مجموعه من أجمل 3 عطورات مع بعض نسيت إسمهم بس راح تشوفينهم في العرض بس سعرهم 100 ريال يعني العطر بحوالي 35 ريال مع إن كل واحد منهم ب 50 ريال بس لكل واحد جوه ولكل واحد وقته وكلهم ريحتهم قويه بشكل عام


أهم شي حدديلك ميزانيه للعطور مثلا 1500 أو 2000 ريال أو درهم يعني 200 دينار مثلا

مادري وش نظامكم بس حدديلها عدد معين يعني مش معقوله تعبي التسريحه بعطورات ماكذب عليك لو قلت بعد فتره تنقرف منها خاصه لو حملت تفضي التسريحه منهم وتكتفي بواحد أو 2 وكذا واحد من عطوراتها تكرهه للأبد فخذي إقتراحي وخليها تخصص ميزانيه معينه للعطور تكون عطورها شامله منها الخفيف والثقيل ومنها اللي شكله يدوخ ومنها اللي ريحته تدوخ أكثر

ومنها الكلاسيكي يعني فيه فخامه وقدم ومنها المودرن اللي فيه تطور في شكله ومضمونه

عندك عطورات فيها لمبات ملونه وعندك عطر في علبة ذهب لازوردي اللي قلتلك عليه وفيه قطع ذهب ومنه أشكال كثيره

وعندك عطورات نادره ماتلقينها إلا في باريس جاليري مثل عطر عليه زي قرن الغزال وغطاه كريستاله ب 450 ريال

وعنده عطر ريحته تشبه لازوردي ب 350 تقريبا إسمه نوف من باريس جاليري وفيه قسم عنده لل في آي بي يعطيك أحلى العطورات بس هو عطر واحد تختاره وفعلا قيمته فيه من باريس جاليري

وروحي لمحلات الجمله عندكم راح تلاحظين فرق في الأسعار اللي يبيعونه المحلات ب 400 تلقينه ب 270 مثلاً

يعني أول شي لفي محلات الماركات أحسن محل عندكم اللي يجلسك ويشممك العطورات وروحي عنده وقوليله أنا أبي أشم أول بعدين أشتري وكتبي أسماء العطورات الخياليه

في شكلها كغلاف وفي مضمونها

بس لاتنسين الشرقي من العطور زي ماقلتلك مسك العروس ومسك الغزال من عبدالصمد القرشي

وعليها بالغسولات العطريه مثل ليل من عبدالصمد القرشي عليها بالورد الطائفي

سمعت من بنت عذاري مجموعة حروف للعود سوي عنها بحث وبتشوفين فروع محلها لأني نسيت أي محل يبيعها ووين فروعه بس راح تحصلينه ببحث بسيط في جوجل وتعرفين فرعه ببلدكم
بس أنا مش راعية عود ولاشميتها

وأنا عندي أسماء عطورات من قريبتي تزوجت من سنه بس اعتقد بهالسنه طلعت نوعيات جديده لازوردي بس نزلو عطرين غير أول واحد

وبعد جوتشي وبعد بربريس يعني ماتتخيلين حركة سوق العطورات كيف عشان كذا دوري بالنت عن عطورات معينه وإقري إنطباع الناس عنها

يعني عطر حليمه عطر صدفه عطر ميريام فارس ذيلي إنسيهم شيليهم من بالك وخلك على عطورات تقليد ماركه وترى في كثير منهم أشكالهم تجنن وتبيعهم محلات العطور العربيه بسعر أرخص

ومنهم عطورات شرقيه رائعه

ييتهيألي لازم تعرف أول ذوق زوجها قبل ماتشتري يعني يحب الشرقي أكثر أو الغربي تتعطر له أيام الخطوبه تشتري كم عطر وتشمم زوجها منهم الغربي منهم الشرقي وتشوف ذوق زوجها بس هاه الشرقي تلبسه مع جلابيه أو بنجابي أو بدله شرقيه عموما

والغربي تلبسه مع ملابسها العاديه

وتشوف ذوقه ووش يحب أكثر وغالبا الناس بعد يحبون الفخم وهي راح تحب التنويع

لاتنسين المجموعات من زهور الريف اللي فيها ملطف مع بودره مع عطر زيتي يعني ثقيل مع عطر عادي

مع الصابونه المعطره

ولاتنسين الحمام العطري فيه عطورات تنباع في النت وفيه محلات لها والحمامات العطريه تحسن المزاج عندك عطر البرتقال والليمون ينعشون الشخص يعني تصحصحها لو رايحه الدوام الصباح تستخدمهم

ومنها حمامات الإسترخاء المهدئه مثل البابونج يخلي عضلاتك ترتخي ويجيب لك النوم

ومنها العلاجي مثل زيت شجرة الشاي تلقينه عند البودي شوب يساعد على التشافي من الأمراض الجلديه وخاصه : حب الشباب

وربي يوفقها هذا كل شي أعرفه عن العطور وربي يوفق بنتك مع زوجها وصدقيني مش التفاخر هو الي يعطي للإنسان قدر

من تواضع لله رفعه لازم تكون نيتك إن الله جميل يحب الجمال

إنها تملا عين زوجها

ونسيت شي العود والبخور وعطور المفارش

العود : تطيب فيه نفسها وجلابياتها ( عندك الماجد للعود حتى الحين عنده عروض تجنن )

البخور : تطيبين فيه الغرفه

وعطور المفارش : طبعا للفرش وسجادات الصلاة مالتها

وهكذا يعني إلا مافيه فرق يعني لازوردي سعره يوصل ل 700 في المجمعات لاكن في محلات الجمله في

الدمام لقيناه ب 300 أو 350 وإذا شريتي منه مجموعه كبيره بعد يخفضلك

أهم شي تتأكدين من جودة عطوراته أولاً يعني إنها أصليه وبيرفيوم مش تواليت عرفتي

عندك عطر تايرا فلور من ماركس وسبنسر ريحته ورود غريبه عجيبه ريحته على إنه تواليت مش بيرفيوم بس خليه التواليت الوحيد وخاصه إنه رخيص نوعا ما

ومعاه باوردر وعليه روده ياسلام على ريحته

عندك شركات كثيره مشهوره بعطوراتها

وعندك عطورات غريبه

وفيه عطورات تقليد ماركات وثابته سوي عنها بحث في النت وتأكدي بنفسك مثل العطر البنفسجي في

أجمل تلقينه ب 80 ريال تقليد لعطر أصلي نسيت إسمه

وطبعا لاتنسى تشتري لزوجها مجموعه رجاليه كهديه منها وخاصه أيام الخطوبه لأن الرجال عادة مايعرف كيف يتصرف فتشتريله على ذوقها مجموعه

وتقوله عن العطورات اللي تحبها من العطورات الرجاليه عن أي نوع من العطورات ولو إني أحس إن كل العطورات الرجاليه واحد

والله يوفقكم أجمعين

بلاك أكس رووووعه من العطور الفخمه وحلوه للعرايس

وعطر قوتشي البني حلو وفخم

وعطر الين حلو وفيه عطر عند أجمل نفس الين بس ارخص

وإن شاء الله ليا عوده أكمل الباقي

السلام عليكم..
حبيت اساعدك واتمنى انى فدتك..
واذا محتاجه اي شي رسلي لي عالخاص.. وانا بالخدمه.:)
هذولا كلهم انا مجربتهم والصراحه رووووعه .... وجنان وانا احبهم الصراحه...وانا وخواتي نستخدمهم:o(f)

الين





ستيلا




سينما



شوبارد




فلور بووم




cH



وديور


وهذا حلو ...





اتمنى يعجبونك

أم صلوح ترد الروح...

دلوعة بنكية;10335598:
اممممم
حياتي سوري على التاخير
حبيت احط لج صور بس نصهم الصور مو موجودين

عندج من سيد جنيد
فنن الوردية وفنن الذهبية حلوات
داليا فظييعه
احساس سوييييت اللي على بطيخ احلى
بنفسج العطر وبنفسج العوود يهبلوون
عود حضارة فظييع
امممم هاي اللي يووو في بالي
اي اي وعدج معطر ذهب او شي فيه ذهب اسمه حلووو راقي

الحين اجمل

عندج سكرفايس البفسجية تشبه ريييحة الين البنفسجية هاي عليها الطلب واايد
و وصال
أحبك
شمس اكييد المركزة
و رافيش حليييوة
هاي اللي تذكرتهم
وان شاء الله قدرت اساعدج لو بشوية

[GRADE="00BFFF DC143C 2E8B57 4B0082 008080"]مشكورة حبيبتي على الرد كفيتي ووفيتي والله يعطيك العافيه[/GRADE]

[GLINT]
وين الحلوين و ين الصبايا 24 ورد واحد بس زعلانه منكم
[/GLINT]

سلااااام بنوتات

ابي اعرف عطر الين ال 50 مل كم سعره ؟(f)

الحجم العادي سعرها 400 ريال
يعني اذا انتي بالبحرين 40 دينار

شميه الييين وبعدين سييري على اجمل وشمي هالعطر

وحكمي بعدين

تامرين امر يا قلبي

عندج

عندج جورجيو ارماني



جيفنشي _ابسيلوتلي ارزيزتبل



هاي بعد جيفنشي بس اقوى من الحمرا اللي فوق اسمها (فيري ارزيزتبل)



وهاي بعد جيفنشي اسمها اونج آو ديمون فظيييعه

عدت
وعندج بعد من ايف سان لوران
اسمها ايل

دلوعة بنكية;10340347:
الحجم العادي سعرها 400 ريال
يعني اذا انتي بالبحرين 40 دينار

مشكووووووورة حبيبتي على الرد(f)

دلوعة بنكية;10340373:
شميه الييين وبعدين سييري على اجمل وشمي هالعطر

وحكمي بعدين

يسلموووووووووو للمرور وانا جربت العطر واعرف انه نفس الريحة بالضبط :)بس حبيت عطر الين اعرف سعره مشكوووووووووورة قلبي على المساعدة:15:

انا شريت عطر الين في العيد 30 مل 23 دينار وشي يمكن 600 فلس بحريني

هذ لا يعلى عليه جنان بصراحة ويقعد ايام وايام ومميز روحي المحل وخليه يرشه لج على كلينكس وطلعي من عنده وشمي الريحة بعد ما تبرد بصراحة وااااااايد حلوة وجنان


العتب

لاتشيلين هم ابدااااا
الماركه ترا ماتزيد ولاتنقص من قيمه الانسان مجرد حب ظهور وصدقيني قيمتك بما انتي عليه ومو اللي

انتي تشترينه

اسمعيني حياتي

عندك كوكو مادموزيل من شانيل وصل سعره حايلا 590

وعندك جازمن نوير من بلغاري سعره 500 وحاجه

عندك شانيل نمبر 5 مررره ينفع للعرايس خذي كولكشن كامل

عندك برايفت كوليكشن من استي لودر مررررره اسطوره وخيالي وترا ماينفع كل مره تبخين منه لانه محدد

بالسهرات والمناسبات القويه

عندك الين من تيري موغلر

بالنسبه لعطورات من الرصاصي

عندك حجر وعندك هوينا

عطورات اجمل

عندك سكرافيزز وعندك رين دروبس وعندك الف ليله وليله

في عطر من أجمل نازل جديد من شهرين تقريبا بس ما اذكر اسمه بس ريحتة مثل ريحة عطر قديم نزل فترة في أجمل بعدين وقف اسم العطر القديم دانة الدنيا إذا مر عليج هذا العطر ... انا لما كنت مسافرة شميت ريحته بالمطار في السوق الحرة بس ما اتذكر اسمه ... سئلي عنه عند أجمل

بس ريحة وايد روعه


العتب

نور النجوم 888;10045651:
بنات في عطر كان جايني هدية اسمه العود الابيض ..من ارض الزعفران ..

و هذي صورته








كل من يشمه يسالني اي عطر حاطه ..حتى وحدة انجليزية مرة سألتني ..:)

بس للأسف مو قادره احصله بالبحرين اي وحده تعرف وين اقدر احصله بالبحرين ؟؟

خيتي تحصلينه في عطورات البيان في شارع جدعلي

كنت حابه اعرف سعر العطرين دول في السعودية