يـمـنـى:
انا نفس الشي احس ان بنتي صغيره على سالفة الحمام..... لان عمرها سنه وثمان شهور ....
حتى انا ابا رايكم لاني مدري متى ابدا اعودها على الحمام ...
بس بغيت اسال اسماء : كيف انعودهم من سن 6 شهور نفس ما قلتي؟؟؟ لانه سن وااااااايد صغير...
أحلى شهد:
:sad: :sad: :sad: :sad: يا اختي مو بس انتي اللي ولدك يلبس حفاظ بهالعمر ترى ولدي تقريبا بنفس عمر ابنك وواله أحلفلك اني من شهوووووووووووووور اعلمه انه مايلبس حفاظ لكن لا حياه لمن تنادي كلش كلش كلش مايبي يتعلم ولا يستجيب لي بارغم اني أعلمه واتمنى بس ينطق ويقولي يبي يروح الحمام وانتو بكرامه بس للأسف يتم ساكت ويعملها بملابسه
على فكره اني ما ألبسه بالنهار حفاظ وأضل كل نص ساعه لييييـــ ساعه تقريبا وأوديه
وهو يقول مافي مافي وبالأخير يعملها بثيابه :sad: :sad:
والله تعب معاه ومن ناحيه الكسل والله يعلم اني مو كسوله معاه بس شاسوي هذا حظي ويه ولدي مايبي يتعلم
حاولت أشجعه وأكافأه بس ابيه ينطق بس مافي أمل
على فكره ولدي عمره ثلاث سنين و ثلاثه أشهر وللحين بالحفاظ
والله أستحي لمن يسألوني للحين تلبسينه حفاظ واقول ايه :confused: :confused:
لأني لما اطلع معاه البسه ولمن ينام بعد ألبسه الحفاظ
ياريت البنات يعطونا افكار حلوه تساعدنا على هالمشكله العويصه
عيون وساع:
امهات المنتدي سمعوا توني انتهيت من المعركة مع ولدي
وهو الحين عمره ثلاث سنوات واربع شهور بس اخذت وقت لين ما تعلم في البداية تعبني وايد كم شهر معاه وتعبت
بس قبل ما المدرسة تفتح بشهر قلت لازم انا اطلع من الحرب منتصرة
كيف؟؟؟؟؟؟؟؟؟؟؟؟؟؟؟؟؟؟؟؟؟؟
شريت العاب رخيصة من سوق الجملة واحيانا كنت اخذ شوي اغلى
وحطيتهم في كيس وخليت الكيس تكرمون في الحمام علقته فوق عشان ما يوصل له
وما اجذب عليكم ما صار اسبوع الا وهو ترك الحفاضات على الاقل طول النهار بس بليل للحين ما جربت ما البسه
انشالله تستفيدون من التجربة
بس انا كل مرة يسوي الكبيرة اعطيه هدية والصغيرة احيانا بلكلام شاطر وابوسه او اعطيه قطعة صغيرة كاكاو.
الدمشقية:
انا انا انا انا انا انا انا انا واعوذ بالله من كلمة أنا أنا انضم اليكي اخت اسماااء ويشرفني ذلك
وبنتي عمرها سة و3 شهور وماهي صغيرة بالعكس من هلا احسن من بعدييين
وربي يجزااااكي الجنة يااارب
foo6a:
لاحظت ان معظم الامهات هنا يحاولون انهم يعلموا اولادهم عالحمام رغم سنهم الصغيره
انا في نظري الطفل مو لازم يتعلم عالحمام قبل السنتين
اصلا يصير ارباك للطفل وبالذات اذا كان رافض فكرة التعلم وهو في سن صغيره
لاتجبروهم اذا كانوا مو راغبين عالتعلم الحين
اما اذا كانوا مو مخالفين فهذا امر ثاني
وبصراحه انا ولدي عمره سنه و10 شهور وماراح ابدا اعلمه الا اذا بالصيف الجاي
تحياتي
رانيا البحرينية:
خلاص إن شاء الله أطلع من الدوام وآروح أشتري النجوم يكون ألصقها له،، وشويه هدايا من بو 200 فلس تأدي الغرض..
أخت أسماء.. بعد الفطور أسير بيت جدي نجتمع سويا، هل علي الباسه الحفاظة أو اخليه بدونها هناك؟؟؟
يارب بس مايصير العيد الا آنه متخلصة من الحفاظات طول اليوم،، ولكن الشتاء جاي تتوقعوا نفدر نعودهم بدون حفاظة الليل....
مرموم:
السلام عليكم ورحمة الله وبركاته
إهئ إهئ إهئ
يعني عملوتوا إجتماع من غيري...
ووضعتوا خطط إعلان الحرب على الأطفال الصغار من غيري...
طيب و مريم المسكينة...من سيأخذ بيدها و يعلمها على الحمام :(
طبعا زي ما قرأتوا في الموضوع الثاني...أمس إستسلمت للبامبرز...:(
لكن بالليل...حسّيت إنها بتعمل ( كاكا )...قلت لها ياللا جري على الحمام...طبعا هي راحت غصب عنها...لكن الحمد لله توفقت إنها كانت في الحمام...
لكن المشكلة هي رافضة...يعني مش عاجبها الوضع...و بتتعامل كإنها بتاخدني على قد عقلي ( ياللا أما نشوف آخرتها مع ست ماما دي ) :(
عايزاها تقتنع من داخلها..إنه العمل في البامبرز مقرف...
عارفين...إفتكرت بنت صديقتي...القصة دي مهمة يا جماعة...
هي كانت بتعود بنتها على إنها تعمل ( كاكا ) في الحمام...كانت البنت كل ما تعمل ( كاكا ) في البامبرز مامتها تزعق لها و تقرف منها...و تقول لها الحمام و بس...
المشكلة إنه البنت إفتكرت إنه مامتها زعلانة لأنها بتعمل ( كاكا ) ...يعني فهمت إنه الكاكا دي حاجة عيب...ما فهمتش إنها زعلانة إنها بتعملها في البامبرز...
و يا عيني بعدها كل ما تعمل ( كاكا ) تقعد تعيط و تتأسف لمامتها...و الله هم الإتنين قطعوا قلبي...
يعني لازم الطفل يكون فاهم الموضوع بالضبط...علشان ما يتعقد من شيء معين...و فعلا بلاش الضرب و الصوت العالي...
شكرا ليكي يا اسماء....نحن معك :)
قلوووووووب:
عن نفسي بنتي عمرها سنة ونص احاول بس مو كثير يعني اخليها في البيت بدون حفاظ احيانا لمدة ساعتين وكل ربع ساعة ادخلها الحمام
نحاول شو نسوي
سحايب دبي:
انا الحمد لله بديت و بخبركم طريقتي
انا طبعا اداوم و بتقولون كيف و متى و ....
بخبركم
رجعت من الدوام وانا مقرره في هذا اليوم اني ارمي الحفاظات عن بنتي
بعد الغدا شلت الحفاظه عنها و يبت الحمام الصغير و حطيت جنبنا في الصاله وكل شوي اقول مين الحلوه اللي بتسير تبول في البطوطه
و اوريها الكاكاو .. و تسير تجلس على البطوطه و ترجع ما تسوي شي بس تنفذ الكلام
كل دقيقتين اقول ها هالكلام لين صج صار فيها تروح الحمام و بس جلست تبولت شوي (( و انتوا بكرامه )) و بعدين وقفت ما كملت خافت
رحت جنبها و قلت الللللللللله يا شاطره و حطيت في ايدها الكاكاو و كملت و رحنا غسلنا و على هالحاله للمسا
و لمدة 3 أيام علمت الخدامه كيف تتعامل معاها
بعدين رابع يوم اخذتها و رحت معاها محل الأطفال و شريت لها كلسونات ملونين و فهمتها انه لها علشان ما تلبس حفاظه
و صرت كل يوم من تصحى الصبح اخلي الخدامه تتابعها لحد ما ارجع من الدوام و بعدين انا اكمل
للمسا ما البسها الحفاظه الا وقت النوم الظهر ساعتين وبالليل
صحيح كم مره سوتها على الرخام بس عادي و اهم شي ما تعصبون لما يوصخون الأرضيه اول الايام و تحسسونهم انه شي عادي
كملت اسبوع و الحمد لله تعودت تروح بروحها و بعدين تناديني
بعد اسبوع صرنا ما نلبسها اياه بنومة الظهر و تنام ساعه و نص و تقوم تصيح تبي تروح الحمام تخاف توصخ سريرها و الحمد لله رب العالمين بتوفيق من الله تعودت
و من يومين بديت اعلمت تسوي الشي الكبير و صارت تبكي و تخاف و البارحه تجرأت شوي و بعدين خافت تكمل ولبستها الحفاظه و خليتها تكمل فيها :)
و ان شاء الله إلى الأمام و الخطوه اللي بعد هالخطوه اني ما البسها بالليل و بعدين ما البسها لما نطلع رحله و لا زياره و ان شاء الله نعيد من غير حفاظه بناء على تعليمات خالتو أسما
اسمحولي طولت عليكم بس حبيت افيدكم
اختكم
ام عبدالله