الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
صباااح الخير بنات
انا يا اما اقطع فتره يا اما يصير عندي فائض بالمواضيع
لا بجد اشوف هالفتره البنات ردوا يسئلون عن الشمع اللي للحواجب ..
انا بقول لكم اول شنو فائدته وبعدين الطريقه اوكي
يالله نبدي ..
هو اساساً يستخدم للحاجب المشقر ..
لأن الحاجب المشقر شكله مرتب بس اللي يخرب وقت المكياج
ان الظل والمكياج يبين بهالمكان ان فيه شعر .. لكن لون الشعره ما يبين ..
طيب واللي ما تشقر شتسوي ؟؟
عندي لها حل ولا يهمها ..
الفكره كلها ان الشمع يثبت الشعر و يلزقه فهمتوا شلون ؟
للأمانه بنات انا جربت هالطرق كلها،، سواء حطيت فاونديشن او لا ،، حواجبي مشقره او لا
وكلها كانت مضبوطه ..
اول شي حطي الفاونديشن والباودر عادي
مشطي الحواجب
بعدها بأصبعك او بقطنه اذن
مسحه خفيفه من الشمع مكان الشعر الزائد
وحطي باودر او لمعة الحاجب على طول
مثل نايلون من ماك ،، او اي لمعه او شادو تستخدمينه ..
طيب انتي ما تشقرين ..
مو مشكله تعالي اقولك
حطيتي الفاونديشن و الباودر ؟؟
حطي الشمع بنفس الطريقه ..
بعدها حطي كونسيلر شوي قوي مكان الشعر الزائد ..
الباليت من ميك اب فور ايفر
او Radiant Touch من ايف سان لوران
وفوقه حطي اللمعه او الشادو البيج..
وارسمي حواجبك بالقلم او التاتو
ونعيماً:dd:
صح قبل مانسى
سمعت بنات يقولون في شمع عند BN
ماعرفه ما علينا منه :dd:
المشهور اكثر شمع سماش بوكس
علبته صغيرررررررره .. ماتترس العين
وسعره مثل اسعار هالمكياج اللي تالف الميزانيه :qaq:
والأدهى والأمر ان الماركه مب متوفره للكل ..
وغالباً يكون مخلص
شنسوي شنسوي ..
روحوا الجميعه ،، كارفور ،، السوبرماركت
شفتوا كورنر منتجات ويلا ؟؟
ايه wella
خذوا من عندهم شغله اسمها wellaflex
شمع للتصفيف واللمعان ..
لا تغركم الصوره ترى العلبه كبيره
عن تجربه والله انه روووعه وما يفرق عن سماش بوكس
والعلبه كبيره تكفيك العمر كله
متوفر للكل
وسعره ما يتعدى 16 ريال
حبيتوني على هالخبريه ههههههه
خلاص جربوا و خبروني بالنتائج
واللي ما عجبتها الطريقه تكرمنا بسكوتها
<--- عصبت ههههههههه
اختكم // Marshmallows
