نصحت صديقتي لكن .....

لوحة مشاعر 13-11-2008 34 رد 1,692 مشاهدة
ل
السلام عليكم

شخباركم حبوبات

صديقتي عندها مشكله و نصحتها بس ماعرف هل هذي النصيحة في صالحها او لا:ss:


الاسبوع الي طاف كان عيد ميلاد صديقتي المهم هي حاطه بخاطرها لان حبيبها ماياب لها هدية يعني بس قال لها كل سنة و انتي طيبه وبس يعني حتى ورد مافكر ايب لها و عيد ميلاده الشهر الياي و اهي مسكينه من جم شهر اتفكر شنو بتسوي شنو بتاخذ معنها على قدها و تيمع مصروفها و مجهزه له شعر لذي اليوم فوايد حاطه بخاطرها انها كانت اتفكر فيه و حابه اتفرحه و اهوه مجرد بس كل سنة و انتي طيبه

انه اقول لها خله يولي و لا تسوين له دام ماسوالج ، اهيه اتقول لي لا بسوي له الي انه مجهزته عشان يستحي

لا تقولون لعب و تسليه لا يحبون بعض حب شريف و يبون بعض على سنة الله و رسوله بس منتظرين ابوها ليما يرجع من السفر و يتقدم و لا تقولون بخيل لانه صراف من الدرجة اولى

فياريت اتشورون علي عشان انصحها لانها المسكينه من القهر صاحت اتقول لي مابي هداية بس على الاقل شي رمزي تذكرني فيه عورت قلبي وااايد :(
ع
الله يوفقهم مع بعض بالحلال ان شاء الله

انا من رايي تعطيه الهدايا عشان تكسر عينه و تراويه انها عطته و كانت تفكر في هالمناسبه واهو اكيد بيتفشل من نفسه

الله يحفظها و يستر عليها
ر
لا حبيبتي خليها تعطيه الهديه وبعدين الرجال ما يهتمون بالاشياء هذي الهدايا وغيرها الا من رحم ربي مومثلنا حنا يا البنات حتى الورده تعنيلنا الكثير تقدمله الهديه وتباركله ولا تذكره او تعاتبه انه ما اهداها ابدا اصلا من غير ماتقول شي هو بيستحي من نفسه:o:o وانا متاكده بعد هديتها بيهديها اي شي حتى من غير مناسبه وبتتذكرين كلامي:wink::wink::wink:
ف
مابرد على الجزء الاول من اساس العلاقة بقصص الحب


يمكن مااهداها لان يبي يعطيها وهي زوجته لما يتقدم لها

وتكون فرحتها فرحتين
ر
كان المفروض تنصحينها انها تقطع علاقتها معاه....اي حب شريف واي ما يحزنون حبيبتي هذي اسمها علاقة محرمة تحب واحد ما يقرب لها ولا يحل لها وتقولين حب شريف...الله يهديك و يهدي صديقتك
.

انا من راي ما تعطيه مو

عشان ما اعطاها لا لان اساس العلاقه بينهم غلط ومو بس غلط حرااااااااااااام ,,

واللي قالتلها خليها تعطيه ترى انتم جالسون تاخذون ذنبها الله يجزاكم خير ترى مو قاعدين تساعدونها بحل مشكلتها جالسين تساعدونها على فعل المعاصي ,,

لما يسير خطيبها ورسميا هذيك الساعه تسال اعطيه والا لا واقدر انا وقتها ارد عليها ,,,

والله يهديها ,,,
ش
انا اشوف ان الرياييل ما يفكرووون بنفس طريقتنا الرومنسيه نحن البنات
ونحفظ التواريخ ..تايخ يوم شفته وتاريخ اول مكالمه وتاريخ عيد الميلاد وانجهز لكل مناسبه
واتلاقينهم ناسين كل التواريخ..هذا يعني انهم ما يهتمون
ويمكن هو مب رومنسي او ما متعود او ما يعرف لانه ما كانت عنده علاقات
انا اشوف انها تعطيه الهديه واتسوي له كل اللي كانت اتخطط له..اكيد راح يحس بتقصير..وبعدها راح يهتم
خليها اتبادر عشان يتعلم..وقولي لها لاتخربين علاقتج وياه بسبه هديه
الله يوفقهم
غ
تبين تنصحينها

خلها تترك الحرام
&
هلا جبيبتي لاي ياقلبي تعطيييييه هديه وتكون احسن منه بعد عشان المره الجايه يمكن يستحي ويجيبلهاوالله يوفقهم يارب
.
بغض النظر عن الاشياء الثانية الي ذكرتيها ...

في العادة جنس آدم ما يهتم في هالسوالف أبد
أو يمكن لأنه مو متعود

الله يجمع بيهم يارب
ل
اشكر كل الاعضاء الي شاركوا و جزاكم الله خير على النصايح الطيبه وراح اوصل لها الي قلتوه باذن الله

و احب اقول للبنات الي قالوا علاقه محرمه صح علاقة محرمه لكن الحمدالله رب العالمين ما صار بينهم شي غير كلموا بعض و حبوا بعض و مايبون يستمرون بالحرام بالعكس يبون الحلال و انه ذكرت لكم ان ابوها مسافر و منتظرين ليما يرد بالسلامه ويتقدم باذن الله و بعدين الحب الشريف يفرق عن الحب الي يطلعون معى بعض و ويسون الحرام (الزنا) هاي يسمونه لعب و تسليه و لو كان ما في نيته يتقدم لها جان صج مابرضى عليها و بحاول اقنعها تتركه لكن يابنات الدين يسر مو عسر و على ايام الرسول (ص) ماعرف بضبط شنو بس القصه ان في واحد راح لرسول (ص) و قاله اني احب فلانه و قاله الرسول(ص) بما معناه الحل الوحيد الزواج للعشاق و هاي الكلام الي قلته بس ابي اوضح ان صديقتي الحمدالله شريفه و الله يسر لهم و في النهاية اشكركم على النصيحة و المشاركه الطيبه
ع
لا تقولون لعب و تسليه لا يحبون بعض حب شريف و يبون بعض على سنة الله و رسوله بس منتظرين ابوها ليما يرجع من السفر و يتقدم و لا تقولون بخيل لانه صراف من الدرجة اولى


مدام الحب شريف وينتظرو ابوها يرجع ويتقدم بعد مايتقدم تعطيه الهدايه وتعمل حفله وسربرايز وكل شي

بس اذا مااتقدم ايش تعمل؟؟؟؟



يابنات الدين يسر مو عسر و على ايام الرسول (ص) ماعرف بضبط شنو بس القصه ان في واحد راح لرسول (ص) و قاله اني احب فلانه و قاله الرسول(ص) بما معناه الحل الوحيد الزواج للعشاق و هاي الكلام الي قلته بس ابي اوضح ان صديقتي الحمدالله شريفه و الله يسر لهم و في النهاية اشكركم على النصيحة و المشاركه الطيبه

احنا ماقلنا شي غلط

الي بتعملو حراااام

الحب الي قلتيه عنو هذا حرام

على ايام الرسول يحبو بعض بس مايكلمو بعض ولا يجيبو هدايا ويعملو اعياد ميلاااد

عرفتي ليش الي بتعملو صحبتك حرام
ل
عيون الفهد s

مشكوره اختي على الرد و النصيحه الطيبه


m
لاحول ولاقوه الابالله مانصدمت اخرالزمان وناقلت مابعورقلبي من الصدمات الي تصيرفي النيا الله يهديني ويهديها ويهدي الي يشجعها احس خلاماقدراسمع ناس توافق على الحرامل لاوفي منتدانا الغالي بعد الله يهديها بس
ل
moo3od

مشكوره اختي على المشاركه



بناااااااااااااااات بليييييييييييييييييييز خلاص صكينه باب النقاش الي يقول زانيه مافي انسان معصوم عن الغلط بس الغلط انه يواصل في نفس الطريج و اهمه الحمدالله يبون الحلال
ا
ومنو يكون عشان تهتم تعطيه او لا......... لا هو بخطيبها ولا بزوجها...مجرد حبيب !!
وها دليل على حبه الزايد لها ^_^ انه حتى ماخسر رووحه واشترا لها هديه......~
انا اقول خل تودره ويوم بتكون بينهم علاقه شرعيه على سنة الله ورسوله...خل تزعل او تفكر تشتري له هديه...~
ل
اماراتيه كيوت

الله يعطيج العافيه اختي على الرد
ا
إذا قبل لا يتزوجون مايهدي لها
الله يعينها بعد العرس هذا إذا كان ناوي على زواج صراحة انا ما اشجع على هذي الطريقة من الزواج
لأن غالبا الفشل
الله يستر على بناتنا
نصيحة لوجه الله تعالى تبعد عنه
ل
احلى منور

الله يعطيج العافيه ومشكوره ع النصيحه

مو كل وحده تزوجت تقليدي يعني مافشلت علاقتها الزوجيه و لا كل وحده تزوجت عن حب ونجحت بعلاقتها الزوجيه هاي الشيء يعتمد على الشخصين و التوفيق من رب العالمين سبحانه محد يقدر يقول ان الزواج عن حب يعني فشل الحياة الزوجية و لا حد يقدر يقول ان الزواج التقليدي اهو النجاح ، يعني انه خطبتي تقليديه ماقدر اقول اني راح انجح بحياتي و صديقتي راح تفشل لانها عن طريق حب شيء بعلم الغيب







s
من وجهة نظري اعتقد انه يكفي انها تقول له كل عام وانت بخير و تبارك له بهاليوم المميز بدون هداياااا لانه الكلمة الطيبة و التذكير كم يسوى ..........ولا تزعل منه و تكبر السالفه لانه يمكن هو ماحب يستعيل بسااالفة الهداياا لين مايكون شي رسمي بينهم و عقب بيغرقها ^.*

لاتسبق الاحداااث و ان شاءالله ربي يجمعهم على الخير و يبارك لهم

والسموحه
X