طريقة جديدة للحمل بأذن الله - يارب بالفايدة

أخوتى .. وعدتكم بأن أشرح لكم طريقة للحمل بأذن الله جديدة لم أسمع عنها من قبل
وقد نصحتنى بها سيدة بدوية عجوز من عرب سيناء وقالت لى لقد نفذتها لأكثر من سيدة منهم واحدة لم تحمل طوال 7 سنوات وبعد هذه الطريقة بشهر لم تأتيها الدورة وحملت فى طفلة ونفذتها أيضا لسيدة يابانية أسلمت و متزوجة من مصرى لم تحمل لمدة 13 سنة و ما أن نفذت هذه الطريقة بأذن ربنا حملت بتوأم وسبحان الله وقالت لى أن هذه الطريقة تفيد أكثر النساء اللاتى تعانى من السدد أى أنسداد فى الأنابيب أو الألتصاقات
, فأخذت منها الطريقة والمطلوب وقلت لها هجرب أنا وحدى ف البيت فقالت لا تخلى أى شغالة ولا جارة أو حد يعرف اللى بتعمليه أهم حاجة فى الطى والكتمان ,, يعنى أنا بحكى لكم كل الحوار علشان تكونوا فاهمين ايه اللى تعملوه .. المهم أنا بصراحة كنت ناوية أجربها أولا وبعدين أقولكم وده ليس طمعا والله أبدا بس قلت حتى أتأكد م النتيجة وبعدين حصلت ليا ظروف تعبى والمستشفى والأفلام اللى أنا عشت فيها الفترة الأخيرة ومعرفتش أجربها غير يومين أتنين ( وفعلا بعد ما وضعتها على بطنى نزلت منى دم لونها غريب ليومين ) وبعدها توفت صديقتى ولحزنى طبعا عليها لم أفعل شىء ..
وحتى لا أطول عليكم المطلوب هو الآتى :


1 - كيلو من الردة ( اللى هى نخالة العيش الأسمر واللى بنشوى بيها السمك ) هى ف مصر بنسميها ردة ف أى دولة تانية مش عارفة أسمها أيه
واذا لم تعثرى عليها ممكن تستعملى البقسماط الناعم اللى بنستعمله للفراخ البانيه ( أظن كده واضح )


2 – كيس مخدة متوسطة فاضى ومش بتستعمليه ( يعنى المخدات اللى بنام عليها )



المهم جدا قبل أى أستعمال هو التالى :

أولا : تنفذى الطريقة دى أخر يوم لكى فى الدورة ولمدة 10 أيام متتالية وبعدها تتوقفى تماما
ثانيا : وانت بتستعملى الطريقة دى يكون فيه جماع مع زوجك يوم ويوم ومن أول يوم بعد الدورة

ثالثا : لازم يكون كيس المخدة على بطنك وأنت نايمة مع جوزك وأعذرونى فى كده هى الست طلبت منى وقالت أن ده ضرورى ( لكن ده طبعا بالنسبة لى صعب تنفيذه هههههههه ومش ممكن يحصل لأن جوزى ممكن يستلمنى تريأه وممكن يتركنى فى وضع زى ده أصلا هههههههه ) بس هى الست قالت ضرورى وانا ليا رأى ف الموضوع ده اللى جوزها زى جوزى وهى ممكن تتكسف منه أو تحس أنه هيتريأ عليها تنفذ الطريقة كويس جدا وتدخل السرير وتدفى نفسها وهى سخنة وما تخلى جوزها يشوفها وتنام عادى

جينا للمهم : -

الطريقة بأه

1- هتجيبى حلة متوسطة أو أى حلى تكفى كيلو الرده وتحطى الرده فى الحلة
2- حطى الحلة على البوتاجاز على نار هادئة وتقلبى الردة كويس كل شوية وأوعى تتحرق منك المهم تقلبيها كتير علشان توزعى السخونة فيها كلها
3- تجيبى كيس المخدة الفاضى وتفضى الردة م الحلة جوا كيس المخدة وترتبيه وتلفيه على بعضه بشكل مستطيل أو أسطوانى وفتحة الكيس لجوه بحيث الردة ما تقع منه
4- طبعا الردة هتكون شخنة أوى أحنا عايزنها سخنة أوى وتنامى على ظهرك فى السرير وتلفى كيس المخدة بالردة على بطنك بس من تحت عند الرحم بس مش بتلفى الكيس حوالين خصرك كله بظهرك لألألألألألألأ تحطيه على الجزء الأسفل من البطن ( فوق منطقة العانة على طول يعنى ) أنا أسفة بأه بس بحاول أوضح علشان لو حد مش فاهم .
5- حاولى تستحملى الحرارة وطبعا أوعوا تعرضوا نفسكم لتيار هواء خالص لا تكييف ولا غيره يعنى تكون كل حاجة حواليكى دافئة ده مهم جدا أحسن لا قدر الله حد ياخد برد أو حاجة فى المنطقة دى اللهم بلغت اللهم فاشهد أحسن حد يستعمل غلط ويدعى عليا بعد كده هههههههه أنا مش ناقصة ربنا يخليكوا ركزوا معايا
6- هيفضل كيس المخدة على بطنك وكل ما تحسى أنه بيبرد تحركيه وتحركى الردة بأيدك هتلاقى فيه لسة سخونة طبعا المفروض ف أخر السخونة وقبل ما يبرد تكونى نايمة مع جوزك هههههههههههههههههههه والكيس فى النص بينكم هههههههههههه أعذرونى والله بس الست البدوية هى اللى قالت كده أنه يفضل الكيس على بطنك وجوزك نايم معاكى لحد ما تخلصوا تدفى نفسك وما تقومى من مكانك الا بعد ساعة أو لو حبيتى تاخدى الكيس ف حضنك وتنامى كملى بأه ههههههههههههههه
7- أنا طبعا هنزلكم الصور وأنتم عارفين أنى فاشلة فى الموضوع ده فاذا الصور ما ظهرت هبعتها لكم فى المرفقات وأنت هتفهموا أزاى تعملوها لما تشوفوا الصور
بنات .. يعلم ربى أن غرضى وهدفى ما هو الا الأفادة لكم جميعا وكل ما أفعله أو أنويه هو خالص لوجه الله وأرجوكم رجاء شديد اللى تجرب الطريقة دى تقولى أيه اللى حصل معاها وياريت وبأكد عليكم لازم ما تعرضوا نفسكم لأى هواء أو تيار أرجوكم وخلوا بالكم على نفسكم ويارب يكون الله جاعل هذا سبب للحمل يارب وكله طبعا بأمر الله وأهم حاجة كمان أنك بتعملى كده ومتوكلة على الله ممكن النتيجة ما تبان من أول شهر يعنى ممكن تجربى تانى لأن الست قالت فيه ستات النتيجة ما تبان معاهم من أول شهر

وفيه نصيحة منى لكم أنا عن نفسى بعملها ممكن ومنطقة البطن سخنة أدهنى بزيت الزيتون المقروء عليه الرقية الشرعية هذه المنطقة جيدا وأقرأى فاتحة الكتاب 7 مرات بنية الحمل وأنت بتدهنى وأن شاء الله ربنا يرزقكم جميعا
وأتمنى فعلا يكون خير لكم جميعا وربى يتقبل منى
بقى شىء أخير يا بنات طالبة دعواتكم ليا بأن ربنا يرزقنى ويرزقكم بالذرية الصالحة ويسخر لى زوجى ويرحم صديقتى وينير قبرها معلش طلباتى كتيرة بس أنا ليس لى غيركم أطلبكم للدعاء لى لأنى والله بعتبركم أخوتى وبحبكم فى الله جدا






وأخيرا :

هذا مجهود شخصى و أرجو من تنقل موضوعى لأى منتدى أخر تذكرنى بالدعاء وتذكر منتدى عروس