بنات جده _ قاعات الافراح ؟ ؟ (اول موضوع لي )

الله يوفقك غاليتي


تم تعديل العنوان ليناسب الموضوع

هلا اختي انا مثلك حايسه بالقاعات الله يسهلك يارب

اليوم انا رايحه اشووف قاعه ورحت قبل يومين اتفرجت

وليا رجعه ان شاءالله واقوولك كيف

بس ياقلبي تبين ملكة ولا فرح وياليت تحددي السعر لانو زي ماتعرفي الاسعار متفاوته

وليا عوده بكرا ان شاءالله

بصراحه يابنات انا لفيت نص قاعات جده علشان زواج اخوي بالصيف

وفيه قاعات تجنن عندك مثل
نسايم ليل _الشرق الاوسط_ليالي العرب_كرستال هذي اللي عجبتني كثير

هلا اختي

زي ماقالت الاخت lateefa احلى شي دي القاعات وباضافه لقاعه نرسيان

بس تختلف الاسعار هنا في توصل لــ70 الف الليله طبعا يكون كلوو افخم شي

ولو حابه قاعه لملكه في قاعات كتيرة تنفع ملكة عندك فندق الدار البيضاء قاعاتوو كتيرة وتختلف الاسعار

وفي فندق ارمادا برضوو وحلوو وتنفع لملك ع حسب حددي طلبك والسعر وان شاءالله افيدك

تقبلي مروري

وعليكم السلام ورحمة الله وبركاته

أختي بصراحة أنا ملكتي قريب والحمد لله ما لفيت كتير حتى لقيت القاعة

أنا راح أعمل ملكتي إن شاء الله في قاعة رومانس

لو كنتي سمعتي عنها بس للأسف ما فيها بلكونة

لكن فيها حاجات تانية أحلى

يعني العصير والكيك ولبس الدبل كلها تكون من ورا مو قدام المعازيم

لأنو في حوش خارجي ديكورو غابات ومسبح وجسر وشلال مررررررة روووووووعة

وهادا كلو يتصور فيديو وينعرض بعد كدا ع البروجكتر جوا القاعة

وسعرها مناسب

وأنا أنصحك فيها

حتى المشرفة سعودية وبنت مرررررررررررة متعاونة وخدومة

لو تبغي عنوانها أرسليلي أوكي


وبالتوفيق إن شاء الله للجميع

الله يتمم لي ويتمملكم على خير..
انا كمان عروسه وبفكر بقاعه سعرها طيب وحلوه..
وانا ضد الـ 70 الف لليله لييييييش انشاءالله..
قاعة نرسيان حلوه خالي سوا فيها فرحه كلفته 27 الف من غير البوفيه..
وقاعة ليالي الكريستال حلوه بس ما اعرف سعرها..
وقاعة رومانس حلوه اختي سوت فرحها فيها.. بس مشكلتها البنات السعوديات اللي فيها هم بنات صاحب القاعه وصحيح انهم متعاونات واخلاقهم حلوه..
بس اللي صار لنا انه اللي طلبناه كله في (( البكج )) طلع غلط..
الكوشه كانت غير الكوشه اللي طلبناها ومافيها ورود طبيعيه كلها زينه
والكيكه كانت اي كلاااام
والطقاقه قالت انا عندي طقاقه مررره كويسه وعلى ضمانتي
ويوم الفرح نلاقي وحده معفنه لابسه جلابيه حقت بيت تقولنا الطقاقه تعبانه وانا اقربلها وجيه اغني بدالها
وصوتها الله لايوريكم..
بس نصيحتي اختي اللي بتسوي ملكتك فيها انتبهي لهذي الاشياء..
والله يتمم لك ملكتك على خير.. :)

:(

ويييي

طيب اش اسم المطربة إلي قالتلكم عليها أختي رؤيتي

بليييييييييييز ردي عليا في أقرب فرصة

:"(

فيه قاعه حلوه في فندف جده اوركيد قاعة الطاؤوس

فيها بلكونه وحجمها مناسب لملكة وسعرها مدري عنو

جزاكم الله خير
والله يوفقك ويتم اموركم بخير
قاعة الكريستال وليالي الكريستالعلى حسب ما قالت لي صديقتي عملت ملكتها هناك
ليالي الكريستال وسط الاسبوع 20 او 22و الاربعاء والخميس 25 او28 طبعا السعر بدون البوفيه ويختلف وقت الاجازات عن وقت الدراسة
والله يجزيكم كل خير امين

danndanh;7749730:
وعليكم السلام ورحمة الله وبركاته

أختي بصراحة أنا ملكتي قريب والحمد لله ما لفيت كتير حتى لقيت القاعة

أنا راح أعمل ملكتي إن شاء الله في قاعة رومانس

لو كنتي سمعتي عنها بس للأسف ما فيها بلكونة

لكن فيها حاجات تانية أحلى

يعني العصير والكيك ولبس الدبل كلها تكون من ورا مو قدام المعازيم

لأنو في حوش خارجي ديكورو غابات ومسبح وجسر وشلال مررررررة روووووووعة

وهادا كلو يتصور فيديو وينعرض بعد كدا ع البروجكتر جوا القاعة

وسعرها مناسب

وأنا أنصحك فيها

حتى المشرفة سعودية وبنت مرررررررررررة متعاونة وخدومة

لو تبغي عنوانها أرسليلي أوكي


وبالتوفيق إن شاء الله للجميع

ماشاء الله تبارك الله
الف مبارك عليكي وعذرا على التاخير
مبارك عليكي
للاسف البكلونة مهمةمرة لانه العريس بس يطلع بلكونة محا ينزل
جزاكي الله خير وربي ماتشوفي شر ولا تتعبين ابدا

القصور او الفنادق اللي ابغاها تكون فيها بلكونة وطبعا مع كل شئ توصل ل30.000 فقط ماتزيد عن كده يعني ماتعدي35.000 رجاءا اللي تعرف اي شئ تقولي
وجزاكم الله خير

بنت الغالي;7733584:
الله يوفقك غاليتي


تم تعديل العنوان ليناسب الموضوع

امين يارب ويوفقكم جميعا يارب العالمين وعقبال كلبنوتة تصير عروسة واحلى عروس يارب امين
تسلمي وشكرا ماقصرتي

اقول شكلي
انا حازعل وابكي من شدة حزني
مافي احد يساعدني ولا يجاوب عليا
والله بدات ازعل

يا اخواتي بليز لا تردوني خايبة ان ساعدوتني في وم تحتاجوا لشئ حتلاقوا انكم ما احتجتوا لاحد بنفسكم تعملوه مع انه مستحيل يصير

جزاكم الله خير جميعا

السلام عليكم

هلا اختي
في قاعة اللؤلؤة مرره حلووة وبلكونه في حدود 20 او 18 اعتقد من غير البوفيه
موجودة جهة برج دله

وجنبها في قاعة الرحاب فيها بلكونه برضه بس صغيرة وسعارها مره حلوو في حدود 6 الاف ومع البوفيه 14

ان شاءالله تعجبك ياقمر

والله يوفقك ويوفقنا يااارب

الراجيةرحمةربها;7974593:
السلام عليكم

هلا اختي
في قاعة اللؤلؤة مرره حلووة وبلكونه في حدود 20 او 18 اعتقد من غير البوفيه
موجودة جهة برج دله

وجنبها في قاعة الرحاب فيها بلكونه برضه بس صغيرة وسعارها مره حلوو في حدود 6 الاف ومع البوفيه 14

ان شاءالله تعجبك ياقمر

والله يوفقك ويوفقنا يااارب

وعليكم السلام ورحمة الله وبركاته
اهلا بيكي نورتي
ماشاء الله كويس يعتبر سعرها يارب يطلع جيد السعر مع البوفيه

اها صغيرة يعني كم شخص تستوعب 300ولا اقل؟!
ماشا ءالله سعرها مرة جنان وحلو ماشاء الله
جزاكي الله خير وتسلمي اختي
وربي يوفقك ويسدد خطاكي ويعينك ولا يحوجك لاحد امين يارب

انصحك بقاعة ريفان قريب من برج دلة

روووووعة قليلة فيها والله ،،،والديزاين حق القاعة قريب جدا من ليلتي


وفيها بلكونة وجناااح كبير للعروسة


واسعارها حلوة ،،مااذكر والله كم بالضبط بس معقولة جدا


بالتوفيق حبيبتي

الآنسة الجميلة;7984753:
انصحك بقاعة ريفان قريب من برج دلة

روووووعة قليلة فيها والله ،،،والديزاين حق القاعة قريب جدا من ليلتي


وفيها بلكونة وجناااح كبير للعروسة


واسعارها حلوة ،،مااذكر والله كم بالضبط بس معقولة جدا


بالتوفيق حبيبتي

نورتي الموضوع
تسلمي يا الانسة الجميلة
للاسف ما اقدر اعمل بيها شئ لانه زواج خالي كان هناك فمستحيل اعمل شئ بيه للاسف يعني
جزاكي الله خير والله يوفقك ويسعدك ويرزقك كل شئ حسن بالدنيا ويفرج همك وغمك امين يارب
امين يارب العالمين:)

بكاء الدهر;7992974:

وانتي طيبة يارب
وعساكم من عواده
ومن العايدين ومن الفايزين ان شاء الله يارب

قاعة الطاؤوس بفندق جده اوركيد حلو لملكة