هلا بنات عروووس شخباركم ؟
عساكم بخير؟
ما أستغربتوا إنقطاعي عن المنتدى فترة ...:cry:
والسبب إني من أسبوعين حللت وطلعت حامل والفرحة ما شالتني من السعادة ووالناسة وكنت محضرة لكم مفآجأة بعد شهر أزف لكم الخبر ...
ما تدرون شكثر كنت فرحانة ورحت جرير وخميت كل كتب الحمل وحتى كتب التغذية الخاصة بالأطفال شريتها..
وخططت لغرفة نوم البيبي كيف راح تكون ..
لكن..:cry:
عسى أن تحبوا شيئا وهو شرا لكم ..
سبحان الله..
أجهدت نفسي بشغل البيت الأسبوع اللي فات وبنفس اليوم نزلت بالكعب العالي على الدرج ورحنا البر وكان في مطبات بالسيارة ..
ما رجعت البيت وإلا نزيف ..
رحت الطوارئ وقالت لي كل شي سليم النبض والكيس..
ولازال النزف وكل ماله يزيد
لين خلاص
أنفجر علي الألم بشكل ما تتخيلونه وتسبحت بالدم ورحت الطوارئ وكل شي سليم النبض والجنين..
ورحت البيت
لكن بالليل ما قدرت خلاص الم زي الطلق وأكثر حسيت الرحم يدفع شي على براااا
ورحت الطوارئ وأجهضت جنيني حبيبي عندهم :cry::cry:
وتنومت عندهم ما تدرون يا بنات الالم اللي في قلبي على جنيني اللي فقدته كوم والحزن اللي بعيون زوجي كووم
والم النزف والتسقيط والتنظيف وتعديل الرحم وشفط الدم كوووم:cry:
الحمدلله على كل حال..
بس حبيت تدعون لأختكم دريم ويب اللي حبتكم من كل قلبها .. تدعون لي بإن ربي يشفيني عاجلا غير آجلا ويرد لي صحتي وعافيتي .. وأرجع لبيتي ولزوجي
وأدعو لي ربي يعوضني عن الجنين اللي فقدته
وشاكره لكم يا خواتي ..
