دمل في صدري

السلام عليكم ورحمة الله وبركاته

بقولكم مشكلتي اللي اعاني منها انا صار لي فتره يمكن من اربع

سنوات جاني دمل في منطقة الثدي الجهه اليسرى على جنب

طبعآ كان الدمل متحجر كله صديد ولونه احمر رحت الدكتوره

وعطتني مرهم ادهنه على المنطقه بس يوم دهنته ماانفجر قمت انا

ضغطت عليه والله يابنات من قوة ماهو متحجر الصديد فيني طشم

على المرايه طلع منه صديد ودم ونظفته وخلاص تركته مرت السنين

ومكان الدمل له اثر صاير الجلد لونه بني والله حتى مااقدر انام على

الجهه اليسرى احس بوخز زي الابره .. ومن سنه طلع لي واحد ثاني

جنبه وسبب لي حراره وتنومت في المستشفى وجا الجراح وشاله

لي طبعآ الدمل الجديد اهو اللي شاله ولا القديم باقي اثره المشكله

الجديده الحين طلع لي دملين جنب الجراحه اللي سويتها توه صغير

وفيه صديد . والله يابنات تعبت وهالشي مسبب لي مشكله نفسيه

مابي اروح المستشفى يتعبثون فيه لان هالمنطقه حساسه مره

وهالايام كاثره الامراض الخبيثه الله يكفيني ويكفيكم شرها .. الله

يخليكم من قد صار لها هالشي وتعافت او عطوني علاج طبيعي

لعله ينفع معي تكفوووووون ابي الرد بأسرع وقت والله يجزاها خير

اللي بترد علي