شخباركم بنات ان شاء الله تمام؟
اليوم سويت الغدا رز بالخضار وقلت لاازم احطه لبنات عروس الحلوات يمكن يعجبهم مثل ما عجبنا:cool::cool:
في البداية بحط صورة الرز لما استوى للتشجيع
الحين المكونات
4 كاسات صغار رز يفضل رز الوليمة
بصل مقطع صغار
صلصة صويا وفص ماجي بهارات الرز الابيض وفصين ماجي مرقة الدجاج
خضار اي شي تحبونه
انا حطيت جزر وفلفل الوان وبصل وفلفل حار وعود بروكلي
الحين الطريقة يا حلوات:wink:
في البداية حطيت البصل يتشوح مع الزيت
وبعد ما تشوح وصار لونه ذهبي شوي حطيت الخضروات عليه وبعدها حطيت ملعقة صويا صوص ومكعب ماجي مرقة الدجاج وشوي ماي وخليته على نار هادية
وطبعا كنت حاطة الرز يطبخ وحاطة فيه فص ماجي بهارات الرز الابيض وفص ماجي مرقة الدجاج وشويه دهن
وعقب ما استوى الرز شخلته وحطيت فيه بعض من قطرات ملون الطعام الاصفر وحطيته في القدر وخلطته مع حمصة الخضروات اللي سويتها
مثل الصورة
وخليته شوي على نار هادية وقدمته وهاذا شكله
وسلامتكم:wink:
