أنا ليه محجبة؟؟؟؟؟؟

heba ali 12-11-2008 27 رد 2,330 مشاهدة
h
السلام عليكم و رحمة الله و بركاته




أنا محجبة - بعد إيماني بأمر ربنا إن الحجاب فرض على كل مسلمة - علشان الأسباب التالية:



1 - علشان انا حرة … مش من حق حد يشوف مني اللي مش عاوزاه يشوفه إلا بإرادتي … ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله بلاله عن طيب خاطر.. لازم هو كمان يديني مشاعره واللي باقي من عمره عن طيب خاطر…





2 - علشان أنا غالية .. مينفعش أقلل من قيمة نفسي واخليها عرضة لكل العيون .. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني .. حتى لو مكنش ده قصدي … بس مش حقدر امنعه … (كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب .. علشان ميطمعش الذي في قلبه مرض) … مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن حتي الزبال اللي بيسوق عربية الزبالة في الشارع .. كل دول بقى من الممكن انهم يبصوا لي … لأ ده كمان يمكن ماعجبهمش ويدوروا وشهم إعراضاً … :)))))





3 - علشان أنا باحترم نفسي .. وشايفة نفسي كبيرة قدام نفسي .. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية…





4 - علشان انا جمالي مش خارجي وبس.. ومن حقي ان اللي ييجي يتجوزني .. واللي حاديله الباقي من عمري .. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي .. وحاربيهم معاه .. مايختارنيش على مقاييس شكلية وبس .. أو تبقى هي دي العامل الأساسي في أختياره ليا … علشان كدة مش ضروري يشوفني في كامل زينتي وجمالي قبل ما يتجوزني .. الأهم انه يحب روحي ويعجب بشخصيتي .. ويرتاح معايا نفسياً.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده .. واللي اختارها علشان جمالها .. ممكن قوي يتجوز عليها واحدة أجمل منها.. لأنه أكيد في الأجمل منها يعني)..





5 - علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمرضاش لنفسي اني اكون سبب في اني افتنه..





6 - علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية .. فمش ضروري يعني ازود عليه همومه… وأخيله في الرايحة والجاية ..





7 - ده غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟





والأسباب اللي فوق دي .. هي اللي فهمتني ليه ربنا فرض علينا الحجاب.. مش تعسير ولا تضييق .. الحجاب فعلا عزة وكرامة.. ميعرفهاش غير اللي داق طعم الستر..





ربنا يهدينا ويهدي بنات المسلمين .. وغير المسلمين كمان .. آمين

[COLOR=Red][SIZE=4]للامانة منقووووووووووول من مدونة Marwa El Naggar
glass-feelings.egyblogs.com
[/COLOR][/SIZE]




n
:up: موضوعك جميل اوي ويعطيكي العافيه عليه:up:

وبجد كل اسبابك مقنعه جدا:tears:

:poster_ban: بس انا عندي سؤال انت تقصدي بالحجاب النقاب ام الحجاب العادي؟

لكن اكتر جزء اثر فيا هو ده:21_176:

7 - ده غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟

لان فعلا ان مالبستوش المرأه باردتها واخددت عليه ثواب عظيم راح
:z_clap::1_42::z_clap:
تلبسه غصب عنها لكن مع عقاب مرير
:ok::UP202::ok:

وتقبلي مروري:8875:
h
اولا ميرسى لردك يا نيفووووووو:D
ثانيا انا قصدى الحجاب العادى مش النقاب و مش اى حجاب بارده
الحجاب الذى لا يصف ولا يشف و الواسع
وعلى فكرة الاتنين واحد سواء كنتى محجبة او منقبة ينطبق عليهم نفس الكلام السابق ذكره
c
الحمد لله قوى عالنعمه الحجاب فعلا كل الاسباب ديه بحسها وانا بلبس الايشار

والحمد لله بجد ان عندى احساس ان جسمى غالى عاليا قوى مش اى حد يشوفه ولو بالصدفه

والحمد لله ان ربنا فرض الحجاب فعلا بحسه انه ستره للبنات بجد

والحمد لله ان لابسى مناسب الى حد ما للحجاب مش هقول انه مناسب بالظبط لكن

الحمد لله انه مش ضيق ومش قصير ومش بيشف

والحمد لله وربنا يهدي كل البنات اللى ملبسوش الحجاب

ويهدى اكتر البنات اللى لبسوا الحجاب ويلهمهم المعنى الحقيقى للحجاب لان الواحد بيشوف بنات بحس انها ظلمه نفسها بالحجاب لان لابسها مش نافع خالص خالص خالص ببئا عوزه اسئلها انتى مكتفه نفسك ليه

وفعلا زى مابتقوى المواصفات ديه تمشى على اى شكل للحجاب لانى ساعات بشوف بنات منقبه وباقى لبسها مش مظبوط وساعات بيكون ضيق
واللى بيجننى بصراحه لما الاقى منقبه مش لابسه شراب ورجلها باينه بضايق يعنى انتى لابستى كل ده جت عالشراب

ارجع واقول مش انا اللى هحكم عالناس واكيد انا كمان مش كامله

ربنا يهديهم ويهدينا جميعا ياااااااااااارب

جزاكى الله كل خير يا هووووووووووبه :)

h
أميييييييييييييييييييييييييييييييين يا كريزى
ربنا يهدينا و يوفقنا لكل ما يحب و يرضى و الحمدلله عل نعمة الحجاب
و انا مقدرش اتخيل نفسى من غيره
الحمد لله رب العالمين
ميرسى لمرورك :D
ن
[GRADE="00008B FF6347 008000 4B0082"]
ربنا يهدينا ويهدي بنات المسلمين .. وغير المسلمين كمان .. آمين

أمـــــــــــــــــــــــــيــــــــــــــــــــن

بارك الله فيك عزيزتى وجعله فى ميزان حسناتك

موضوعك هام جدا ورائع جدا احسنت النقل عزيزتى
[/GRADE]
A
جزاك الله خيرا حبوبة

تسلمي ع الموضوع
ض
شكرا حبيبتي على الموضوع الرائع واتمنى من التي لم ترتدي الحجاب قد قرات هذا الكلام و اتعظت منه ...
ب
جزاك الله خيرا ياقلبي
{
يسلموووووووووو موضوع مره حلو
h
نغم الخلود;7993591:
[grade="00008B FF6347 008000 4B0082"]
ربنا يهدينا ويهدي بنات المسلمين .. وغير المسلمين كمان .. آمين

أمـــــــــــــــــــــــــيــــــــــــــــــــن

بارك الله فيك عزيزتى وجعله فى ميزان حسناتك

موضوعك هام جدا ورائع جدا احسنت النقل عزيزتى
[/grade]


اللهم اميين
مشكورة لمرورك
h

sabreen2000;7993923:
جزاك الله خيرا حبوبة

تسلمي ع الموضوع


مشكووووووووووورة يا جميلة
h
ضما الوجدان;7994136:
شكرا حبيبتي على الموضوع الرائع واتمنى من التي لم ترتدي الحجاب قد قرات هذا الكلام و اتعظت منه ...


ان شاءالله
اللهم اهدينا و اهدى بنات المسلمين و غير المسلمين
مشكورة للمرور
h
بكاء الدهر;7996622:
جزاك الله خيرا ياقلبي


تسلمى يا قمر:15:
h

{ آمـِـِـِـِـوٍوٍلْ ~;7998205:
يسلموووووووووو موضوع مره حلو


مشكووووووووووورة يا جميلة
s
جزاكى الله خيرا
ف
جزاكي الله خييييييييير ياحببتي
h
sally2007;8019587:
جزاكى الله خيرا


مشكورة يا جميلة للمرور
h

فتيكة;8019835:
جزاكي الله خييييييييير ياحببتي


تسلميلى يا قمراية
ا

بارك الله فيكي بارك الله فيكي بارك الله فيكي

كلام اكثر من رائع بجد جزاكي الله عنه كل خير كلام يريح القلب ويشرح الصدر ويثبت الصواب ويحبب الي مش داقه لسه انه يدوق حلاوته مرسي اوي يا هبه للاسف لسه مقيمالك موضوع تاني مش عارفه اقيمك
X