السلام عليكم ورحمة الله وبركاته
كيف حالكم يا عرايس؟
حبيت اجيب لكم اليوم هدية غلفتها لصاحبتي البارح
وهي ملكتها بكرة
حبيت اجيب لكم اليوم هدية غلفتها لصاحبتي البارح
وهي ملكتها بكرة
قلت اخذ رايكم في الشغل ههههه
انا من النوع اللي احب اغلف الشي في البيت بنفسي، لانو احس لما اتعب فيها يكون قدرها اكبر من انو بس اوديها محل وهو يعملها ويضبطها، والحمد لله احس انو شغلي حلو ينفع اقول انه من محل ههههه..
ولما احب شي .. احب اهديه شي بمعنى مو بس بقيمة!
فكرت وفكرت..
وفي النهاية طلعت بالنتيجة هذه ..
فكرت وفكرت..
وفي النهاية طلعت بالنتيجة هذه ..
1- اشتري لها اطار صورة صغير، اقص من التقويم تاريخ يوم ملكتها، واحطه في الايطار، واكتب من ورى ( تاريخ يوم مهم في حياتك)
2- اشتري ايطار صورة تانية، واحط فيها ورقة انا كاتبتها بخط يدي، تبقى ذكرى لها مني، من هذا اليوم وبمناسبة صداقتها واخوتنا، يصير تأخذها معاها في بيتها، تحطو في اي مكان
3- البوم صور!! وكتبت ( هذه هدية بسيطة تساعدك في حفظ الذكريات السعيدة القادمة!)
هدايا بسيطة جدا جدا جدا ، ولكن الهدف في معناها
حسيت انو بهذه الطريقة ممكن احفظ لها ذكرى حلوة لليوم هذا
وكمان تقدر هي تجمع ذكريات حلوة جديدة مع زوجها!!
حسيت انو بهذه الطريقة ممكن احفظ لها ذكرى حلوة لليوم هذا
وكمان تقدر هي تجمع ذكريات حلوة جديدة مع زوجها!!
نجي للصور..
الشكل النهائي للهدية بعد الانتهاء منها..
الأدوات المستخدمة:
صندوق كبير..كان عندي في البيت، غطاءه كان فضي وانا غلفت الغطاء
قماش خيش ناعم
ورق تزيين ذهبي
ورد صناعي
لصاقات - ستكرز
صمغ ( اللي يضحك انو ما عندي الا صمغ خشب لصقت كل شي بضمير)
قماش خيش ناعم
ورق تزيين ذهبي
ورد صناعي
لصاقات - ستكرز
صمغ ( اللي يضحك انو ما عندي الا صمغ خشب لصقت كل شي بضمير)
التنفيذ:
اشتريت ايطار صغير شفاف، من الجهتين، عشان اكتب من ورى ويكون واضح
فحطيت الورقة اللي من التقويم، وكتبت من ورى
A very Important Day 2 remember
وجبت ايطار خشب، سادا ما في له شي من مكتبة جرير، وطحت في ستكرز على شكل فستان فرح وفي دبل، وكاسات شمبانيا << اخر وحدة قلت ما نعتبر انو شمبانيا نعتبر انو عصير تفاح :tongue:
وجبت ورق من كراسة رسم، وكتبت عليها بخط يدي ( ايش رايكم في خطي؟:D)
وبعدين لصقت الورقة في الايطار
والحلو في الايطار انو ماله زجاج، يعني الورق ظاهر على طول
حسيت انو الحركة حلوة، معطيتها طابع انو حتى الايطار انا سويتو في البيت
:confused: يا الله صرت نجار:confused: هههههه
وبعدين الستكرز لصقتها على الاطراف وكونت بها طابع حلو للايطار
الهدية الاساسية ( البوم الصور) غلفتها بنفس الخيش الناعم، وجبت ورقا لكوريش الذهبي وحطيتو ومن فوقو الورد، كلو لصقتو بصمغ الخشب، ما حـ تعرف البنت تفك الهدية :tongue:
وبعدين جبت الصندوق
وغلفت الغطاء فقط عشان يتناسب مع الهدية
وحطيت الكرت على الغطاء
وبعدين جاتني مشكلة، انو الغطاء لما احطو على الكرتون يخترب التوازن
رحت جبت لي فلين، وغلفت الفلين عشان كل شي يصير ديكور واحد
وحطيت الكرتون والغطاء على الفلين
وثبتهم بدبابيس عن طريق القماش نفسو
وفي الكرتون خرفت الدبابيس في الزوايا الاربع
يعني لو يفحط ما راح يتحرك من مكانو :D
وفي النهاية حصلت على هذا!
ايش رايكم في الهدية؟
:o
