الي حامل بالثاني تدخل .. والي جربت الولاده الثاانيه بعد تدخل تفيدنا..

دنيتي بنيتي;7722868:
اهلين او علاوي انا ما عندي الا بنت وحدة بس دخلت لانك ذكرتيني بصاحبتي اسمها ام علاوي

والحين حامل بالثاني وهالمرة خايفة من الولادة

حبيت اقولك انا الولادة الثانية اسهل لا تخافين

والطلق يختلف من حرمه لحرمه يعني بعضهم من تدخل السابع وهي طلوق لين تولد وبعضهم ما

يجيها طلق الا بالتاسع بس او بالاحرى تحس فيه

واذا على الشق انا اختي ام عيال تقول في مكان ثاني بس قريب منه ونادر مايسون شق طولي

وبالنسبه للدكتورة واللممرضات هم دايم يرحمون البكرية بس يعتمد على اي مستشفى راح تروحين

وتروحين اذا حسيتي بالطلق اذا بدأ معك كل ربع ساعة او اكثر عشان يشوفون الرحم فتح ولا

لسا
وآسفة على لقافتي بس دايم انصح صاحبتي ام علاوي فقلت انصحك بالمرة:wink::wink::wink:

dana2;7722874:

وعليكم السلام ورحمة الله وبركاته

شوفي اختي الغالية انا مثلج بالحمال الاول حطولي طلق صناعي لكن الحمدلله مع الكمام كنت ارتاح لكن في ناس مايرتاحون عليه

اما الحمال الثاني الحمدلله ياني الطلق قبل لا اكمل التاسع باسبوع وكان الم خفيف بالبداية مثل الم الدورة يعني شي لايذكر واول ماحسيت بهذا الالم قمت وشربتلي خروع :D قلت خلاص تعبت ابي اربي وهذا كان الفجر تقريبا على الساعة 2 والحمدلله رقدت وقعدت الصبح الساعة 6 علشان ابدل بنتي واتروح الروضة وكان نفس الالم مازاد ومامداني ألبس بنتي واريقها الا والالم قام يزيد بسرعة بسرعة وكان الوقت بين كل طلقة والثانية اقل من 10 دقايق حتى ماقدرت اكمل لبنتي ريوقها وقمت وطرشتها مع الخدامة وانا رحت المستشفى واول ماوصلت اكشفت علي النيرس وقالتلي انتي مفتوحة 6 سم ودخلوني على الولادة على طول وهذا كان تقربا على الساعة 7 وشي والحمدلله الساعة 8 وربع خلصت وارتحت :) والحمدلله مليون مرة ان الولادة الثانية ماكان فيها خياطة لأن النيرس قالت ماسوينالج جراحة

عالعموم حبيبتي الله يهون ويسهل عليج ان شاءالله واتقومين بالسلامة :) ولاتحاتين وتوكلي على الله وان شاءالله مايكون في جراحة ولاشي

تقبلي مروري

سحر وسمر وقمر;7723463:
ما شاء الله يا اخت دانه

ان شاء الله كل ولاداتك تكون سهله مثل الولاده الثانيه

وعقبال كوول الحوامل

ادعوولي احمل و اجيب توووووأم اولااااد واقوول لكم وش صاار لي:D

بسمة أطفالي;7723761:
الله يقومش بالسلامة اختي

بالنسبة للولادة الثانية وااجد اسهل من الاولى

خصوصا ان الوقت يكون اقصر

ومن تحسين أن الوقت بين الطلقة والثانية اقل من ربع ساعة زهبي حالش

على ماتوصلين المركز الا انتين منفتحة ان شاء الله فوق الاربعة سنتم

نجلاء كيوت;7723844:
صباح الورد بالنسبه لي الحمدلله والشكر الولاده الثانيه اسهل ياربي لك الحمد انا اذا دخلت التاسع يجيني طلق خفيف بس اول ولاده ينفجر عندي كيس موية الجنين وفي الثاني تكرر معي نفس الموضوع صح بغيت امـــــــــــوت من الخوف بس ربي سهلها علي راحت المستشفي وقالو الرحم مفتوح 4 سم هذا كان يوم رمضان الساعه 9ولدة الحمدلله بالنسبه للفتحه انا بالطول علي نفس المكان الاول وعملة خياطة للمكان وانشالله ولادتك سهله بأذن واحد احد المشكله نخاف ونموت رعب ونكرر العمليه مره وثنين

هناء التعب;7723930:
هلا انا مثلج بالثاني وقربت موعد ولادتي وسبحان الله نفس المخاوف وكله كوم والخياطة كوم ثاني رعب الله يصبرني

شااانيل;7725458:
1-اول مااحس بالم الطلق شنهي الاشياء الي ممكن اني اسويها عشان اسرع في الطلق ؟؟

اسالي الله تسهيل الولاده وشربي كاس حليب بالقرفه مع ملعقه عسل

2-كيف بتكون الولاده والم الطلق؟؟ مؤلم والله يقتل هههههههه اجرام لان بولادتي الاولى بغيت اموت يمكن لانه طلق صناعي ماادري ..

ولادتي الثانيه كانت الموت بعينه
مدري ليه
بس الحمد لله تسهلت

3-متى افكر اني اروح المستشفى ؟؟ اخاف اروح بدري يمسكوني ويلعبون فيني ..

لما تحسي خلاص ما تقدري تتحملي
ولا سوي مثلي اروح لدكتورة المستوصف وتشوف قد ايش فتح الرحم
اذا ما بقى شي سريع للمستشفى

4-كيف بيكون تعامل الممرضات والدكتوره الي بتولد ؟؟

الله يوفقهم 00طيبات معايه
يمكن لانه مستشفى خاص يعني على حسااابي


5-بالنسبه للتوسيع لابد منه كيف بيكون على نفس الجرح الاولي لو مكان ثاني ؟؟خايفه يسوون شق طولي واروح فيها ويش باسوي في عمري ؟؟

ما سولي توسيع

الله يسهلتج ويقومتج بالسلامه

joojoo.sweet;7725625:
ومنكم نستفيد .... الله يجزاكم خير

أنا حامل باللشهر التاااسع أدعوا لي بالفررررج ... بسألكم أنا ولدت قبل طفل ميت بأول الشهر السابع .والحمدلله ربي عوضني بحملي هذا ..

هل تقصدون انه البكر تطول ليمااا تتوسع ؟؟؟ وهل أعتبر انا مثلكم الثااني وبتتسهل ولادتي ؟؟