اختاروا معي اسم لبنوتي الجايه بأذن الله نعالى....

هند يوسف 12-11-2008 19 رد 1,821 مشاهدة
ه
السلام عليكم خواتي :

احب انكم تشاركوني في اختيار اسم لبنتي الجايه, انا ولادتي اذا الله راد واحيانا بعد شهرين ونص, ومحتاره ببعض الاسماء .
ارجوا انكم تبدون رايكم بالاسماء بدون مجامله وتختارون الاسم الاحلى وشكر ويعطيكم الف عافيه مقدمن .

الاسماء: ((هند ,,, منال ,,, ريم ,,, حمده ,,,))(a)
م
ريم حلو وخفيف الله يتممم على لك خير وتشوفين ريامي بحضنك <<خلاص سمتها بكيفها
ا
في رايي بدون زعل احلى اسم فيهم ريم واحس يفرق من مكان الى مكان اختيار الاسماء ومن شخص الى شخص والناس اذواق الحين الناس طايحة في الاسماء الجديدة بس انا يعجبني اسم فاطمة وزينب
حبيبتي لا تزعلي مني قلت رايي بس ويارب الله يثبت حملك وتولدي في وقتك بخير وسلامة انت والبيبي وشرايك في اسم ريما بدل ريم او اسم ديم او ديما طلعت خارج النقاط
تقبلي مروري
ل
ريم احلى بس انا عندي اسامي احلى مثل ضياء 0فجر0يارا0لوجين0 وسن0عهد
رغد0شهد يعني من هاالاسامي الجديده 00انتي قلتي بدون مجاملات وبصراحه الاسامي اللي عندك كلها قديمه صاراللحين حتى الاسامي موضه يعني مثل اللبس والقص والستايل 0عمرررررررري لا تزعلين مني انا اعطيتك رايي بكل صراحه وانت امها واحق الناس بتسميتها لك الحريه بالاسم اللي يعجبك وحابته
معليش عاالفلسفه الزياده فماااااااان الله
ر
الله يقومك بالسلامه وانشاء الله تشوفين بنوتك عروسه جعلها الله من الابناء البارين.. بالنسبه للاسماء احلاهم اسم{ريم} شو رايك باسم {ربى,,رؤى}؟طمنينا عليك اذا قمتي بالسلامه.
n
ريم احلي بس انا عندي فاطمه وعائشه وحنين يعني دول برده عجبني ويارب تولدي علي خير وتقومي بالف سلامه ومتخافيش هي حتيجي باسمها سيبها علي ربنا
تقبلي مروري
c
ربنا يتمملك على خير وتفرحي بشوفتها إن شاء الله
بيعجبوني هند و ريم
أ
احلاهم
منال
ريم
o
ريم احلاهم

وش رايك في دانه

والله يقومك بالسلامه وتتربى البنوته بعزك وعز ابوهااا
ب
ريم أحلى إيش رأيك في جوري معناه الوردة الحمراء

والله يقومك بسلامة أنت ونونوتك وجعلها ولادة سهله ميسرة طبعية يارب آآآآآآآآمبن.
م
الله يسهل عليك ويقومك بالسلامة....

من الأسماء اللي ذكرتيهم أنا أحب أسم هند وريم... وكل من يجي بإسمه....

أحب أسم زين وخاطري لين الله عطاني بنوتة أسميها بهالأسم...
ه
السلام عليكم:

خواتي شكر خاص لكل وحده دشت وعطتني رأيها , وعني وبكل صراحه كلكم اخترتوا الاسم القريب لي وهو ريم .
والبعض حطلي اسامي ثانيه وكلها حلوه بس للاسف كلها مسمينها اهل زوجي لأحفادهم لان عيالتهم تبارك الرحمن والله اكبر كبيره ووصلوا الاحفاد فوق 50ومن جيه اتعب لين ادور اسم حلو وخفيف ومب متكرر في العايله والحلو في اساميهم كل وحده اسمها مب متكرر خاص فيها .
والله يوفقكم ويسعدكم في حياتكم مع ازواجكم واهلكم والله يباركلكم في عيالكم والحامل الله يسهل حملها ووطلقها وولادتها امين يارب العالمين .
أ
أحلاهم ريم---الله يهون عليك ويقومك بالسلامه-
ا
هند و ريم
m
هند يوسف;7721369:
السلام عليكم خواتي :

احب انكم تشاركوني في اختيار اسم لبنتي الجايه, انا ولادتي اذا الله راد واحيانا بعد شهرين ونص, ومحتاره ببعض الاسماء .
ارجوا انكم تبدون رايكم بالاسماء بدون مجامله وتختارون الاسم الاحلى وشكر ويعطيكم الف عافيه مقدمن .

الاسماء: ((هند ,,, منال ,,, ريم ,,, حمده ,,,))(a)



اختي بالقولج شيء يضحك..

كل الي أعرفهم اسمهم "هند" ماعندهم حظ كلش وخصوصا بالزواج

وكل وحدة باسم ريم تطلع وايد ثقيلة دم

حمدة اسم قديم وأصيل وجدا حلو ويعطي البنت هيبة ووقار

بالنسبة الى منال لو تغيرينه حق "منار" أحلى وايد

الله يسهل عليج وقومج بالسلامة ان شاء الله
ه
الله لا يقول انشاء الله ماريد انحس بنتي هههههههههههه استغفر الله العظيم والله خليتيني اطنش هالاسامي كلها وادور عن شي جديد خخخخخخخخخخخ.
اضحك بس شكرا على ردج الحلو والمضحك والله يوفقكم .
B
ريم احلى اسم فيهم

الله يقومك بالسلامة
أ
ريم أحلى و انا اذا جيت أدلع بنتي اسميهاا ريم و ريووم >> ههههه

وما أكثر اسمااء البناات الحلووة

والله يقوومج انتي و البنوته بألف سلااامة
r
ريم أحلى شئ و يصير تدلعيها الريم
في بالي ألحين اسم جودي
ا
ريم جميل لكن فى احلى ممكن ريماس ود رواء رولين تولين ميهاف رهاف جنا جوارى انتبهى اختى هدى بنت اختارى احلى الاسماء لها
X