اللي ملكت و انفصلت تجي تفضفض

بنتـــ السعودية ___ 11-11-2008 2 رد 1,635 مشاهدة
ب
السلام عليكم ورحمة الله وبركاته
كيفكم صبايا ان شاء الله طيبين ؟؟
حبيت اطرح ها الموضوع اللي صار منتشر هالايام
وودي نتناقش مع بعض وكل وحدة تفضفض للثانية وتقول لها اللي بقلبها والاحداث اللي صارت لها وسبب انفصالها عشان كل وحدة تستفيد من تجربة الثانية
طبعا هالكلام موجهه للبنات اللي ملكوا وانفصلوا مثل حالتي

انا بالنسبة لي عرضت مشكلتي من قبل بس راح اقولها باختصاااار
انا انخطبت 6 شهور وبعدين ملكت شهرين وقبل الزواج بشهر صارت مشاكل بسييييطة بيني وبينه هو انسان عصبي مرة ويعصب على اشياء تافه وفي نفس الوقت انا كنت متضاايقة لان مابقى على زواجي الاشهر تعرفون ضيقة خلق ومحاتاه وتجهيز يعني الوحدة تكون نفسيتها تعبانه وهذا شي طبيعي بس هو ماراعاني في ها النقطة توقع ان الضيقة هذي لاني ماابيه
وكذا مرة يسألني تبيني اولا ؟؟ كأنه ينتظر الجواب عشان يطلقني وانا كنت ساكتة لاني مصدووومة شلون بعد هالعشرة والاشياء اللي بنيناها سوا الشقة والتجهيز والسفر يتجرأ ويقول هالكلمة بعدين قال يعني ماتبيني ويسكر وبعدها بيومين طلق بدون علمي ولا علم اهلي
الحب تلااااشى والولد واضح خواته الحسوا مخه يعني قالوا له غيرها بدالها وووو

مااقول الاحسبي الله ونعم الوكيل والحمدلله اني مازلت بنت هذا اهم شي والله يعوضني بواحد احسن منه
والله يوفق الجميع
s
سامحيني بس دخلت كذاا

ان شاءالله ربنا يوفقك بلي احسن منه يااااااااااااارب

واتعملي حبيبتي ان لما الرجال يسئلك شي كوني ردي شوفي كيف فهمها

وربنا كريم ويعوضك يااااااارب عاجلا غير اجلا
ب
اختي لفتني مووضوعج ,, وحبيت اكتب به ,,

انا اخوي الله يسامحه ,, سوى نفس ما الريال سوى طلق واسبابه مب مقنعه

امي طبعا رفضة الفكره قالت وبنت الناس اش ذنبهاا تاخذها واطلقهاا,,

اخوي عصبي ويعصب لاتفه الاسباب ,,

يعني اختي احمدي ربج ,, انج تطلقتي والله يرزقج بالانسان اللي يعرف قيمتج ويقدرج ويدللج

اهم شي يكون انسان محافظ لفرضه ,, ولا تحاتي لنه الف من يتمناج ,, نقص واحد يستوي 999

والله يسهل لج اختي ,, لا تفكرين واكثري من الاستغفار ,, والله يحبج لنه اختبرج ,, وكل تأخيره فيها خيره

تقبلي مرووري ,,,,
X