لحظة وداعك عفت أنا الكون كله ..!!
ايه أعترف ماني على الكذب مجبور ..!!
دمع الغلا والحب ماهو مذله ..!!
وحكم الهوى يا صاحبي يقتل الشور ..!!
أبكت عيوني هالحياة الممله ..!!
حتى عماها الدمع وأصبحت مدثور ..!!
شفت الظلام وصرختي للأخله ..!!
ما بينهم غيري أنآ والرجاء نور ..!!
تهت بعذاب الغدر والصمت حله ..!!
كني يتيم ٍ بين الأقراب مأسور ..!!
يا هاجري حرامكم وش يحله ..؟!!
ضاقت تناهيد الوله داخل صدور ..!!
للوصل مله وللهجر الف مله ..!!
روف بحالي دام لك حس وشعور ..!!
كافي عذاب ٍ ثغر قلبي يبله ..!!
والمشكله مالي على البعد مقدور ..!!
كم لي اعاتب سيف هجرك واسله ..!!
وسيف الغلا يغرس لصدتك معذور ..!!
ايه اعترف بالحب دقه وجله ..!!
ايه اعترف ماني على الكذب مجبور ..!!
لحظة وداعك عفت أنا الكون كله ..!!
"أضحك وأنا من جور الأيام مقهور" ..!!