انا متملله متضايقة من حياتي ...

نور الدنيـا 11-11-2008 12 رد 948 مشاهدة
ن
هلا خواتي ... ماأعرف اشلون ابتدي مشكلتي بس انا وايــــــد متضايقة ومتملله من حياتي .. وألاً زوجي مايشتغل وانا اشتغل ودوامي من الساعه 7 إلى 3 ... وطبعا ما أتلاقى مع زوجي وايد ولا نطلع ودائماً هو متضايق ودايماً ايفكر في شغله والديون .. وحالتنا ... احاول اغير له الجو لكن مافي فايده .. احيانا يبيني اسهر معاه وانا اكون تعبانه آبي انام اكون مانمت عدل عشان ولدي وتعب الشغل وهو يتضايق إذا ما سهرت ... مانطلع إله نادر لأنه سيارته خربانه وبصراحه مافي ميزانيه عشان تصليحها وهو يطلع مع ربعه ... ما نتلاقا إله عالغدا والعشا هذا إذا ماراح رحلات مع ربعه ... شاسوي انا وايد متملله وحاسه حياتي سخيفه ممله ... شورو علي الله ايخليكم ويسعدكم ...
م
هلا بك أختي

أختي قعدة زوجك في البيت هي السبب...

لأنه حياتك قاعده تمشي بالعكس....و لذلك تحسي إنه في شيء فيها مش مزبوط...

حاولي إنتي و زوجك تبحثوا له عن عمل...شجعيه و خليكي وراه و معاه...شوفي موضوعي في ركن التوظيف و الوظائف إن شاء الله بيفيدك...

يعني خلي اللي يجعكم هو البحث عن وظيفه...و ما تنسي زوجك تعبان نفسيا...بس ما يبيّن...و يطلب منك إهتمام أكثر به...علشان يحس من داخله إنك لسه مؤمنه به و مؤمنه بأنه زوجك اللي قادر إنه يصرف عليكي...

معلش تعالي على نفسك شويه...و فضّي له من وقتك...و عامليه بحنان و طيبه...لحد ما تمرّ هذه الأزمه و يتوظف...و بيظل شايل لك هذا الجميل إن شاء الله
أ
الله يكون بعونج اختي نور الدنيا
طيب ليه يالغلا ما يدور وظيفه؟؟
وانتي حاولي قدر الامكان تسهرين معاه حتي لو تجلسين وتشوفين التلفزيون ونامي وانتي تشوفين التلفزيون
هاذا اللي عندي والله يسهل لكم ويسر اموركم ويفرج همكم ويرزقكم الرزق الحلال عاجلا غير اجل
ن
مشكوررين خواتي عالمرور والردود .. بس أحنا فعلا قدمنا في اكثر من مكان ولحد الآن الله ماكتب له ... أحاول إني اسهر معاه بس صج آتعب وايد ..
ض
مرموم;7713445:
هلا بك أختي

أختي قعدة زوجك في البيت هي السبب...

لأنه حياتك قاعده تمشي بالعكس....و لذلك تحسي إنه في شيء فيها مش مزبوط...

حاولي إنتي و زوجك تبحثوا له عن عمل...شجعيه و خليكي وراه و معاه...شوفي موضوعي في ركن التوظيف و الوظائف إن شاء الله بيفيدك...

يعني خلي اللي يجعكم هو البحث عن وظيفه...و ما تنسي زوجك تعبان نفسيا...بس ما يبيّن...و يطلب منك إهتمام أكثر به...علشان يحس من داخله إنك لسه مؤمنه به و مؤمنه بأنه زوجك اللي قادر إنه يصرف عليكي...

معلش تعالي على نفسك شويه...و فضّي له من وقتك...و عامليه بحنان و طيبه...لحد ما تمرّ هذه الأزمه و يتوظف...و بيظل شايل لك هذا الجميل إن شاء الله



كلام سليم والله يعينك ويفرج عليك ...
ق
الله يعينج والله

اناا بعد اقوول هو ملزووم يشتغل .. طبعا اكيد هو كان يشتغل بس لضرف مااا طلع من الشغل صح

انزين هو بعد لازم يقدرج يعني انتي تشتغلين وتصرفين وتتعبين ودوامج طويل

وبعد يبيج تسهرين

مو عنده الفتره من 5 ليييييييييييييييييين 10 او 11 بحكم انج ترجعين 3 ويبيلج شوي راحه ساعتين

حبكت على السهر يعني ..

عندكم الخميس والجمعه تقدرون تقضونهااا مع بعض

ان شالله تتحسن حياتج يالغلا

والله يوفقج ^^
s
اختي العزيزة
الله يعنيكم بس لازم تلاقي شغل لزوجك حتى يستطيع الخروج من جو المنزل وتكونين انت وياه تخرجون بنفس الوقت وترجعون بنفس الوقت الله يفرج همكم ويسهل اموركم
ن
مشكورين خواتي ... الله ايعينا .. هذاني احاول على قد ماأقدر وشوي هو صعب ايحصل له شغل لأنه من دوله خليجيه غير ... بس الله معانا ... والله أحاول أسهر معاه الخميس أو الجمعه إذا ماكان رايح رحله ..
ب
اممممممم الله يكون بعونج اختي

خله يقدم على وظيفه وانشاء الله بيلقي مواطن وما عنده وظيفه ما يصير

الاجانب اييون الخليج عشان يشتغلون والخليجي ما يشتغل!!!

الله ييسر امورج اختى ويفرج همج

ما عندكم حد من الاهل يقدر يساعده ابوج ولا اخوانج
م
الله يكون في عونكم ,,,,,,,,, و يارب يعينكم ويفرج كربتك
-
كثري .. من .. الدعاء .. والصلاه:)
ن
مشكورة أختي - سحابة حب -
-
ولو .. بس .. للاسف .. الحين .. كل .. الشباب .. نفس .. الشي
X