السلام عليكم ورحمة الله وبركاته
طلبتكم يا بنات جدة الله يرضى عليكم
ابغى اعرف افضل كوفيرة في جدة بس يكون سعرها منطقي الله يرضى عليكم
بنت خالتي ترشح لي
جاك
لمسات
سابيا
العناية الملكية
بس كلهم حوالين 2000 ريال :eek::eek::eek: ما ادري هي كل الاسعار كدا
باقي على زواجي 25 يوم
وماني عارفة كيف
انا في الرياض، وراح اطلع قبل الفرح بـ 4 ايام بس
:eek::eek::eek::eek::eek::eek::eek::eek::eek::eek::eek::eek::eek:
بالله ساعدوني
يا ريت ترشحوا لي كوفيرة من الاربعة
واذا تعرفوا وحدة كويسة تعطوني الاسم
والرقم على الخاص عشان ممنوغ
بس اذا في ارخص من كدا يكون حلو
:eek::eek::eek::eek::eek::eek::eek::eek::eek::eek:
شوفي في صالون اسمه صالون ميلاد هو صالون وفي نفس الوقت مشغل بصراحه اسعارهم حلوه جدااااااااا والله ماادري كم بالتحديد لكن اسعارهم افضل من اي كوافير غيرهم ,, وحتى مكياجهم وتساريحهم جناااااااااااااان بامانه ,, لو تعرفي سوق النجار قدامه الدانوب وجنبه سوبرماركت الطاسان والمشغل في اللفه اللي بينهم ,, يعني هو مايتوه ابدا وحتى بيعملو حاجات حلوه للعرايس منها دلكة جسم سواء لعروسه او لاي بسعر 300 ريال وبتكون 4 جلسات واللي بتعملها وحده سودانيه متخصصه ودي الدلكه بتنضف الجسم وتخليكي قشطه ,, يعني هتلاقي عندهم حاجات حلوه ,, لو حابه تعرفي الرقم قوليلي ياعسل وانا ابعتلك هو على الخاص ,, وربنا يوفقك ويسهلك انشاءلله ,,,
ما شاء الله
انا مشكلتي انو راح انزل قبل 4 ايام بس
عشان كدا ما في بروفة الا قبل الفرح بشوية
وقتها ما اقدر اغير الكوفيرة
بس يا ريت تعطيني رقمها
واجرب اكلمها
يمكن تضبط السالفة
تسلمي كلك ذوق
شفي ياقلبي انا اعرف كوافيره بس تجي للبيت شغلها مرررررة حلو ماشاءالله
ودائم احنا نجيبها للبيت وحتى في فرح اختي جبناها شغلها حلوو وناعم
اذا حابه رقمها ارسلك هوا وسعرها حلوو بس والله مو فاكره بس الحلو انو تجيكي للبيت وتخلصي بدري احسن من لطعات الكوافيرت واذا ماتعرفي احد ماتمشي....
والله يتمملك ع الف خير يارب
تاالا واياتي ممكن تبعتويلي الرقم علي الخاص لو سمحتم
تسلمي اختي اياتي
اتمنى ترسلي لي الرقم على الخاص
تشكري كلك ذوووق
انا عن نفسي ارشح صالون ريما شغلهم مررره حلو وسعره نفس الشي 2000 بس يستاهل
تخرجي من عندهم كأنك اميره..
ومايحتاج بروفا لانه بصراحه حلو ..
ومكانه في طريق الملك..
واسألي كل الناس تدلك عليه..
نوارة كمان روعة للعرايس مكياج عهود وشعر سناء انا اسوي عندهم وفيه عرايس من قرايبنا سووا عندهم
وسعرهم اعتقد اقل من الفين
روحي وانت مطمئنة وألف مبروك
رؤيتي;7763756:
انا عن نفسي ارشح صالون ريما شغلهم مررره حلو وسعره نفس الشي 2000 بس يستاهل
تخرجي من عندهم كأنك اميره..
ومايحتاج بروفا لانه بصراحه حلو ..
ومكانه في طريق الملك..
واسألي كل الناس تدلك عليه..
اهلا اختي
بنت خالتي قالت لي عليها
بس قالت انو كل الناس تروح لها، وصار الميك اب حقهم معروف للعرايس
نفس الشكل كل مرة
فانا خفت انو اروح هناك
اشكرك على اقتراحك
كلك ذووق
حنان2003;7765041:
نوارة كمان روعة للعرايس مكياج عهود وشعر سناء انا اسوي عندهم وفيه عرايس من قرايبنا سووا عندهم
وسعرهم اعتقد اقل من الفين
روحي وانت مطمئنة وألف مبروك
الله يبارك في حياتك يا رب
اشكرك على اقتراحك
وانا ان شاءا لله راح اروح مشغل ميلاد اللي دلتني عليه تالا
وان شاء الله يطلع شغلها حلو
والله اني رايحة بس على وصف الاخت تالا
وما راح اقدر اعمل بروفة بدري
بس ان شاء الله يكون كلو تمام
اشكركم اخواتي على اقتراحتكم
ما قصرتو
:D
دار المووضه ثم دار الموضه تم دار المووضه انا مجرربتهم كلهم زي دار الموضه مااااااااااااااااااااااااااااااااااااااااافي وخااصه ندا للمكيااج
اسمعي كلامي انا رحت في ملكتي وانشاءلله ببروحله بزواجي
مبدعييييييييييييييييين مكيااااااااااااااااااااااااااااااااااج نااااااااااااااااااااااااااااااااعم تحسي نفسك طبيبعه مافي تزيف بس بشكل حلو
سااابيا حلو ماعليه كلام بس دار الموضه افضل
بيت الفيصل;7783611:
دار المووضه ثم دار الموضه تم دار المووضه انا مجرربتهم كلهم زي دار الموضه مااااااااااااااااااااااااااااااااااااااااافي وخااصه ندا للمكيااج
اسمعي كلامي انا رحت في ملكتي وانشاءلله ببروحله بزواجي
مبدعييييييييييييييييين مكيااااااااااااااااااااااااااااااااااج نااااااااااااااااااااااااااااااااعم تحسي نفسك طبيبعه مافي تزيف بس بشكل حلو
سااابيا حلو ماعليه كلام بس دار الموضه افضل
هههههه المشكلة دفعت عربون خلاص
طيب هم بكم دار الموضة؟
نفس الشي 2000 وزياده 500 للتنظيفات
انا لانك عروس ولازم تطلعين مميزه ما انصحك الا بام شهد في جده شغلها جنان مره نايس وحلو وهي تخصص عرايس بس مره حلو عملت لقريباتي في يوم زواجهم وكانو يهبلون مره حلوين
وكل عرايس العيله عندها وراح تدعيلي شغلها مميز وراقي افكارها مره حلوه في تركيب الطرحه واكسسوار التسريحه للعروسه
ام شهد تجهيز عرايس جده
اختى منة سنتر يمدحوة كمان ولوتشي باتشي اللي في التحلية الله يبارك لك
نبغى نعرف فين رحتي ياسحاب ,,
أنا في فرحي رحت للمسات
أخدت بكج العروسه اسمو لمسات شامل
والله شغلهم يجنن ,,