جرح الولادة الطبيعية - منتديات عروس

ع

عــروسة

عروس جديدة

10-11-2008 | 11:08 AM

السلام عليكم حبيباتي الحوامل .. الله يسهل عليكم يارب وتشوفوا أطفالكم سليمين مكتملين معافين يااااارب ..

أنا ولدت من شهر ولسه ماكملت الأربعين .. بس جرح الولادة لحد الحين أحس فيه بحرقان بالذات مع الحركة الكثيرة .. مع العلم اني شديدة الإهتمام والنظافة فيه واستخدم الكريمات اللي وصفتها لي الدكتورة بإنتظام واتنقع بماء وملح واستخدم المرة لتطهير الجرح والغسول المهبلي ..

وبعد فيه شي ثاني .. وقت التبول أعزكم الله أحس بشد فظيع في منطقة الفرج كلها .. حتى عضلة البظر تألمني وتشد علي .. أبي أعرف أيش أسباب الشد هذا .. :ss:

هل هو بسبب الدفع أثناء الولادة ؟؟
أو يمكن يكون صار عندي هبوط في الأعضاء التناسلية لا سمح الله ؟؟ :(
أو يمكن لأن المنطقة كلها تحتاج وقت حتى تتشافى من الولادة عشان كذا أحس بالشد ؟؟

أتمنى تفيدوني بالتفصيل الله يعطيكم العافية .. واللي عندها خبرة لا تبخل علي فيها ..
ترى أنا بكر وهذه أول ولادة لي .. أنتظر ردودكم والله لا يحرمني منكم .. :)

م

مشاعر قطر

عروس نشيطة

10-11-2008 | 11:32 AM

هلا اختي عشان يخف عنج الم الجرح كل ليله ادهني بزيت زيتون شوي وعندج بعد مرهم ميبو للحروق روووعة ووايد بترتاحين عليه ..

لأن الملح والمرة تنشف المنطقة فتنشد وتحسين بألم فلازم ترطبينها شوي ..

وعادي فديتج بيخف اللأم بعد الاربعين ..

ن

نجــــد

عروس ماسية

10-11-2008 | 11:37 AM

انشالله مافيك الا الخير
انا الحين كملت 32 يوم وامس طاح اخر خيط ( العقده ) ام الخيوط الباقيه فطاحت من اول 3 اسابيع
حتى عضلة البظر تألمني وتشد علي .. أبي أعرف أيش أسباب الشد هذا ..
وبالنسبه للالم انا احس برضوه فية بس قلت يمكن من الولادة لاانه بحالتي حطوا لي قسطره بول ..
وانشالله البنات يفيدونك بعد ,,
الله يسهل عليك يارب ويقومك بالسلامة ......

.

..★شـــااانيل★..

مشرفة سابقة

10-11-2008 | 12:10 PM

حبيبتي

استشيري دكتورتك شوفي ايش تقولج

الله يطمن قلبج

j

joojoo.sweet

عروس ماسية

10-11-2008 | 12:39 PM

الأفضل انك تستشيرين طبيبتك ...

والله يعااافيك أن شاءالله ويشافيك

أ

أم لمار111

عروس مشاركة

10-11-2008 | 01:15 PM

ايوه الله يسعدك حبيبتي انا كمان على وشك ولادة وكنت خايفة مني عارفة ايش اسوي

ع

عــروسة

عروس جديدة

11-11-2008 | 12:16 PM

شكرا لكم حبيباتي .. لكن انا استشرتها وكشفت على الجرح وقالت لي بالمصري : جرحك زي الفل .. قلت في خاطري شلون زي الفل وانا احسه يحرقني
ع العموم الله يعين قلبي ع الالم والشد والله ماني عارفة راح اطيب منه او راح يطول معاي