أبـعـد مصير

أبعد مصير


لا تقولي ( مـات حبك ) حبنا تـــوّه صغير
--------- ولا تقولي : انتهينا قولي : صبــري انتــهى
باقي بعزمي أكابـر ليــن أنفاسي تطيــر
---------وعين هـ الذكرى تناظر كل لحـظة عشتـها!
ما أوقّف ليـن أوصـل غايـتي رغـم الكثير
---------و لـ تراخيت اسنديني بضحكةٍ لـو شفتـها :
أترك الناس و أرحل ... بين عشب وغـديـر!
--------------و أعــذر القلب دامـه فـي عيونك إلتـها
سحر و إحساس و أناقة حسن أبد .. ماله نظير
-----شمس ... لا بانت تخلي .... كل شيءٍ ... تحتها
ودّي أوصل لك وأضمّك وأهجر الحزن الكبير
---------من ليالٍ ماضياتٍ ... في هجيرك ........ بتها
لو لـوت يدّي سنيني ما أبـدّل بك .. عشير
--------ولو هي خانتني المحبة .. ضحكتك مـا خنتها
ولو هي تطويني همومي بحضنها .. مثل الصغير
--------------ولو مسافات دربك .... أبعدت مـا عفتها
إنتي .. يا أول طريقي و إنتي .. يا أبعد مصير
---------و إنتي يا دانـه ثمينة ... في عيــوني صنتها
النهاية ... لو يأسنا و التلاقي .. مــا يصير
---------( يا بعد كل القوافي ) ... غير باللي قلتها !!!


و سلامتكم

أخوكم

أبو ناصر