استفتاء...هل ممكن للمرأة في فترة النفاس ..ان تخدم نفسها بدون مساعدة

بالنسبة للنفاس عن تجربتي الشخصية ببكري ضليت شهرين بيت الوالدة وماكنت اقدر اسوي شي بروحي امي تطبخ لي ويجودون عني بنتي ويسبحونها ويبدلونها بالذات اول 10 ايام مااتحرك مع الحلم اني والدة طبيعي

بالنسبة للعطور والبخور اتمنى البنات يفيدونج

هل تستطيع للمرأة ان تخدم نفسها ...بدون اي مساعدة في فترة النفاس
اي تكون في بيتها ..وليس لديها أحد يساعدها
هل ستكون لديها القدرة و خاصة انها بكرية ( اول ولادة لها)

والله مااظن وحده بكريه تقدر تخدم نفسها بنفسها


عن نفسي قعدت 47 يوم ببكري

واللحين حامل لكن ماناويه اطول

لان عرفت للبيبيز

بقعد ان شاء الله اسبوعين او3 اسابيع لين مااسترجع طاقتي وراح ارجع ان شاء الله

والبخور والعطور ماادري والله

أنا قعدت 10 أيام تقريبا عند الماما

بس كنت بخدم نفسي 95% من الوقت ... بس على الأقل افتكيت من الغسيل والطبخ

وللعلم أنا والدة قيصري وهذا ابني البكري

انا في الولادتين خدمت نفسي بنفسي مااقولك يمكن فيه مساعدة قليلة في الولادة الاولى
اما الولادة الثانية قيصرية واني اللي خدمت نفسي تنظيف وغسال ثياب وغيره لكن ماانكر لك ان هذا كله طلع علي بعد الاربعين صابني الم ظهر مااقدر اتحرك منه

انا من رأي لاااااازم وضروري احد يعتني فيك لان الولادة مو شئ بسيط وبتطلع

عليك يالوحدة بعدين أقل شئ راااحة 3 اسابيع وبعدين الوحدة تبدأ بالتدريج شوي شوي ترجع تعتمد على نفسها

بالنسبه للعطور والبخور الوالده هي اللي بترتبهم الله يخليهااا لناا ان شاءالله

صراحة صعب الشغل وااعتماد على النفس وقت النفاس
عن نفسي مستحيييييييييل
على الاقل 15 الى 20 يوم احد يطبخ لك ويغسل الملابس
اما البيبي الله يعينك علية
هو التحميم والتلبيس ولا الباقي من رضاعة وعناية باليل عليك
واذا كنتي تعتنين بالبيبي صعععب تصحين ثان يوم تخدمين نفسك بفطور وغدا وعشا
الا في حالة وحدة
يكون الزوج متفهم يودي الملابس للمغسلة ويجيب اكل كل يوم
وياجر لك شغالة بالشهر
اما لحالك صعععععععععب
ولا بعد الاربعين بتااااااااااكلينها من كل صوب

شكرا على ابدأ الرأي

ما اتوقع تقر الوحدة تخدم نفسها وبيتها بروحها




خصوصا اذا كان في البلد يعني الزيارات ما تخلص

اما اذا كانت مغتربة عادي جدا

مشكورة أختي

ولكن بعدني أسأل

بالنسبة للعطور و البخور المناسبة لزيارات الأهل في فترة النفاس

محد جاوبني

وبارك الرحمن فيكن

يعتمد على كثر خبرتج في رعاية الاطفال اقصد عيال اخوانج خواتج او او او...
بس انا افضل تكون نصف المرحلة للنفاس عند الوالدة يكون افضل لانج بتحتاجين راحة من بعد الولادة وجرح الولادة ورعاية البيبي وقتج بيكون قصير والشغل كثير...عارفة قصدي

وتمنياتي لج بأمومة سعيدة ياقلبي

مشكورة أختي
وعسى خير

انا شايلة الهم من الان ما عارفة اهلي حيقدرو يجوني ولا لا

انا ما جربت بعدني .. بس ماعتقد اني اقدر بدون امي وخواتي ... يعني عالاقل اول 10 ايام ..

انا اتوقع النفاس ماتقدر تخدم نفسها ابدا والله يعينا وصراحه موضوعك خوفني << لانها يمكن تعتني في نفسها

الله يعين

المهم عن العطور بحاول اساعدك فيها يبيلك تروحين تشترين دهن الي هو احسن من البخاخ بواجد ويقعد مده اطول اما عن الزيوت يبيلك انتي وذوقك ومزانيتك يعني تفرين السوق اذا القرشي نفسه تلقين عنده اشيا رخيصه نص توله ربع توله وراح تلقين علب كشخه رخيصه حطيها فيها

اما الدخون مانصحك لان الطفل راح يختنق او راح يجييه الربو منه يعني مانصحك وحتى العين ماراح تسلمين منها يعني كل من دخل عليك راح يقول كلمه طلعت من ثمها يمكن تطيج فيها عين مثل ((ماكانها غرفه نفاس ))

وطبعا الطفل قد ماتقدرين تبعدينه عن العطورات والدهونات لان لها اضرار في المستقبل
والله يهون عليك يارب

بارك الله فيكم

اخواتي العزيزات

مازلت استفسر ..عن تنسيق البخور للضيوف كيف

وبارك الله فيكم