هدنة لكى ولزوجك من ضغوط التأخر ف الحمل-هديتى

noga2472007;7689006:
حبيباتى .. وحشتونى
أنا وعدتكم ب 3 مواضيع هدية لقسم المتأخرات عن الحمل أول ما أتعافى وأخرج م المستشفى وأنا أنهاردة هبدأ بأول هدية وأسمحولى هى تمهيد لباقى المواضيع لأن موضوعى القادم هنتكلم فيه عن طريقة جديدة للحمل عرفتها عن طريق بدوية من سيناء وهى لم تعرض من قبل فى أى منتدى وأعتقد أنه لا يعرفها كثيرون ..

والآن دعونى أتقدم لكم بهديتى البسيطة المتواضعة من تنفيذى ومجهودى بالكامل لأحلى بنات فى عروس وهى فكرتها بسيطة ولكن هدفها غالى جدا حيث أنك بها سترفعى عن كاهلك وكاهل زوجك عناء واجهاد كبير وأسترس واقع على كل حد فيكم بسبب مشاكل تأخر الحمل والعلاجات والحقن والدكاترة وخلافه وده هتنفذيه فى يوم تنعمى فيه أنت وزوجك بلحظات سعيدة وتفكير هادىء وسكون بعيدا عن كل ما ذكرت سابقا

ولى رجاء الى المشرفات بعدم نقل الموضوع حيث أنه هدية متواضعة منى وعدت بها أخوانى فى قسم المتأخرات عن الحمل ..
ودلوقتى هبطل رغى وأقولكم الموضوع عبارة عن أيه ؟

عشــــــــــــــــــــــاء خفيف ببوكيه ورد (r):9_28:

بتقولوا أيه المجنونة دى طيب شوفوا البوكيه ده ( فى المرفقات ) أصلى حاولت أنزل الصور غريب أوى مش عارفة ومش عارفة أتصرف أزاى فعملت كده من المرفقات أتحملوا وياريت يظهروا بأه وتعرفوا تشوفوا الصور ولو ما ظهرت ياريت اللى تعرف تساعدنى تقولى أعمل أيه لأنى عملتهم من مركز رفع الملفات وأتحملت الصور لكن ما ظهرتش فى الموضوع وانا بكتب

المهم ...

البوكيه ده ينفع تعمليه مفاجأة لزوجك بعد يوم عناء وتعب شاق يكون عشاء خفيف بينكم وممكن كمان تعمليه لأطفال لو عندك أطفال هيفرحوا بيه أوى وكمان هتشجعيهم على الأكل وممكن كمان تعمليه ف عزومة كأنه أورد يفر أو تقدميه ف أى مناسبة
البوكيه أنا عملته لجوزى يوم .... من الفاكهة والخضار على شكل بوكيه ورد وحطيته على سرفيس فضة يكون مستطيل أو بيضاوى المهم يكون أكبر من حجم البوكيه علشان بعد ما تخلصى عمل البوكيه هتحطيه ورا فى أخر السرفيس وأمام البوكيه هتفرشى مفرش صغير دانتيل من اللى بيتحط تحت التورتة أو الحلويات ولو ما فيش حطى ورق فويل وهتفرشى علية بطريقة دائرية أو ترصى بالشكل اللى يعجبك شرائح من الجبنة الرومى وشرائح من اللانشون بالفراخ أو باللحمة أو بالزيتون زى ما تحبوه وكمان شرائح من اللحم البارد وشرائح من البسطرمة ( وطبعا دى كلها اختيارات ) انتى ممكن تحطى زى ما تحبى ومعاهم شرائح من التوست وطبعا هترصيهم بطريقة شيك وممكن على جنب أو ركن ف السرفيس هتحطى البروكلى ومعاه شوية زيتون مخلل
ده أزاى تقدمى البوكيه أزاى بأه تنفذيه ياللا تعالوا معايا بس أعذرونى ف موضوع الصور لأنى مش خبيرة أوى فى وضع الصور مع الموضوع

أول حاجة هنجهزها هو الكرنب الصغير أو الملفوف بالخليجى

استيكس أى أعواد الخشب اللى بنعمل عليها الشيش طاووق

يوسفى وموز وفراولة وبلح وطماطم شيرى الصغيرة أوى وتفاح ممكن أحمر وممكن أخضر وخيار وفلفل رومى أحمر وممكن أخضر وحرنكش ( دى نوع م الفاكهة عندنا ف مصر مش عارفة اسمها أيه فى أى مكان تانى ) ولو مش موجودة مش مهم أستعملى بدالها عنب أبيض وأحمر
طبعا أنا كتبت كل الفاكهة ورا بعض لأنى مش عارفة أنزل الصور لكن هنزلها فى المرفقلات

حبايبى أنا هجرب دلوقتى أنزلكم الموضوع علشان أشوف شكله طالع أزاى وبعدين أكملكم باقى المكونات والصور لو طلعت وأزاى الطريقة للتنفيذ

وأرجوكم بجد أعذرونى أختكم فجأة بقيت لايصة هههههههه:21_184: ومحتاسة بس والله كان نفسى أنزلكم الموضوع بشكل حلو عموما هحاول وأن شاء الله يعجبكم .. خليكوا معايا

عاشقة الهدوء;7689311:
الف شكر مجهود رائع وهديه اروع بحاول انفذها بس بشكل مبسط عن كذا

يارب يرزقك ويرزقنه كل خير