على اسم امي ؟؟

أم عزوز001 09-11-2008 58 رد 5,793 مشاهدة
أ
على اسم أمي مزنه ...!

عندما دخل الاستراحة قام أصحابه يباركون له بالمولدة الجديدة .
فكان من الأدب أن أبارك له , فكما سمعت أنها المولود الأولى , وكان فرحان جدا .
فبدا الحديث يدور حول استقبال الخبر و كميت الفرحة والأسماء .....
إلى أن عكرت حديثهم بسؤال ؟
وش سميت العروسه ؟
مزنه !
أنا : نعم ! مزنه ! ليش ؟
هو : كيف ليش ؟ اسم أمي !
أنا : طيب أمك على العين والرأس, هي وش دخلها؟
تظلمها بالاسم ! ممكن تضر البنت على حساب اسم .
هو : يا أخ أقولك أمي ما تفهم أغلى من بنتي , وأنا
أبي أفرح أمي وتحس في برّي لها .
أنا : أنا ما أكلمك عن الحب , أنا أكلمك عن ظلم إنسانه
فما بالك أنها ابنتك . وبعدين تفرحها عل حساب وحدة
ما تقدر تتدافع عن نفسه . وبعدين أمك تفهم اشرح
لها الوضع .
هو : أنت تقول بنتك يعني بصريح العبارة وش دخلك !
وإذا ما سكت ابخلي المجلس لك .
طبعا أنا ضيف فقلت أسف يا جماعه عندي موعد .
سلام عليكم .
منقوووله
انتم الله يخليكم أبي رأيكم بصراحة ,,,,
هل تسمين ع اسم ام او اب زوجك مهما كان الأسم؟؟؟
او
دعوووووه للنقاش
ا
بالنسبة لي نو وااااي
أ
reddish;7687660:
بالنسبة لي نو وااااي



وااااااااي؟؟؟
كل وحده تكتب لنا اسبابها ممكن؟؟
أ
عن نفسي
عزوز ع اسم جده
(من قدي اسمي ع اسم جدي)
n
السلام عليكم
انا ممكن اسمي علي اسم حماتي لان اسمها فاطمه وده طبعا علي اسم ابته الرسول عليه الصلاه والسلام لكن لو كان اسمها اسم تاني فا مش ضروري اسمي باسمها
لكن انا عايزه افهم معني الاسم الي انت جايبها ده وشكرا علي الموضوع الجميل ده
ا
اذا كان الاسم حلووو ممكن اسمي وممكن على حسب طيبها معي احتمال ضئيل اسمي يعني على حسب تقبل الاسم وتفهم الشخص نفسه
ا
اسم مزنه معناه السحابة مزن يعني السحاب
أ
ايسمار;7687872:
اسم مزنه معناه السحابة مزن يعني السحاب


مشكوره ع الشرح
سبقتيني
ا
موضوع مهم الصراحه
وانا اعاني منه

ام زوجي اسمها حلو بس قديم شوي و ابو زوجي اسمه قدييييييييييييييم جدا
وزوجي مصرر لو جانا ولد يسميه على والده وانا رفضت الفكره تماما لاني حسيت فيها ظلم

وسبحان الله يوم حسيت بالقهر و انا حامل زوجي قال لو ولد باسميه على الواد واختنقت عبره ودعيت يارب اجيب بنت حتى افتك من الموضوع
والحمدلله جبت بنت وسميتها بالاسم اللي يعجبني
والله يستر من الجايات هالمره ربي نجدني الله يستر المره الجايه لو جاني ولد

وان شاء الله بادعي ان الفكره تتغير عند زوجي لاني ما احب المشاكل بسبب الاسامي
فاعتقد انها فرحه والمفروض تكتمل عند الاهل وماله داعي الاختلافات والمشاكل
مشكوره اختي ام عزوز علاموضوع ويخليلك عزوز وياليت ابو زوجي اسمي عبد العزيز كان سميتهه وانا رااااضيه وفرحانه
موفقين
!
فكرة جديدة للموضوع الرائع اختي .. اشكرك !


طبعا انا ضد !


لما يكون اسم الام او الاب حلو ، لكن مو مستحبب او حسن بزماننا .. خطأ نختاره لعيالنا عشان انه اسم والدينا !


الحين البر بالوالدين ما يصير الا بتسمية العيال ؟؟


من حقوق الابناء على والدينهم هو اختيار الاسم الحسن لهم .. و فيه حديث ما يخطر لي الحين حتى اكتبه بس أكيد الكل يعرفه !


اسم امي حلووو و لين الحين يتسمى عليه و يناسب كبار و صغار ، عاد لما عرف اخوي انه راح يجيه بنتين توم ماشاء الله قرر تكون وحدة منهم على اسم امي و الثاني على اسم جدتها من امها ، و امي تضايقت و طلبت منه يغيره او ع الاقل يغير صيغته و هو أصر و احنا بعد لأنه الاسم حلو و يناسب البنوتات الصغار !


اما اسم الوالد الله يرحمه فهو اسم مركب ، يعني يتكون من ( محمد و ... اسم ثاني ) قبل شهر اختي ولدت ماشاء الله و جابت ولد سمته على اسمه و الكل عاجبه و مستانسين عشان الاسم لانه قليييل يسمونه ! يعني ابوي الوحيد بديرتنا اسمه جذي .. !


و بالنهاية فعلا على الاباء و الامهات الاهتمام بإسم الطفل .. !
!
اريــج بصراحة ضحكتيني !

و ذكرتيني باختي لما كانت حامل بولدها الثاني قرر زوجها انه يسمي ولده على اسم ابوه ( عبدالله ) طبعا خير الاسماء ما حمد و عبد ، بس صاير الاسم كبير على طفل !

و هي كلش مو حابة ، و لما عرفت انا انصدمت هههههه و بنت خالتي كانت على طول تقول لها اقنعيه يغير !


الحين تعودنا عالاسم و بصراحة حلووو و طايح على الولد و اكثر شي نناديه عبوود ! وولدي ينادي عليه عبوك .. !
أ
مشكووووورات ع تفاااعلكن
انا بولدي الثاني قلت لوكان بنت بسميها ع اسم ام زوجي مع بعض التحريف
وجا ولد وسمااه ابوه
ج
موضوعك حلو ام عزوز

انا ضد الموضوع اذا كان الاسم مو حلو او قديم مره مستحيل اعقد عيالي باسمائهم
انا عني متفقه مع زوجي البنات انا اسميهم (الحمد لله لان اسم ام زوجي مره مره مو حلو ) والاولاد هو يسميهم ( الحمد لله لان اسم ابوه فيصل وسمينا فيصل الاسم حلو والباقي اكيد بيكونوا احلى )
ع

مشكــووورة أم عـزوز ع الموضــوع

أنـا عانيــت من هالموضـــوع أنا وزوجي اتفقنـا نسمي ولدنـا اسم
بس لما ولدت ابــوه طلب منه يسميــه على اســمه " سليمان "
بالأول ما اقتنعــت وكنت أصيــح لاني حسيت الاسم كبير...
بس الحين تعــودت ع الاسـم...
بس حلفت زوجي اذا حملت أنا الي اسمي اولادي
لا ابوه ولا أخوه يتدخلوا...
أ
وهذا اللي حصل معي
كنا طول الحمل نسمي الولد نواف ولما ولدت قالت ام زوجي لازم تسميه ع اسم ابوك صراحه مااعترضت
بس طابت نفسي من الأسم في الثاني وسميناه بندر
.
لا تكبرون المسأله

صار عندي قناعه تامه مهما أعترضنا على الأسم ولا دورنا سبحان الله يطلع الأسم فجأه ويكون راكب على المولود
المهم طيب النفوس بين الأم والأهل

بنتي الكبيره على أسم جدة أبوها تخيلو جدها طلبني يسميها على أمه ووافقت من طيبته ما قدرت أرده وقلت له هي بنتك قبل لاتصير بنتي وما تتصورون شقد كبرت في عين أهل زوجي والأهم زوجي
وصلوح على جده أبو زوجي وهو كان رافض أحد يسمي عليه قبل وفاته أستأذنته أسمي على أسمه أذا جاني ولد وسميته وكنت سعيده بموافقته مع أن الأسم كبير وأخوان زوجي أولادهم الكبار أسماؤهم حلوه
لمعلوماتكم بس حمودي أنا مسميته
أم عزوز أنتي عارفه الأحداث .................. الكلام للعرايس خخخخخخخخخخ
الأسم ماراح يودي ولا يجيب ولا بر بالوالدين
لكن طيبة خاطر وتبينين لهم مدى معزتهم عندك وذكرى للزوج من أهله
أذا الأسم موحلو مره ممكن نطيب خاطر الأم أو الأب أنه يختار أسم ثاني للمولود
أ
تسلمي لي ام صلووووح
نسيتي بنوتك الثانيه ولا شايلتها من القائمه؟؟
الوالد هو مسميها(ابوي انا وام صلوح)يعني جد البنت
ر
بالنسبه الي اسماء اجداد اولادي مو قديمه لكن ما حبيت الاسماء


فلما قال زوجي بسمي على اسم ابوه تكلمت معاه واقتنع مع انه في البدايه كان معند علشان اخوانه كلهم سمو هو ليش ما يسمس


لكن تفهم وجهة نظري واقتنع
ر
ام صلوح ياعيني عليكي وعلى طيبتك شكلك مثل العسل


الله يحفظ اعيالك من كل سوء ويبلغك فيهم يارب
ا
هلا أم عزوز ... عبدالعزيز من أحلى الأسماء عندي بس تخيلي لو أسم ابوه حبيب و لا جميل و لا مراد مثلا مستحييييييل أرضه لأن ما ياعجبني كلش ....
X