آلامي مستمره والسبب خيانه قديمه والحل كيف انسى ؟

السلام عليكم

اتمنى اي احد عنجه نصيحه ينصحني ..

انا متزوجه من انسان احبه ويحبني لحد الجنون ..

اكتشفت ان قبل مانتزوج كان يكلم بنت جيرانهم في الماسنجر فقط ..

مع اني كنت احبه قبل مانتزوج وهو يحبني وبينا عهد انا نتزوج وماحد يخون الثاني:(

لما عقدنا عقد الزواج كان من فتره انقطع مايكلمها .. بس ظلت المراره بداخلي

كل مره انجرح منه حتى لو كان هالجرح من شي ثاني غير الخيانه اتذكر واتألم

واحس بقلبي يتقطع .. حتى لما يضمني اتذكر واتألم ..

والحل ياناس ابغى انسى زوجي يحبني ويموت فيني .. يعشق ترابي

بس الي سواها مو قادره انساه احس اني اموت كل مااتذكر

زوجي ومااتمنى انه كلم غيري :16:

المشكله ان هالبنت اعرفها واشوفها احيانا .. علاقتهم كانت مجرد كلام ماسنجر ورسايل

ع الايميل ..

انا عندي باسوورد الايميل واعرف ايميلها وشفت رسايلهم وهالشي الي مخليني ماانسى

لا ليل ولا نهار.. حتى اني تجرأت وكلمتها من ايميله على اني اهو .. ومااستفدت شي

غير الفضول الي قاتلني وغير الجروح الي تتفتح ..

ابغى زوجي يكون لي وحدي .. انا اغار عليه حتى من اهله شسوي

ماابغى اخرب بيتي .. ماابغى اخسر زوجي

من كثر حبي له اخاف افتح معاه الموضوع لانه يكره نفسه ويتعب ويمرض

لدرجة اني لما فتحت وياه الموضوع يومين وانا الي راضيته بعد .. لانه كره نفسه وتعبت

نفسيته انا ماارضى عليه ولاابغى يصير له شي بس بداخلي الم مو قادره اخبيه

ولاعارفه وين اطلعه ..

ودي اعاتبه واقوله ليش ؟

ودي اعرف ليش نزل نفسه علشان بس يلعب لييييييييييش :confused:

ساعدوني

انا صرت اشك ان عنده ايميلات ثانيه . معذوره اشك لان هذا كشفته بالصدفه

تعبانه ع الاخر .. ابغى اعيش حياتي بدون جروح .. الحب الي عندي يعيشنا العمر كله

مرتاحين بس الخيانه شي مايتنسى بسهوله

حتى لما اطالع فيه اتذكر وتشتعل بداخلي نيراااااااااااان الغيره

عطوني حل

وصلوا على محمد وآل محمد