شفتو الالتصاقات وبطانة الرحم وصلونى لأيه؟؟

بسم الله الرحمن الرحيم

حبايبى وأخوتى بنات عروس قبل أن أبدأ بموضوعى عايزة أشكر كل واحدة دعت ليا من قلبها وكل واحدة فكرت فيا لأن فعلا تأثرت حالتى وتحسنت وفى تحسن بأذن الله بسبب دعواتكم ليا والسبب الأول طبعا بفضل الله عز وجل ,.

وموضوعى أنا بكتيه أنهاردة علشان كل واحدة تقرأه تستفيد من اللى حصلى وتنبه نفسها أو أى حد تعرفه بالأخطاء اللى أنا وقعت فيها ويارب يحفظكم من كل مكروه ويرزقكم بالذرية الصالحة

ومواضيعى الثلاثة اللى وعدتكم بيها بجهز الصور وأن شاء الله هنزلها قريبا

تعرفون أو يعرف معظمكم أن سبب عدم حملى هو وجود التصاقات بالحوض بسبب الجراحة التى أجراها لى طبيب ( حسبى الله ونعم الوكيل ) من 8 سنوات وكان عندى تكيس وبدل من أن يسحب الكيس بالمنظار عمل لى جراحة فتح بطن زى القيصرية ( ودى أول غلطة ليا أنى ما سألت وقتها أكتر من دكتور وما كنت فاهمة يعنى أيه تكيس وما كلفت نفسى بالبحث ) وطبعا ده لأنى كنت وقتها وحيدة ما فى حد أسأله ولا يقف جنبى أهلى مو موجودين كانوا مسافرين كلهم وزوجى لا يفهم شىء قالوا له عملية قال ماشى وكانت أول سنة لى بالزواج .

المهم بعد الجراحة جاتلى التصاقات وبعدين أصبحت شديدة وأطلقوا عليها الدكاترة التصاقات فريزن من شدتها , وطبعا مشيت ف سكة العلاجات كلها بحذافيرها زى ما أغلبكم مشى فيها ومريت ب أكتر من 60 دكتور المشهور واللى مش مشهور والكبير والصغير كل ما حد كان يقولى عن دكتور ألهث واروح وأقول لنفسى لعل وعسى وكل واحد منهم يجرب فيا علاج بطريقته من منشطات وأبر تفجيرية وخلافه وتخيلوا بأه كل لحظة من حرق الدم والتفكير والألم ومحاولة تظبيط الوقت اللى أنام فيه مع زوجى بعد الحقنة التفجيرية زى ما الدكتور بيقول ويجى الوقت ده وتحصل مهاوشة أو خناقة وأفضل أدادى وف الآخر لا يحصل شىء وتنفجر الآبرة مع نفسها هههههههههه وأفضل ألف حوالين نفسى وأكلم الحيطان والسرير والدولاب :sm215: , وفضلت يا أخوانى مابين الدكاترة والأشعات والتحاليل وفى أثناء ده طلبوا منى طبعا عملية منظار علشان يفكوا الالتصاقات وقلت أوكيه والمرة دى سألت دكاترة كتير وقالوا لأ دى بتفيدك جدا ده فيه ناس بتحمل بعد العملية دى فورا وهو ده حلك الوحيد عملت أستخارة ونمت وأشوف ف الحلم مين سيدنا محمد عليه أفضل الصلاة وشهقت من جمال هيئته وهو جايلى ينقذنى من شىء وقالى أمسكى بظهرى فأنا أستحيت والله قلت أيدى أنا الحقيرة دى تلمس جسده الشريف وقالى أمسكى بظهرى فمسكت بعبايته فقط ونزلنى من المكان اللى أنا فيه المهم بحكى لكم الحلم بالتفصيل بعدين , أسنبشرت خير وقلت بعمل المنظار مع أنى مش عارفة أوصف لكم دخول غرفة العمليات مرعب أد أيه

وعملت العملية وخرجت ها يا دكاترة قالوا الالتصاقات شديدة ولا عارفين نفك منها حاجة وأنت عندك أندومتريوزس يعنى داء بطانة الرحم يعنى أكياس بتتكون مملوءة دم على حسب ما قالولى وده كمان بيزود الالتصاقات أكتر طيب أعمل أيه أنا قالوا ما أمامك سوى عملية طفل أنابيب قلت خير وسلمت أمرى لله عز وجل وأرتحت شوية شهرين كده وحاولت أقنع زوجى بطفل الأنابيب ده ورفض رفضا باتا ومن النار اللى كانت مولعة ف قلبى وصدرى ما كنت عارفة أروح فين ولا أجرى فين ( ودى كانت غلطة تانية لأنى وقتها ما تنبهت للحلم وبرؤية رسول الله عليه الصلاة والسلام وأتلهيت بأمور الدنيا وكل تفكيرى الحمل وبس وبجرى ف الدنيا أيوة بصلى وأيوة بقرأ القرأن لكن صلاة متأخرة عن وقتها ولاهية عن ذكر الله ومشغولة بحالى) - لا اله الا الله سامحنى يارب
ومشيت تانى أروح لدكاترة وقلت أحاول تانى يمكن كل اللى فات غلط ورجعت تانى منشطات وخلافه لحد ما مر سنتين على المنظار الأول وقابلت دكتور أقنعنى أعملى منظار تانى لعل وعسى يكون فيه حل وقلت لنفسى وأيه يعنى بجملة اللى بعمله وكده كده خربانة ياللا يا صابت يا خابت وسبحانك يارب له ف ذلك حكم وما فهمت حكمته للآن أنى أشوف زى المرة اللى فاتت وبرضه قبل عملية المنظار رؤية فيها الرسول عليه الصلاة والسلام تانى وكان واقف عند جبل أحد وجريت عليه أعشق أشوفه وكل ما أقرب يظهر ليا من جانب وأقرب له يختفى ويظهر فى الجانب التانى أروح له يختفى ويظهر تانى وهكذا لحد ما لقيتنى بصعد جبل أحد ( مع أنى عمرى ما سافرت السعودية ) المهم ما أنتبهت للرؤية ومشيت فى طريقة والمرة دى مرعوبة أه من غرفة العمليات بس خلالالالالالالالالاص الأخت أصبحت خبيرة :21_129:

[COLOR=darkorchid]وطبعا تقرير المنظار التانى زى المنظار الأول بس أصعب أكتر ف حاجة أن الدكاترة قالوا للأسف الالتصاقات زادت فى البطن والحوض وأصبح كل حاجة ملزقة فى بعضها قلت له كيف يعنى مش فاهمة قالى شفتى الفرخة لما بتفتحيها من جوه وتيجى تنظفيها مش بتلاقى كل حاجة جوا بطنها ملزقة ف بعضها أنت كده زيها ههههههههههه زى الفرخة يعنى :21_177: هههههههههه وهم يبكى وهم يضحك وشوفوا ده كله خلال ال 8 سنوات وكنت وقتها يجينى البريود ومعاه مغص فظيع أستغرب أنه بييجى فوق ف القولون وأسأل وأقول كيف يا ناس مغص البريود بيجى تحت ليه بيجينى أنا فوق ف القولون وبيكون رهيييييييييييييب والله ربنا يحفظكم , وروحت المرة دى للدكاترة علشان المغص وقالوا بطانة الرحم والأكياس اللى بتتكون طيب أعمل أيه قالوا فيه كيس دم كبير ونخاف ينفجر فيكى ياللا عملية والمرة دى أنا دخلت غرفة العمليات على رجليا وقبل الدكاترة خلالالاص يا ناس عرفت طريقى , وشالوا الكيس الحمد لله وفعلا بعدها أرتحت من مغص البريود وكمان ف علاقتى بزوجى وبعد كده لاحظت كل ما حاجة تخلينى مهمومة أو أتضايق أو أحزن بيجينى مغص شديد جدا ف القولون برضه بس يفضل موجود معايا 3 أيام بالتمام ولا أكل ولا شرب أتلوى وأنا حاضنة نفسى ف الأرض وصراخ وتقطيع فى بطنى والله مهما قلت من كلام لن أقدر أوصف كيف تكون ألامه ولا يؤثر فيه أى مسكنات أو أقوى المسكنات وكنت بأخد المسكنات والحقن دى بالهبل وبرضه يفضل هما الثلاث أيام ويروح وكأن شيئا لم يكن وأرجع من ال 3 أيم دول منهكة كأنى كنت فى حرب وأقول لنفسى مش هتضايق تانى ولكن كيف الدنيا كلها هموم ونكد وعشت حياتى تانى عادى وبرضه ما نسيت الحمل وكل اللى يقولى وصفة أجربها وخلاص بدون أن أستشير ( ودى غلطة ثالثة ) لأن ما كل الوصفات تنفع لحالتى وفوقت لقيتنى فوقق الثلاثين وكانت محزنة وأنا بحتفل بعيد ميلادى 31 [/COLOR]
المهم علشان ما أطول عليكم عملت السنة اللى فاتت حقن مجهرى وتم سحب البويضات وقالوا لى أتصلى تانى يوم أعرفى النتيجة وأتصلت لقيت الممرضة بترد تقولى مش نافع علشان ما لقيو عندك تبويض قلت لها كيف يعنى أدينى الدكتور قالت مشغول نطيت ف عربيتى ورورحت له المستشفى وقلت له كيف ما عندى تبويض قال أصل بطانة الرحم ت}ثر على التبويض وأنت سنك عدى الثلاثين صرخت وقلت له يعنى عجوز أنا مسنه دى كلها سنة واحدة وغير كده المنشطات اللى أعطيتهالى وأنا شفت ع السونار 6 بويضات كبيرة وانت قلت ما شاء الله وليه ما سحبتهم وقتها وأعطتيتنى حقنة تفجيرية وقلت تسحب البويضات ليه بعد ما صارو أتنين وقلت لى بينفع أتنين راحوا فين بويضاتى ؟؟؟؟؟ ههههههههههههه كل ما أفتكر سؤالى ده للدكتور أفتكر الدكتور بتاع المنظار لما قالى أنت زى الفرخة ههههههههههههه المهم البيه الدكتور قالى أن بويضاتك غير ناضجة يعنى ما ينفعوا يتلقحوا وخلاص يا مدام ما فيش أما لكى فى الانجاب وأنسى الحمل خالص أنت عمرك ما تحملى حتى لو سافرت أمريكا أحنا نتيجة المركز عندنا هنا ما فيه نتيجة بعدها وخرجت من عنده وأنا بقول ربى أجرنى ف مصيبتى وأخلفنى خيرا منها وما عارفة كيف سوقت عربيتى وروحت بيتى ودموعى تلهب وشى من كتر البكاء وأتكلم مع ربنا وأهرتل ف الكلام وأستغفر ربنا وقلت خلاص فعلا بنسى موضوع الحمل وجوزى أقسم ميت يمين ما عايز أطفال وخلاص والله ما راح تروحى لأى دكتور ولا فيه أى تلقيحات أو عمليات يمين عليا
قلت خلالالالالالالالالالالالالالالاص بيكفى
لحد ما عرفت أول السنة دى منتدى عروس ودخلت فيه وأتعلمت حاجات كتير ربنا يجازيكم خير عنى وقربت من ربنا أكتر وصليت أكتر وبذكر ربنا أكتر والحمد لله على كل شىء
بتقولوا دلوقتى فين المشكلة وصدعتينا ؟؟؟؟؟ أعذرونى حبايبى أنا حكيت لكم الحكاية م الأول علشان لما أحكى لكم أيه اللى حصلى اليومين اللى فاتوا ف المستشفى تكونوا فهمتو الوضع
أنا الشهر ده الدورة عندى كانت أتجننت وغريبة خالص أول مرة يحصلى كده , فى اليوم السادس حسيت بألام تبويض وقلت لنفسى كيف يعنى تبويض فى السادس وأنا دورتى منتظمة تيجى كل 28 يوم بالظبط المهم ف اليوم ال 18 نزلت عليا نقطة بنى خفيف واليوم 19 كنت مسافرة لجوزى ولقيتها نزلت نقطتين برضه لونهم بنى فاتح ولا لهم ريحة بريود ولا شكلها وطبعا ف اليوم 18 تيجى بريود ده غريبة أوى وبس ما جاتش تانى خلاص سألت كل الناس واللى قالى يمكن أنغراز بويضة واللى قالوا يمكن حمل أصبرى وما تعملى مجهود وريحى قلت ماشى وأنتعش الأمل بين ضلوعى وعشت الوهم بينى وبين نفسى وقلت خلاص يا بت يا نوجا ربنا أستجاب دعاءك ودعاء أخواتك ف عروس وأن شاء الله يجى البيبى اللى يفرح قلبك وعشت فى دور الحامل خلاص وصدقته لحد ما أنصدمت على ميعاد البريود الحقيقى بس جاتنى برضه نقط خفيفة خالص ولونها بنى غامق أوى ده كان أول يوم وكان يوم 26/10 وحصلت مناوشة بينى وبين جوزى ونمت ببكى وفى الفجر 27 جانى مغص ف القولون ربنا ما يوريه لعدو قبل حبيب المغص أياه اللى بيجينى كل مرة أتضايق فيها وفضلت أصرخ وأتلوى ف الأرض وأظافرى أتكسرت م كتر الشد ف الأرض وبطنى أتنفخت كأنى حامل بجد وفى الشهر التاسع كمان ونط زوجى نقلنى المستشفى بسرعة وهناك من كتر صراخى وشايفين بطنى أد أيه منفوخة كل الناس أفتكرونى داخلة أولد وشافونى الدكاترة وعلقوا لى محاليل وأعطونى كمية مسكنات وحقن وما فيه فايدة المغص بيزيد وعملوا لى أشعات وجدوا القولون منتفخ وخلاص أتأكدوا وقالوا ده القولون العصبى ومنتفخ وبيعطونى ف علاجات للقولون وأنا قولونى مصمم ما يهدا أبدا لو عملوله أيه !!!!!! وفين ع العصر أعطونى مورفين وسكن الألم شوية وأنا صممت أمشى أروح ع البيت وجوزى حاول معايا قلت لأ أروح ع البيت خلاص أنا كويسة والدكاترة قالوا طيب نخلى الكانيولا فى وريدك علشان لو جبتى حد يعطيكى حقن تانى أو فكرتى ترجعى لنا ووصلت البيت وأول ما تركنى زوجى ورجع لشغله دخلت بسرعة على عروس وأشوف ترتيب ربنا وجدت رسالة م الأخت ريحانة القدس تطلب منى أزور موضوعها لأنها أختارتنى ضيفة وتعجبت وقلت سبحان الله أشمعنى الوقت ده بالذات وأنا مريضة تختارنى وأزاى وهى ما تعرفنى وعمرى ما كلمتها وفعلا دخلت الموضوع بتاعها وكنت تعبانة أوى والمغص رجعلى تانى ورديت على البنات وفجأة ما قدرت أكمل كنت خلاص جسدى كله يرتجف وأحس بروحى تطلع من أظافرى والله وجسمى ثلج واترميت فى الأرض وطبعا ما كان معايا حد بالبيت ولما وقعت وقعت على الكانيولا وخرجت م الوريد ونزفت وأصبح دم كتير بينزف وأتفزعت بس جانى هبوط شديد ما قادرة أتحرك وزحفت لحد الموبيل واتصلت على زوجى ولم يفهم منى غير ألحقنى دم ويا حبيبى جه لاهث م الشغل وجرى وأول ما شافنى فى الأرض والدم كتير عليا وعلى الأرض أتوهم وشالنى هو والحارس نزلونى المستشفى ورجعت تانى للأشعات والتحاليل والحقن والمسكنات وفين وفين لما الدكاترة غلبوا واحد فيهم سألنى يا مدام أنت عندك مشكلة ف النسا أه نسيت أقولهم طبعا أنى عندى التصاقات ولما قدرت أتكلم حكيت لهم على حالتى ورجعوا غيروا مسارهم ف الكشف والتحاليل والأشعات ووجدوا أن هناك أنسداد بالأمعاء وشرحلى الدكتور الآتى :
الالتصاقات عندك شديدة بالحوض والبطن وأنت لما تضايقى أو تحزنى أمعاءك تتقلص لأى أنفعال ولما يا عينى تتقلص بتكون عايزة تروح لأى مكان فتحاول تنزل لتحت ما بتلاقى غير السدد علشان كده بتضغط على الجزء اللى فوقها وتتكوم على بعضها فالقولون بيتأثر هو كمان لأنه ما بيقدر يتمدد من الالتصاقات فينتفخ وده سبب أن شكلى زى الحامل فى الحادى عشر هههههههه و تخيلوا الناس سألوا جوزى المدام جابت أيه ؟ وهو قالى أنكسفت أرد قلت له ليه قولهم جابت قولون عصبى تخين ولظلظ وبطانة رحم زى القمر ههههههههه

المهم أن الأمعاء لفت على نفسها وعملت أنسداد وأذا لم أدخل الحمام أعمل تواليت –أعزكم الله- لمدة يومين لازم جراحة فورا وهيأخدوا عينة من أمعائى ويحللوها , طبعا أنا أنهرت قبل ما الدكتور يكمل كلامه وفى الوقت ده والله فى قوة ألامى وشدتها كنت بذكر ربنا وبدعى لكم جميعا ولكل مرضى المسلمين ويارب يتقبل

السماحة والمعذرة يا بنات طولت عليكم بس والله الهدف كله علشان أفيدكم أن ما حد يكرر أخطائى وما تنقهروا ولا تحزنوا على أى شىء لأن كله بيعدى ويفوت ولا يبقى لكى الا خسارة لأعصابك وصحتك وده اللى فهمته للأسف متأخر وكمان أى واحدة بعيد الشر عندها بطانة الرحم أو التصاقات لازم تتابع مع دكتور كويس والحمل كويس جدا للى عنهم التصاقات بس اللى قادرة تعمل طفل أنابيب أو غيره من الحلول وربنا يرزقكم جميعا بالذرية الصالحة ولا يحرمكم أبدا ولا يوريكم شر ويحفظكم من أى سوء ولا يوريكم الألام اللى شفتها يارب لا عدو ولا حبيب .. وأخيرا لا تحرمونى من دعاءكم