مشكلة غريبة يا ريت تنصحونى أعمل ايه

شوفى هوبه لو انتى واثقه تماما ان الفلوس دى هتروح للتجهيزات للزواج فممكن تساعديه ولو مش واثقه بلاش وبينى وبينك الراجل لو طلب من خطيبته فلوس بصراحه كده لو انا مكانك هتردد كتير يعنى ممكن يتصرف من اى حد اصحابه مثلا بس خطيبته صعبه شويه ...

بصي يا هبهوبة يا قمر لو انتى واثقة منه مش مشكلة بس هل هوا هيرجعلك الفلوس لما يبقى معاه و لا هوا محتاج الفلوس ليه هل مصاريف ليه و لا عشان يجهز و لا ايه ياريت توضحي يا قمراية

و الله اعلم يمكن انتي اقرب ليه من اصحابه او اي حد عشان كده طلب منك

ولله ده يتوقف على علاقتك بخطيبك وشخصيته هل هو من النوع الى متعود على انه يطلب منك دايما
ولو قادره تساعدى ساعدى بالمبلغ الى تقدري عليه حسب مقدرتك وبالنهايه الامر برجعلك ومو ومجبورة ابدا

ده يتوقف علي علاقتك بيه لو هوه خجول وانتي اقرب حد ليه ومش ممكن يطلب الطلب ده من اي حد تاني يبه تساعديه بالمبلغ اللي تقدري عليه ده ان كان هيروح لتجهيز الشقه او مصاريف فرح وكده
انما غير كده يبه بلاش

بصى يا قمر لو انتو بتحبو بعض اصلا وعارفين بعض كويس اكيد انتى ممكن تحكمى علية لانك ها تكونى فاهمه كويس ولو الفلوس دى علشان التجهيز يبق عادى واكيد انتى بس اللى تقدرى تحكمى على خطيبك

وعليكم السلام ورحمه الله وبركاته


بصى استخيرى ربنا بجد

واعملى الى احساسك عاوزة

يعنى لو جد واثقه فيه وعارفه شخصيته كويس يبقا توكلى على الله

ولو شاكه ومش مرتاحه للموضوع يبقا حاولى تقوليله انك بتجهزى نفسك بنفسك وكدا فهمانى

بس قبل كل شئ

استخيرى ربنا

وعسى ان تكرهوا شئ وهو خير لكم وعسى ان تحبوا شئ وهو شر لكم

وربنا يرشدك ان شاء الله للخير


سلام

لا اله الا الله سيدنا محمد رسول الله

انتي اول حاجة طبعا تعملي استخارة قبل اي حاجة - ولو لئيتي ربنا وفقك انك تساعديه خلاص مافيهاش حاجة - وكمان لو هو واخد عليكي يبئي عادي لو طلب الطلب ده - وكمان والله اعلم بيتهيألي 8 شهور مش قليلة ان واحد مثلا بعد الشر يضحك ع واحدة عشان ياخد فلوسها والله اعلم - وفعلا لو الموضوع موضوع تجهيزات ففي عرايس بيجهزو اكتر من العريس لما بيكون ظروف العروسة احسن من ظروف العريس بكتر - وكامن ربنا يكرمك والحاجات دي لبيتك بس اه حاجة استخيري ربنا طبعااااا وربنا يفوقك للخير

طب الاول هو فلوسه ضاعت في ايه يعنى ؟؟
ضاعت في بورصه مثلا
ولا هو شغله ماتوفقش فيه ولا يعنى ازاى مره واحده كده ضاعت فلوسه وهو المفروض انه عامل حسابه من الاول على مبلغ معين للشقه ازاى يضيع كده ومره واحده يكتشف انه معهوش عشان يطلب منك

انا اسفه انا مش قصدى اتدخل في خصوصيات بس هو اهله فين من كل ده
يعنى يطلب منك انت واهله لا ليه ؟؟

وبعيد عن كل ده انت الوحيبده اللى تقدري تقولي اه او لا
لان دي حياتك ومصيرك ومحدش فينا هيفدر يوجهك ويقول ك انت تعمليه ايه
طب افرضب كلنا قولنا لا واخدتى بالغلالبيه وطلع هو انسان ملتزم وفعلا محتاج هتندمى عشان سمعتى كلامنا احنا الصغيرين
لا طبعا
انت تسالى مامتك بينك وبينها
هى اكيد هترفض عشان هى كمان هتكون خايفه زيك بس لو عرفت الظروف بتاعته يمكن تقدرلاه وتقف كمان جنبه
اسمعى من الكبار والله يابنتى كلامهم كله بيبقى صح

ازيك يا قمر
بصى يا حبيبتى لو ظروفه وحشه الايام دى فعادى انك تستحملى
بس مش عادى ابدا ان راجل يطلب من خطيبته تساعده
هو لو ظروفه ملخبطه عادى جدا ممكن الجواز يتاجل

لكن انك تساعديه مش حلوه بصراحه

بصى يعنى اعرفى منه عايز فلوس ليه يعنى لو حاجة للشقه اوكى وكمان عشان لو رفضتى ماتخسريهوش وممكن يكون كويس لو انتى ناويه تديلوه مايكونش مبلغ كبير واعرفى هيعمل بيه ايه وبعدين ممكن تقولى انك اتصرفتى فى مبلغ تانى وجبتيه ليه

بصراحة يا جماعة هو ساب شغله فجأة وهو اللى بيجهز كل حاجه أهله مش هيساعدوه
وهو عايز الفلوس للجهاز وهو مش بيحب يستلف من حد احنا قريبين من بعض جدا ونعرف بعض من قبل الخطوبة بفترة وهو فعلا متورط واى فلوس بتجيلو بتبقى للجهاز عشان عايزنا نتجوز بسرعه
الجديد بقى انه أمبارح بيقولى انا ظروفى بقت وحشه وانت ملكيش ذنب وفكرى كويس ولو مش هتقدرى تستحملى يبقى نسيب بعض وانه هيقدر ده
انا طبعا قلتله لأ هستحمل وكل حاجه هتعدى وده أختبار من ربنا أتخانق معايا وقالى لأ فكرى بعقلك كويس وانه مش هيستحمل منى انى أجى فى يوم أحسسه أنه مقصر معايا
انا مش عارفه أعمل ايه وانا كمان عليا لود هو مجبش سيرة انه ياخد منى فلوس دى تانى بس هو لما طلب قالى دى سلف لغاية ما يقبض الجمعية وهيسدهالى

dandona we bas;7670076:
بصي يا هبهوبة يا قمر لو انتى واثقة منه مش مشكلة بس هل هوا هيرجعلك الفلوس لما يبقى معاه و لا هوا محتاج الفلوس ليه هل مصاريف ليه و لا عشان يجهز و لا ايه ياريت توضحي يا قمراية

و الله اعلم يمكن انتي اقرب ليه من اصحابه او اي حد عشان كده طلب منك

هو محتاجها اللجهاز وهيرجعهالى لما يقبض جمعية

ممكن اعرف ايه اللة مضايقك من طلب الفلوس ؟
هل عشان حتحسى انك اقوى من و القوامه و كدة ؟
و لا خايفاه يتعود ؟
و لا مش واثقة فيه و خايفه ان موضوع الفلوس يخليكوا تتخانقوا ؟


لو على القوامة انا مش عارفة ايه الصح انا لسه مخطوبة قريب ، بس هل لو حد اغنى من خطيبى يبقى معناه انه ارجل منه و اكثر اهلا للقوامه ؟

و لو خايفاه يتعود او مش و اثقة فيه ، فاعتبرى انك تديله فلوس ده اختبار و انتوا لسه على البر لأنوا لو دى عادته يبقى حيفضل ككدة و مش حتبان غير لما يكون مفيش طريق للرجوع لا قدر الله
ف انتى كده بتختبريه او بتكسبيه :wink:

فبصى ، انا رأيى انك تديله اللى تقدرى عليه و مش تتحججى انك بتجهزى و مش عارف ايه لأن المرتبة و البطانية مش اهم من جوزك و بلاش جهاز النيش اللى حيخلى جوزك يقولك فى يوم انك - انا اسفة فى الكلمة - ذلتينى و مش حسيتى بيا و خليتينى استلف من الغريب و معتقدش انه حينسى ابدا موقف زى ده
اما لو حاسه انه بيدلع و مستسهل شوية فحسيسيه ان الفلوس دى صعبه انك تديهاله ، بس تديه اللى يخليه يقولك بعد كده ربنا يخليكى انك ساعدتينى ، قوليلوا مثلا انى بحوش مع ماما و لو طلبت منها حتسألنى حتعملى بيهم ايه بس انا حتصرف و مش حقول انها ليك .. كده يعنى المهم ميحسش انه ميستحملش شغل مثلا عشان فى حد حيحلله مشاكله و ده عشان مصلحتكوا انتوا الاتنين
ا
ربنا يهديكوا و طمنينى عليكى :)

بصى يا حبيبى
أولا : استخيرى ربنا اكتر من مرة يستحسن كده تلات ليالى ورا بعض
ثانيا : هو المفروض يكون انتى بالنسبة له اخر حد يستلف منه فلوس يعنى المفروض يحاول يتصرف من اصحابه او اهله فأنا مستغربة جدا بصراحة الموضوع
ثالثا: ربنا يباركلك فى رزقك يارب و يزيده بالحلال بس لو عملتى كده أول مرة هياخد على كده يا حبيبتى و لما تتجوزوا هيطلب بردو أو هيسيبلك بعض أمور و مصاريف البيت انتى اللى تصرفى عليها و مع الوقت مسئولياتك هتزيد و مش هتعرفى تشيلى قرش لاولادك بإذن الله و انتى مش لازم ابدا تأخديه على كده يا جميلة
رابعا بقى : حل يرضى جميع الاطراف لو عايز الفلوس علشان اجهزة مثلا أو حاجات مادية (فرش) هيتحط فى البيت من الحاجات اللى عليه قولى له انك هتجيبى الحاجات دى لما تخلصى حاجتك لان فلوسك و مرتبك مامتك بتاخدها منك علشان تجهزك أول ما تقبضى و بتجيبلك بيها حاجات و تشيلها

خامسا و ده الاهم جدااااااااا:
لازم بجد لازم تاخدى رأى أهلك فى كل حاجة كل حاجة و هما دايما هيكونوا الصح حتى لو رأيهم مش عاجبك هما اللى شايفين الموضوع من كافةالجوانب و انتى لأ علشان انتى جوة الدايرة
نصيحتى ليكى بجد و ربنا شاهد اسمعى كلام اهلك يا هبهوبة

سادسا: قولى له : انك مش مستعجلة على الجواز لغاية ما ظروفه تتحسن و ده الصح يا حبيبتى هتتجوزوا و بعدين؟ هتعتمدى على مرتبك و هو يتفرج عليكى؟

سورى يا جميلة لو كنت قاسية عليكى بس ده لمصلحتك و عن خبرة أنا اكبر منك و حبيت انصحك و أوضح لك الصورة يا قمورة

ماشاء الله نوت مي خالص قامت بالوااااااااجب
بجد انا مؤدية لرايها جدا
وبجد لو جت على اد الفلوس ماشي...لانك هتستفادي من انك تديهاله من التلات نواحي
اول حاجه لو فعلا هو جاد يبقى حاجتك هتخلص وتجوزوا بسرعه
تاني حاجه هيفضل طول العمر شايلهالك وفاكر لك انك وقفتي جنبه
تالت حاجه لو لاقدر الله طلع مش اد المسئولية تبقي عرفتي من الاول والي خسرتيه شوية فلوس مش عمرك مثلا او حاجه
وفعلا قوليله انا بحوش مع ماما ولو قلتلها هتشك وهو طبعا مش هيكون حاببها تعرف
فقوليله هحاول اتصرف وكدا ...واخد منها مبلغ صغير
فكدا هتستفيدي انك هتبقي ماخذلتيهوش وف الوقت نفسه ماديتيهوش كتير
وبجد ياستي ده مش عيب...دي ميزة ان يكون معتبر انكم واحد
وربنا يخليكم لبعض

Princess_miro;7672091:
بصى يا حبيبى
أولا : استخيرى ربنا اكتر من مرة يستحسن كده تلات ليالى ورا بعض
ثانيا : هو المفروض يكون انتى بالنسبة له اخر حد يستلف منه فلوس يعنى المفروض يحاول يتصرف من اصحابه او اهله فأنا مستغربة جدا بصراحة الموضوع
ثالثا: ربنا يباركلك فى رزقك يارب و يزيده بالحلال بس لو عملتى كده أول مرة هياخد على كده يا حبيبتى و لما تتجوزوا هيطلب بردو أو هيسيبلك بعض أمور و مصاريف البيت انتى اللى تصرفى عليها و مع الوقت مسئولياتك هتزيد و مش هتعرفى تشيلى قرش لاولادك بإذن الله و انتى مش لازم ابدا تأخديه على كده يا جميلة
رابعا بقى : حل يرضى جميع الاطراف لو عايز الفلوس علشان اجهزة مثلا أو حاجات مادية (فرش) هيتحط فى البيت من الحاجات اللى عليه قولى له انك هتجيبى الحاجات دى لما تخلصى حاجتك لان فلوسك و مرتبك مامتك بتاخدها منك علشان تجهزك أول ما تقبضى و بتجيبلك بيها حاجات و تشيلها

خامسا و ده الاهم جدااااااااا:
لازم بجد لازم تاخدى رأى أهلك فى كل حاجة كل حاجة و هما دايما هيكونوا الصح حتى لو رأيهم مش عاجبك هما اللى شايفين الموضوع من كافةالجوانب و انتى لأ علشان انتى جوة الدايرة
نصيحتى ليكى بجد و ربنا شاهد اسمعى كلام اهلك يا هبهوبة

سادسا: قولى له : انك مش مستعجلة على الجواز لغاية ما ظروفه تتحسن و ده الصح يا حبيبتى هتتجوزوا و بعدين؟ هتعتمدى على مرتبك و هو يتفرج عليكى؟

سورى يا جميلة لو كنت قاسية عليكى بس ده لمصلحتك و عن خبرة أنا اكبر منك و حبيت انصحك و أوضح لك الصورة يا قمورة

انا مش صغيرة يا ميرو انا عندى 28 سنة والى انتى قولتيه ده فعلا اللى مخوفنى انا مش زعلانة منك جزاكى الله خيرا يا قمر

HobaHoba;7671706:
بصراحة يا جماعة هو ساب شغله فجأة وهو اللى بيجهز كل حاجه أهله مش هيساعدوه
وهو عايز الفلوس للجهاز وهو مش بيحب يستلف من حد احنا قريبين من بعض جدا ونعرف بعض من قبل الخطوبة بفترة وهو فعلا متورط واى فلوس بتجيلو بتبقى للجهاز عشان عايزنا نتجوز بسرعه
الجديد بقى انه أمبارح بيقولى انا ظروفى بقت وحشه وانت ملكيش ذنب وفكرى كويس ولو مش هتقدرى تستحملى يبقى نسيب بعض وانه هيقدر ده
انا طبعا قلتله لأ هستحمل وكل حاجه هتعدى وده أختبار من ربنا أتخانق معايا وقالى لأ فكرى بعقلك كويس وانه مش هيستحمل منى انى أجى فى يوم أحسسه أنه مقصر معايا
انا مش عارفه أعمل ايه وانا كمان عليا لود هو مجبش سيرة انه ياخد منى فلوس دى تانى بس هو لما طلب قالى دى سلف لغاية ما يقبض الجمعية وهيسدهالى

بصي بصراحه انا في اول كلامك كنت خايفه انه يكون فعلا زي ما البنات قالوا انه يكون مش كويس بس بصراحه بعد الكلام اللي انتى قولتيه انا بجد حاسه انه انسان محترم اوى و بعدين في اوقات فعلا الخطيبه بتبقي اقرب واحده لخطيبها من اى حد سواء اهل او اصحاب هو ممكن يتكسف من اهله او اصحابه بس انتى لا لان بمنتهى البساطه انتى هتبقي مراته لازم ميبقاش في بينكوا ستار محدش فيكوا يخبي اى حاجه على التاني
انا بصراحه لو منك و خطيبي طلب منى الطلب ده كنت هساعده طبعا و يا ما في بنات ساعدوا اجوازهم عشان يجهزوا شققهم و يتجوزا و انا عن نفسي اعرف بنات كتير هما اللي شالوا الجوازه من الالف للياء و دلوقتي هما اسعد ناس في الدنيا طالما انتى شايفه انه كويس و مش بيدلع ساعديه طبعا

kitty_kity;7672134:
ماشاء الله نوت مي خالص قامت بالوااااااااجب
بجد انا مؤدية لرايها جدا
وبجد لو جت على اد الفلوس ماشي...لانك هتستفادي من انك تديهاله من التلات نواحي
اول حاجه لو فعلا هو جاد يبقى حاجتك هتخلص وتجوزوا بسرعه
تاني حاجه هيفضل طول العمر شايلهالك وفاكر لك انك وقفتي جنبه
تالت حاجه لو لاقدر الله طلع مش اد المسئولية تبقي عرفتي من الاول والي خسرتيه شوية فلوس مش عمرك مثلا او حاجه
وفعلا قوليله انا بحوش مع ماما ولو قلتلها هتشك وهو طبعا مش هيكون حاببها تعرف
فقوليله هحاول اتصرف وكدا ...واخد منها مبلغ صغير
فكدا هتستفيدي انك هتبقي ماخذلتيهوش وف الوقت نفسه ماديتيهوش كتير
وبجد ياستي ده مش عيب...دي ميزة ان يكون معتبر انكم واحد
وربنا يخليكم لبعض

(y)(y)(y)(y)(y)(y)(y)(y)(y)(y)(y)(y)(y)

متهيألى يا بيبو ان ممكن يكون هو حاسس انك اقرب واحده ليه عشان كده عمل كده. بس انت لازم تعرفى ايه السبب؟؟؟ ايه الى خلى ظروفه وحشه كده؟؟؟؟ و عايز الفلوس دى لايه؟؟؟
و عايزة انصحك نصيحه.... الراجل دايما بيحب يحس بالقوامه على زوجته و لو فى يوم حس انها هى الى قوامه عليه بينفر منها و بيدور على واحده يحس معاها برجولته.... عشان كده حتى لو حتسلفيه الفلوس.... اوعى فى يوم تفكريه بده.... او تعايريه و حسسيه دايما ان هو الى قوام عليكى و دايما تقوليله ربنا يخليك ليا مفيش حاجه انا محتاجاها طول ما انت جنبى و كده.....
انا عندى صاحبتى لسه مش مر على جوازها سنه و جوزها خلاها تبييع شبكتها عشان يسافر برة... هى ادرى بظروفه و عارفه....... عشان كده انا شايفه مفيهاش حاجه ... اهم حاجه ان مفيش حاجه فى علاقتكم تتغير بعد الموضوع ده
يا رب تكونى فهمتينى.زز و ربنا يهديكى للخير

انتي اختي تعرفي صفات زوجك لو هو من النوع الي يعتمد على فلوس المراءه او لا

ومافيها شي لو ساعدتيه بس لاتعوديه