السـلام عليكم ورحمة الله وبركاته
انا عضوه جديده بس بصراحه احس اني اعرفكم كثير
من خلال قراءتي لمشاكلكم اللي مريت ببعض منها
ومن خلال استفادتي من بعض حلولكم كمان
واللحين ابغى فزعتكم لاني بجد احس اني محتاره
واعاني من مشكله يمكن يشوفها بعضكم بسيطه
بس والله غاثتني وقالبه كياني
وهذي المشكله بدراستي وزوجي
انا متزوجه من ثلاث سنوات بعد شهادتي الثانوي وكملت دراسه
على طول عند زوجي
على طول عند زوجي
والترم اللي راح حملت ببنوتي واظطريت اني ااجل السنه لان زوجي
طلب مني كذا مع اني كنت قادره اني ادرس لان حملي مستقر
لكنه أصر بحجة انه يخاف عالبيبي و وافقت له واجلت
وهالترم يبغاني ااجل كمان
عشان بنوتي ورعايتها
مع ان عندي شغاله جابها لي ابوي مع ولادتي
وهالشغاله عربيه وكبيره بالعمر وعلى قدر كبير
من الامانه لانها اصلا عند اهلي من اكثر من 15 سنه
وبكل تكه يفتح لي السالفه وااجلي هالسنه ومدري ايش
ويتهمني اني مهمله لبنتي واني ما ااحبها
طبعا من قرادة حضي انا ساكنه بمدينه مافيها
لا اهلي ولا اهله ومافي الا اخته وتوها عروس ومايمديها تهتم ببنتي
باول زواجنا كان يحمسني عالدراسه لانه اصلا شهادته عاليه وحلوه
واللحين منقلب علي وبكل خلاف يفتحلي سالفة دوامي بالجامعه
واراضيه واحسسه اني ابدا مو مقصره معاه
ويهدا ويصير عادي
وبس افتح كتاب ولا تدق علي وحده من صحباتي واجيب طاري الجامعه
ينقلب كيانه ويبدا يهاوش
والله بجد مره احس بارهاق نفسي من هالناحيه
مع اني متطمنه على بنتي واشوفها تكبر زي العرايس الله يحفظها
لي ولابوها
الملخص
اخاف اوافق واعتذر الترم ذا يجي الترم اللي بعده ويطلبني اعتذر
وتصير رجعتي للدراسه صعبه
وانا بموت لو ماكملت لانه بصراحه من اغلى احلامي
ولان ماما وبابا دايم يوصوني بدراستي بعد زوجي
تكفووون شورو علي الله يسعدكم