بنات بنتي رسامه ورسوماتها كثير حلوة لكن بنتي من النوع الي ثقتها بنفسها موقليله لكن تعتبر نفسها جدا عاديه بكل شي يعني بالمدرسه ممتازه ماشالله عليها دائما تنظر لنفسها انها عاديه اداره المدرسه اتصلو وكلموني قالو لي بنتك راح نختارها ملكه الرياضيات لان مبدعه ماشالله تبارك الله لكن هي رفضت ..لاحظت بالرسم عندها موهبه كبيره لكن تنظر لنفس انها ان هذا شي عادي على الرغم انها تدرس عند رسامه مشهوره وجدا جدا رائعه لكن مااعرف شلون اشجعها خاطري بنتي تنمي هذي الموهبه وتثق بنفسها كثير وتحس بالنعمه الي الله اعطاها اياها وتصير عندها هوايه وموهبه جميله
وموعارفه شلون انمي هذا الشي عندها
فكرت احط رسوماتها بالمنتديات الخاصه بلاطفال
فكرت اسوي لها سبيس باسمها واحط فيه رسوماتها واعمالها اليدويه وكتاباتها الخاصه لكن مشكلتي مااعرف اسوي سبيس اوموقع خاص ياليت الي تعرف تساعدني بس ابي موقع بطريقه مبسطه وسهله حتى تعرف تتعامل معه
فكرت اسوي معرض مصغر لاطفال العائله ويحضره اهلها واهلي واصحابها حتى تتشجع واعرض فيه رسوماتها على الرغم ان معلمتها عملت لهم معرض وماقصرت بس وقته كان مومناسب وماحضره اي احد من معارفا فصار عندها ردت فعل عكسيه وحزنت كثير
ابي افكاركم ومساعداتكم وانشالله راح انزل لكم رسوماتها
طبعا بنتي الان عمرها 7 سنوات وبدئت تروح للمرسم من عمر 5 سنوات
حطيت رسمتين لبنتي موجودين بصفحه رقم 4