اللي من القاهرة و عايزة تشترك في مشروع من البيت للاشغال اليدوية _تتفضل

ايه يا جماعه محدش عايز يشتغل و لا ايه

السلام عليكم اناممكن ابقي معاكي بس انا عندي فكر عن المفرشات الملايات

معلش ريحانه انا مش فاهمه قصدك انت عندك فكرة عن الملايات و الا ايه يا ريت توضحي اكتر او ترسيلي التفاصيل علي الخاص

اتمنى المشاركه معاكى الفكره حلوه بس يا ريت تبدا بسرعه

بصى يا قمر
حاولى تدخلى على جوجل وتكتبى
احدث تصميات المفارش
او تكتبى مثلا
الرسم على الملايات والمفارش
وهكذا
هيظهرلك موضوعات كتير اوى
المهم اسالى عن المناطق اللى تبيع قماش الملايات بسعر رخيص
طبعا القماش المشجر مش هيحتاج منك رسوم ولا اى حاجة
والقماش السادة تقدرى تبدعى فيه زى ما انتى عايزة
المهم اعملى مودلين سادة واتنين مشجر
ملايات كبيرة وصغيرة وملايات لسراير الاطفال
ويا لام بقى لو تعملى مخدة فايبر صغيرة مع الملايات تبقى هدية على كل ملاية
والفيبر مش هيكلفك كتير
يعنى تكلفة المخدة الواحدة مش هتتجاوز ال 3 جنيه
والله المستعان
عايزين نشوف تنفيذ باسرع وقت
المشروع محتاج ماكينة خياطة عادية تمنها حوالى 600 جنيه وبتعمل كل حاجة تطريز وخياطة وكلو
وهتحتاجى قماش لاربع ملايات على الاقل تكلفة 80 جنيه
الاربع ملايات دول يبقو للعرض
تعرضيهم على المحلات اللى بتبيع الملايات
وعلى فكرة ممكن سعر القماش يبقى اقل من كده
وانتى وشطارتك
وكل ما تقللى فى السعر تبيعى اكتر

حبيبتي حياة رائعه شكرا ليكي علي النصايح ديه و دايما انت في عون اخواتك
و يارب يوفقك و يكرمك انت كمان و تتحفينا بمشروعك ان شاء الله
انا عندي بالفعل ماكينه خياطة و كنت بدلت من فترة كبيرة في نشاط الملايات و توقفت و دلوقتي بحمد لله رجعت تاني هي بس المشكله عندي اني لحد دلوقتي مش قادرة اخد القرار اني اشتري القماش جمله لاني ببقي عايزة تنوع في الالوان يمكن لما افتح ليا كذا سوق بالتاي موضوع الاتواب ديه هتشجع فيه

اختي روما سعيد يا تري انت بتعرفي تشتغلي ايه و ربنا يسهل و نبدا الانتاج الموسع.

Loli2003
ربنا يوفقك يا قمر
بصى انا عندى اطقم سراير شايلها فى جهازى كانت واحدة هى اللى بتعملهم فى البيت
بس بجد اكتر من رائعة فى كل حاجة قماش وذوق وتناسق والاهم فينش نظيف جدا ... جدا
المهم بقى يا قمر عارفة انا كنت شارية الطقم بكام ب 150 الكلام دا من حوالى 4 سنين تقريبا
لو ناوية بجد فى الموضوع دا انا ممكن اتقابل معاك واوريك انتاجها فى محلات جمبى بتبيع لها
عارفة بتبيع الطقم بكام ب 230 او اكثر
وبالنسبة لجملة القماش افضل مكان المحلة لانها الاصل للمفروشات
وفى حاجة تانية انا ممكن اسوق لك ممكن نتفق واخد منك طقمين ولا حاجة نجرب
وان شأ الله الامور تمشى

ربنا يخليكي يا كريستاله النيل و يوفقك و طبعا انا معنديش اي مانع
ربنا يكرمك علي التعاون و المساعدة و يوفقك

بصى يا قمر
اعملى الملايات وصوريها صور حلوة
وابعتيهالى فى رسالة
وانا هحاول اعرضها فى كذا منتدى وفى محلات هنا فى اسكندرية

حياة رائعه انت فعلا اكتر من رائعه ربنا يكرمك

Hassnaag ربنا يخليك و دعواتك دايما

لولى انا بحب شغل الابره و بعرف اشتغل مفارش ليسيه و اخذت كورس تفصيل بس للاسف مكملوش بس عندى المبداء و اتمنى مشاركتك

الله يخليكى يا قمر
بس انتى اتشجعى يلا وشوفى شركاء معاكى عشان نتشجع احنا كمان ونقلدك وناخد خطوات جريئة

روما انا طبعا معنديش مانع خالص و يارب نتجمع علي خير و نعمل تجمع ينفعنا كلنا

بصي يا ستي لحد ما نتكلم مع بعض فكري ايه هي افكارك في مجال المفروشات و ايه اللي ممكن يتعمليعني حطي نقط

و ان شاء الله نتكلم و نتفق

Loli2003;7663430:
ربنا يخليكي يا كريستاله النيل و يوفقك و طبعا انا معنديش اي مانع
ربنا يكرمك علي التعاون و المساعدة و يوفقك

لولى يا سكرة :87457:
ربنا يوفقك ويكرمك يارب

:21_195::21_195::21_195:
ويبارك ويوسع فى رزقنا من الحلال يارب


:21_195::21_195::21_195:
بصى يا قمر انا عندى افكار كمان حلوة للموضوع دا

يعنى ممكن تدخلى مع كل طقم فوطة يكون عليها حاجة بتربطها بالطقم
موش عارفة انتى فاهمة قصدى ولا لاء :think:
بصى يعنى مثلا
الاطقم اللى عندى فيها دانتيل متركب بشكل معين OK ولو انتى جبتى فوط سادة وعملتى عليها نفس الشغل اللى على الطقم هيكون طقم كامل
وكمان الفوط السادة خالص موش غالية
والناس اللى بيشتروا هيحسوا انهم كسبانين مع كل طقم فوطة هدية
:groupwave:
فاهمة قصدى
وهكذا تجديد الافكار دا بيجذب الزباين قوى

والله فكرت كذا مرة ان اعرض الاطقم اللى عندى وعلى حسب الطلبية اطلب من الست اللى كنت بجيب منها بس متعرفيش ايه اللى كان مكسلنى
يمكن ربنا يكون كاتبلنا الشعل مع بعض
ربنا يكتب لنا اللى فيه الخير
ربنا يوفقنا و يكرمنا
:21_195::21_195::21_195::21_195::21_195:

ايوة كدة انا كنت عارفه ان الاخوات هنا مش هيبخلوا عليا بالافكار الحلوة ديه و ربنا يخليكوا و ان شاء الله التعاون دة يكون في مصلحتنا كلنا

بصراحة يا جماعة انا حاسه باحباط :sm229:
كنت متخيله تفاعل البنات اكتر من كدة _ يعني انا قلت اكيد فيه بنات كتير بتعرف تشتغل اشغال يدويه و نفسها اعمالها تتطلع للنور و تعمل حاجة .

بس مش عارفه فيه ايه, فيه ناس دخلت و قالت عايزة تشتغل و تشترك و للاسف مكملتش و اختفت .

ايه يا بنات احنا عايزين نبتدي نعمل حاجة بجد مش مجرد كلام و احلام .

يالا بقي الهمه :BOUNCE8:.

بصي انا ممكن اساعد بالمكن لأن عندي مشغل
وربنا يسهل

اختي احلي منور شكرا ليكي بس اظن ان التعامل كدة صعب انت بلد و انا في بلد تانيه