أسئلة عن الحج..محتاجة للإجابة في اقرب وقت

السلام عليكم و رحمة الله و بركاته..فالبداية حبيت اشكركم على جهودكم الواضحة في هالركن و جزاكم الله كل خير

الحمدالله بفضل من الله نويت الحج هالسنة ان شاء الله و ربي ايسر اموري و امور جميع المسلمين..و عندي استفسارات بما انها اول مرة اروح الحج و ماعرف شو هي المحظورات و شو هي المباحات..و احب اني اعرف كل شي و اتعلمه بالخطوات عشان ما اغلط في اي شي و يخرب عليه حجتي..

1-ما هي المحظورات في الحج من قبل الاحرام و حتى طواف الافاضة؟؟

2-سمعت انه يجب اغتسل بصابون و شامبو غير معطر؟؟هل هذا الشي صحيح؟؟
لاني رحت العمرة كذا مرة و قبل الاحرام كنا نغتسل عادي باللي متعودين نستخدمه دائما..و اساسا مافي شامبو او صابون غير معطر على حسب علمي:ss:..و هالنقطة جدا مهمة لي لأني سمعت كذا راي فيها و احتاج اسمع فيها فتوى عشان اطمن

3-انا اغطي وجهي بقطعة سودا مثل الشيلة نسميها الغشوة و هي تغطي جسمي لحد البطن تقريبن بس فيها مطاط اثبته على راسي..هل يجوز اني البسها في الاحرام؟؟او يجب اني اغطي وجهي بقطعة بدون المطاط مع العلم انها ما تثبت كثير بدون قطعة المطاط؟؟

4-طبعن انا شارية كل الاغراض يديدة و غسلتها و كنت ناوية ابخرها و احطها فالشنطة لانه معروف اللبس الجديد تكون فيه ريحة مب حلوة..هل يجوز اني ابخرهم؟؟ مع العلم انه بيبقون تقريبا شهر فالشنطة و الريحة بتختفي تقريبا بس عشان اعدل من ريحتهم..

5-هل يجوز احط الطيب على اللبس اللي بلبسه فالاحرام من الحين عشان تكون ريحته مقبولة مع العلم بمعرفتي انه لا يجوز تعطر المرأة و هي خارجة من منزلها بس الريحة ما تنشم و انا بحطه من الحين عشان الريحة تقريبن تختفي لي بعد شهر

6- لو في مواقع او شي تساعدني على فهم كل الخطوات و كل شي يصير في الحج يا ليت تفيدوني فيها..

جزاكم الله ألف خير