شحالكن ؟ عساكن بخير
اليوم يايبتلكم طريقة سهلة وسريعه عشان تسوين شعرج لوك كيرلي
اول شي خذي شور واغسلي شعرج
وبعد ما تخلصين من الشور خلي شعرج مبلول ولا تنشفينه
فهالوقت روحي وايبي اللفافات .. او ممكن تلفينه بأصابعج
امسكي خصله خصله مشطيها عالخفيف ولفيها وثبتيها بالبينس .. واهم شي لازم الشعر يكون بعده مبلول
وبعد ما تخلصين كل الخصلات ممكن تاخذين بخاخ فيه شوية ماي ورشي الشعر كله
وبعدين اتركيه لين ما تحسين ان شعرج نشف وممكن تنامين فيه وتفتحينه ثاني يوم الصبح
وهالطريقة بتحصلين النتيجة ان شعرج صار كيرلي من دون اي مواد كيماوية او جل
وبتكون النتيجة مثل هالصورة
طبعا هالطريقة عن تجربة شخصية .. والبارحة انا كنت مسوية هالطريقة وشعري طالع رووووووعه ... حتى اني رقدت فيه ولما قمت اليوم لقيته بعده مثل ما هو ... طبعا هالطريقة تناسب الشعر السايح والناعم
وان شا الله تستفيدون من تجربتي
