تأســـيــس المكيــــاج مـــــن ... إلــــى....

((السلام عليكم ورحمه الله وبركاته))
هذا الموضوع كنت افكر فيه من فتره وكنت بنزله في الصيف بما انه موسم اعراس وراح افيد العرايس الي يتجهزون لكن للظروف اني سافرت فما قدر ت اشتغل عليه فقلت انزله الحين بما اني في فترة تاسيس لمكياجي((بذات الشدو)) وطبعا الموضوع لانه تم فتره بمخي فطورته وغيرت فيه واايد..فصار الموضوع يحتوي على افكار لوحده بتبتدي من الصفررر واتمجع المكياج توها ..وصار يحتوي على افكاري وعلى وجهة نظري ..وطبعا ممكن لاي وحده اتضيف وجهة نظرها ونتناقش وممكن اي وحده من البنات اتحط طريقتها...
في موضوعي استخدمت بعض الصور من مواضيع العضوات..وايضا موجود جم لنك لمواضيع اتعزز من موضوعي واتفيد البنات ..لإحبيت اعتذر منهم لاني ما استاذنت قبل لا احطهم ^_^

اللحين للي تبي تجمع مكياج وتبتدي من الصفرر..يعني مثل حال العروس
اول شي لازم انعرف انه في مكياج ثابت ومكياج متنقل ((ماعليكم من التعبيرات ههههههههه))..
**المكياج الثابت اهو الي في البيت وماتقدرون اتشيلونه في شنطه وين ماتروحون..واهو الي راح اتكلم عنه في هالموضوع اما المكياج الي حق الشنطه فبكون ان شالله موضوعي القادم ..لان المكياج الثابت الي اهو حق البيت موضوع طوييييييل ...
اول شي عشان اتسهلين على روحج ترتيب المكياج وطريقة حفظه
تقدرين تشترين:
((الشفايف))

1. باليتت ارواج الي اكون فيها تقريبا 5 اللوان..تاخذين ثنتين اكفايه اتوقع..بس طبعا ممكن ماتحصلين اللون الي تبينه في الباليته وحتى لو رحتي اكثر من ماركه ..فمافي مانع من انج تشترين الارواج الي اهو العاديه ..لكن بنسبه لي ما احب اخذ واايد الوان.واصلا ما استخدم الاروااج خير شر دايما اشتري قلوزات واللب لاينر الون فيها الشفايف كلها مو بس احددها.يعني وايد استخدم الخلط والدمج في الالوان عشان احصل اللون الابيه يعني ممكن تشترين لون احمر غامج اشوي او الدرجه الي تناسبج والدرجه الثانيه الي تكون على برتقالي و لون وردي غامج وفاتح على لحمي لو بيج لون ذهبي والقلوز الشفاف وتخلطين فيهم واتحصلين اللون الي تبينه

((العين...الشدو))
2.والشدو بعد في الباليتات يا انج انتي تختارين الالوان مثل ماك واتسوين الباليته او تشترين الباليتات الجاهزه واتوقع 4 او 5 باليتات اتكفي ..
وهذا اللنك للموضوع الي سويته والخاص في الشدو
http://www.3roos.com/forums/t388083.html
**بس في نقطه ماذكرتها ..انه الشدو مثل مانعرف انواع منه البودره ومن الكريمي ومنه الي اسمونه مخمل ..المهم انه اغلب الالوان واهي الاسهل في الاستخدام اهو العادي اي البودره ..لكن ابي اتكلم عن الشدو الكريمي والشيد ستيك عن تجربتي انا مستحيل اشتريه لانه فاشل بنسبه لي ومايصلح في الدمج او انه اتحكم فيه على راحتي فصرت اشتري الكحل الكريمي او الستيك اللون الابيض بسس واستخدمه كبيس للشدو العادي ويناسب كل الالوان ..أستغرب من البنات الي يشترون لكل لون شدو شدو كريمي او شدو ستيك !!!!!!((لمى نبي نختار شدو كريمي كبيس لشدو العادي لازم نختار شركه زينه لان في بعضهم اكونوا واايد دهنيين واسون خطوط في جفن العين..وبعد لازم نستخدم كمبيه بسيطه من الشدو الكريمي))..والبيجمنت طبعا بنسبه لي مثل الكريمي والستيك يعني ما افضل
استخدامه وايد ..أله بعض الالوان لانه مثل ماتعرفون البيجمنت اتكون لمعته قويه وحلووه فحلو ناخذ منه اللون الذهبي وفي منه درجات كثيره طبعاوالفضي الابيض ممكن بعد..

هاذا الي من GOSHانا استخدمته وبصراحه روعه عندي طبعا اللون الابيض واهو واتر بروف..بس للامانه الي ضايقني فيه انه لين اغسل اعيوني مايروح بسرعه يعني لازم بمزيل المكياج

((الوجه))

3.الفونديشن السائل او الكريمي اكون في البيت ما اتوقع انه وحده بتشيله معاها في الشنطه.!وتاخذين الدرجه الي تحتاجينها والي تناسبج ولايهمج كلام البياعه عشان ماتضيعين فلوسج ولاتندمين بعدين ..واذا ماحصلتي اللون الي اناسبج في ماركه معينه دوري في الماركات الباقي اللون الي يرضيج وان ماحصلتي اكوون اخر حل اهو انج تاخذين من الماركه الي تفضلينها درجتين من الفونديشن وتخلطينهم عشان يطلع لج اللون الي يناسبج .((بنسبه لي دايما احاول اخذ الفونديشن والبودره من نفس الماركه عشان اكونوا امناسبين بعض اكثر ..))بس لو ماحصلت مافي مشكله لو كل واحد من ماركة غير..في هالنقطه اقصد فيها كل الاساس يعني البيس والبودره واللوس باودر

[FONT=Arial]وانا انصحكم وبقووووووووه بهذا الفونديشن رووووووعه

[FONT=Arial]4.الكونسيلر بعد في الاغلب بتحتاجين لون واحد او لونين لتغطية العيوب ولتعديل المكياج بشكل عام..بس عشان الترتيب تاخذين الباليته الي فيها 5 الوان ((مثال ميك اب فورايفر))افضل لتخزين وفيها كل اللوان والدراجات تقريبا الي راح تحتاجينها..ومافي مانع من انج تشترين الكونسيلر التيوب او القلم او الي شكله مثل الشدو بس بدون ماتكثرين منه يعني واحد او 2 بالكثير واتكون عندج باليتين غيرهم جذي اتوقع اكفايه وبعد ماتوقع وحده اتشيل معاها الكونسيلر في الشنطه.!

((العين..الكحل))

5. الكحل الكريمي ..انا وااايد شفت بنات ياخذون الوان غرريبه!! ..لو كانوا يستخدمونها ماعليه مافي مشكله لكن احس انه استعمال هاذي الالوان نادر جدا..وان اهم بس ينجذبون ويشترونها لان اللون والعلبه تجذب ..فالافضل انه اكون عندج الالوان الاساسيه ((اسود..بني..كحلي))..ولاتاخذين لون بس لانه عجباج او لانه بس بتستخدمينه حق لوك واحد وعقب !!! ماتدرين وينه حتى ..

جفت هاذي الباليته في النت للكحل الكريمي وحبيتها والله ^_^

[FONT=Arial]((واتوقع الحين الايي سيل والديورلاين .وفر الكثير اخذي الشدو وحطي قطرتين عليه وراح يستوي الكحل واليوم انا سويت هالحركه مستانسه حدددي ههههههه لان شريت الاي سيل وحسيت اني ماستفدت منه لكن اليوم استانسيت اني استخدمته))

[COLOR=purple]**الكحل السائل ..في بنات مايحبونه لانه بنسبه لهم صعب في الرسم او انه اجوفون انه الكحل الكريمي اكون بديل عنه..بس بنسبه لي لا لازم اكون عندي كحل سائل بني واسود لان الكحل الكريمي ما احب استخدمه كل يوم اخليه للمناسبات والحفلات ..مثل ماقلت الكحل السائل بني اسود وابيض عشان ترسمين الفتحات ..وحاولي انج تختارين قبل لاتشترين اتجربين عشان ماتيمعين عشرتالاف نوع وشركه وعقب نصهم يختربون وينقطون اختاري الاحسن واشتريمن كل لون واحد

**الكحل القلم ..هذا النوع ممكن تاخذين منه عدت الالوان وممكن تستخدمينه من الخارج فوق العين ومن داخل العين ..اكثر الالوان الي اجوف البنات يستخدمونها ..اسود ..ابيض..اخضر زيتي..ازرق نيلي..تركواز..ذهبي..بني
بس بعد لاتشترين وبس جربيه في المحل وجربي من كل الماركات واختاري الافضل بذات في اللون الاسود عشان ماتمين تشترين وتشترين لين اتلاقين الي يرضيج انزين والي شريتيهم قبل شبتسوين فيهم !!..وحبيت اذكر نقطه مهمه وانا بنفسي صارت معاي((لمى تشترين كحل من ماركة معينه ويعجبج واتجوفينه انه ثابت ولونه واضح ..لاتعتمدين انه كل الالوان من هالشركه راح اتكون بهاذي القوه يعني يمكن الاسود ممتاز وتاخذين الابيض للاسف اتلاقينه مايرسم ))يعني اخذي الافضل من كل ماركه مو ضروري كل الكحل اكون من الماركة نفسها؟!!

اخر واحد الي من goshاهو الاخضر عندي ..بصراحه استخدمته برع العين وداخلها رووعه رووعه
[/FONT][/FONT]((الوجه..الخدود))

6.البلشرات..بنسبه لي اخذ لونين واحد وردي فااتح ولون الي اشوي اكون طبيعي على اورنج ..احس اكفايه ليش اصف الف مليون سته ملايين ((لووول)) من الوان البلشرات وانا مابستخدمهم طبعا هاذلين بيكون كل بلشر بروحه لانه بشيله معاي في الشنطه..وبعد ممكن تاخذين البلاتيه عشان اتكون موجوده في البيت وفي انواع بس اتوقع اقل شي 4 الوان...ونفس الحال حق البلشر الكريمي...وبعد الي بتاخذ بلشر كريمي اتوقع مثل الكحل الكريمي يعني تقدرين تستخدمين الايسيل او الديورلاين وحتى ممكن تخلطين البلشر البودره مع كريم واتسوين البلشر البودره بلشر كريمي ^_^

-____----------_______-------________------

_ _ _ _ _ _ _
نصائح وافكار مفيده:
1.من جم يوم كنت اجوف التلفزيون وجفت ((احمد القبيسي)) المهم انه قال مافي شي في المكياج مخصص لعمل معين..وانا طبعا كنت اقول هالشي لربعي واختي والبنات يعني ..المهم بوضح النقطه اكثر
يعني الروج ممكن اكون شدو كريمي!..والشدو الكريمي ممكن تستخدمينه كروج!
الشدو العادي ممكن تخلطينه مع قلوز شفاف واصير اللون الي تبينه..والبلشر نفس الشي ممكن اكون كشدو والشدو ممكن اكون كبلشر ..ايضا الكونسيلر الي لونه غامج الي يستخدم للكنتور اهو استخدماه كروج للبنت الي كان امكيجها
2.الشدو العادي ممكن اتحولينه الى بيجمنت وبكل سهوله بانج اتكسرينه واتحولينه الي بودره ...وممكن اتضيفينه عليه لمعه او جليتر واصير بلمعه ^_^.
3.مثل ماذكرت فوق اتحولين الشدو الي كحل بالمنتجات المساعده لذالك.

هاذي الطرق والاشياء اتخليج اتوفرين الكثيير ..اولا من ناحية المساحه انه امتشترين اشياء ماتحتاجينها ومن ناحية الفلوس طبعا ومن ناحيه ثانيه اتخليج ماتشترين شي وتندمين انج شريتيه يعني لازم تطلعين بشي مفيد منه
وهذا مواضيع من بعض الخوات وان شاءالله افيدونكم

مسززغموضه ومس بلنج ..أسفه حطيت مواضيعكم عشان البنات يستفيدون ..اسفه حطيتهم بدون اذن :o:o

[FONT=Arial]طبعا المكياج مو بس الي ذكرته في الموضوع.. باقي قلم الحواجب والشمع الي للحواجب واللمعات اللي للوجه واللمعات اللي لشدو مثل الجلتر والمرطب للوجه ولشفايف وبودرات البرونز والبيس الي لشدو ووووو واايد واايد اشياء ..بس انا ماذكرتها لاني اعتبرها اشياء ثانويه يعني الي ذكرته فوق اهو الاهم بنسبه لي اول اجمع الاساسيات وعقب اجوف الكماليات الي اهي اتكون اللمسات الخفيه الي اتساعد على اظهار المكياج بصوره حلوه واتجمله اكثر ^_^

[FONT=Arial]مواضيع ذات صله:
[FONT=Calibri]http://www.3roos.com/forums/t366145.html

اتمنى موضوعي عجبكم ..واتمنى انه افيد البنات ^_^..وطبعا ماعليكم من الشركات الي موجوده في الصور ..انا مجرد استخدمة الصور عشان اتعزز الموضوع واتوصل الفكره اسرع ^_^