شئ ضروووري يا بنااااااااات

UmSaif
مو هو نفسه المكسار ؟؟؟

كاتب الرسالة الأصلية : عروس الخيال
UmSaif
مو هو نفسه المكسار ؟؟؟

والله مادري؟؟؟ انا اريد المعلومات منكم خبروني كل شئ عنه

يمكن تكون الرزفه
هذي عندنا فالامارات
بس ما اعرف هذي الي تقصدينها ولا لا

حنا نسويها قبل العرس بكم يوم بحيث انه اهل المعرس يشلون الحاضر مال البنيه ويوصلونه بيت العروس وطول الطريج يكونون يرزفون
تختلف من منطقه لين ثانيه

والسموحه

[CELL=filter: glow(color=orange,strength=2);][ALIGN=center]ينقل لركن الطلبات [/CELL]

هلا اختي انتي تتطرين المكسار

وحبيت اوضح حق الاخوات وهذي نبذة عن المكسار

مكسـار الحـريم

و"المكسار " هو خيمة كبيرة من شراع السفينة يؤتـى بها وتنصب على أعمـدة من حطب الكندل متدلي الأطراف لقي من حرارة الشمس .

وفي "مكسار الحريم " تتجمع نساء العائلة وصديقات العروس والجارات ليشاركن العروس فرحتها بالرقص والغناء وفي نفس الوقت توزع الهدايا التي أحضرها العريس لأهل العروس وصديقاتها وتقوم امرأتان مكلفتان من قبل أهل العريس بعرض الهدايا على الحاضرات وكذلك يتم استعراض "الكسوة" وتقدم المفاتيح لأم العروس ويذهب الجميع للاستعداد لليلة العرس .

على فكرة اخ=حنا في الامارات متمسكين وخصوصا العرب (( الحضر والبدو)






اما ليلة الحنا فهي فقط لعرب فارس والعجم فقط

مرحبا اختي
احنا عدنا بالسعوديه ليله الجلوات تكون بعد ليله الحنا وقبل ليله الزفاف
يجلسون العروس وتكون لبسه لبس تراثي مثل الي يبيعونه بالعيسائي
وبعدين كل شوي يلبسونها على راسها مثل الشال بعضعه يصير فيه تطريز وبعضه شك بس يصير احلى اذا صار فيه شك حوالي سبع كل شوي يحطون واحد ويشولون الي قبله ويقولون اغنيه انا مو حافظتها بس الي اذكره انه يقولون ودخلت خديجه في جلوتها...... وانا اعتقد عشان كذا سموها ليله الجلوات
اسمحيلي وانشالله افدتك

مثل ما قالت الاخت عن ليلة الجلوة تكون العروس قاعدة و حواليها الناس و يبدلون الشال و يقوولون الاغاني عليها و تكون العروس ماسكة شموع

و من الاغاني اللي يقولونها
1 امينة في امانيها و مليحة في معانيها
2 يا حسنها من ليلة جليت بها
3 محلا خديجة على كرسي الجلالة
و بعد وااااااااايد ما يحضروني

اختي انا بقولك حسب العادات العمانية في مسقط تحديداً .. عندنا يوم يسمى يوم الجلو وهو يسبق العرس باسبوع والجلو عباره عن خليط مجموعة أعشاب ومواد طبيعية ومعطرات مثل الصندل والارز والكركم .. بتقولوا ليش الكركم والارز وهذي كلها أشياء لتنظيف بشرة العروس وازالة السواد والبقع الداكنة من الجسم وايضا اعطاء رائحة حلوة لانها تخلط بمجموعة اشياء كثيرة بصراحة ما أعرفها بالضبط بس مفعولها سريع ومضمون .. نرجع ليوم الجلو في هذا اليوم يتجمعوا اقرباء العروس المقربين واخواتها طبعا وبعض الجيران ( ما يكون زحمة كثير ) ويعملوا للعروس مكان مغطى بالغرفة بشال أو أي شي بحيث الناس ما يشوفوها ويزفوا العروس من غرفة الى غرفة ثانية بالبيت حتى يدخلوا العروس تحت هذا الحاجز وتدخل معاها وحدة تكون مخصصة من قبل اهل العروس لمرافقة العروسة في كل شي وتبدا بدهن العروس بهذا الخليط ( الجلو ) ابتداً من وجهها وحتى اخمص قدميها !!! والحريم يغنوا ويرقصوا حتى تنتهي عملية الجلو .. ومن هذا اليوم وحتى يوم الحناء الي بيكون بعد اسبوع ما المفروض أي أحد يشوف وجه العروس اللا في يوم العرس حتى يتفاجئوا بالتغيير والبياض اللي فعلا بيكون واضح ... نسيت اقولك انه العروس بتظل تدهن هذا الخليط لمدة أسبوع كامل يعني تتسبح وتحطه مرة ثانية بس أول يوم هو الي يكون فية حفل لدخولها الجلو ... اتمنى ان يكون هذا اللي تقصدية .. أو على الاقل هذا الجلو اللي عندنا وحبيت اخبركم عن عادتنا لان العرس العماني فيه فعاليات كثيرة وحلوة كثير ... وعقبال الجميع .

مرحبااااااااا
ليلة الحنة هي الليلة الي تتحنا فيها العروس وتلبس الجلابية الخضرة بحضور الأهل وتتوزع فيه الحنة في تشكيلات صغيرة ولكل وحدة ذوقها وفنها طبعا العريس ما يحضر

ليلة الجلوة ( اليلوة) في فرق خاصة شعبية تغني امينة في امانيها و أغاني قديمة جدا تجلس العروس على كرسي مزين أخضر أو أحمر حسب ذوق العروس اذا بقيتي ممكن ادز لج صور جلوتي وحنتي :D2 المهم يجيبون غطا كبير تمسك به البنات من أربع الجهات ويرفعونه فوق وينزلونه مع الأغنية ويتغير هالغطا سبع مرات (سبع ألوان) وبعدين يجيبون إناء غزير فيه ما ورد وزعفران تغطس العروس يده فيه ويتوزع على المعازيم و تنثر الفلوس مع الحلاوة


ليلة العرس ؟؟؟؟؟ ما بقول :o لنكم تعرفون