هلا عرايس أن شاء الله راح افيدكم باللي مريت فيه
بسم الله نبدا..
قبل يوم الفرح :
1 - كيف اتجهزتي قبل الفرح باسبوع؟ عملتي شي معين؟
قبل بأسبوع رحت استلمت فستاني وجلست كل يوم أحطه فوق كرسي واحط المدخن تحته وأدخنه بالعود والدخون واعطره بكل عطوراتي لحد ما تغلغلت الريحة فيه ولحد اليوم موجودة الريحة فيه
من 5 اشهر :D(y)
واحاول اني احافظ على بشرتي قد ما أقدر عشان ما تطلع لي حبوب
ايه صح وكنت كل شوي اسوي بروفة للفستان والجزمة لكم الكرامة
وأمي وخالاتي يعطوني نصايح لطريقة المشي للزفة يعني بروفات للزفة
2- كيف حافظتي على هدوءك و هل فقدتي اعصابك؟
والله ما كنت هادئة ولا شي وأذكر أكثر فترة حسيت بصداع كانت ايام العرس
وكنت كل شوي أزعل على اي شي يتأخر وأصيح
3- مين اللي كان يساعدك او ايش اللي كان يساعدك عشان ترتاحي وتسترخي؟
خواتي وامي الله يخليهم لي وكنت ارتاح لما يجتمعون الأهل والحبايب ببيتنا قبل أيام العرس
4- متى خلصتي كل مستلزكاتك للفرح؟
انا عرسي كان يوم الخميس وخلصت يوم الأثنين تقريبا
يوم الفرح:
1- متى كان زواجك؟
قبل 5 اشهر بالصيف
2- كيف كان شكل بطاقة الدعوة؟
كانت البطاقة شموا منجده بلون الفوشي وكان فيه نفس الجيب على جنب من القش الذهبي فيه بطاقات الدخول
3- كيف كان شكل فستانك - الطرحة - المسكة- المكياج- تسريحة؟
فستاني الحمد الله حلو بشهادة الجميع :wink: اوف وايت وفيه فصوص شوارفسكي بالصدر
الذيل طويل أقدر اقول عنه فستان عمري الحمد الله
الطرحة خليجية بس ملمومه في اليدين فيها ربطات على اليدين
المسكة كانت فوشيه وفيه كريستال اللي بالمتر طوال نفس اللي بالثريات نازلين منها وبنفس اللون فوشي طبعا
المكياج كان فوشي وبنفسجي نفس لون ديكورات الحفلة
التسريحة كانت روعة وصح حطيت تاج على راسي
4- ايش كانت زفتك؟
زفتي كانت زفة فطومة الجديدة
5- هل كان في حركات معينة عملتيها في الزفة؟ شي مميز؟
كنت مأجرة ليزر وسموك مشين اللي هو بخار لوقت الزفة
ايه صح وبعد أجرت ممشى زجاجي وكان داخلة اضاءة فوشيه كان المنظر روعة وانا أمشي عليه
6- كيف شكل الكوشة؟
الكوشه ستايلها ألف ليله وليله وكانت وايد حلوة
واللي حلاها اني أجرت إضاءة مخصوص للكوشة الكوشة كانت بنفسجية وفيها نقش اسلامي بالذهبي والستاير كانت بالمخمل الفوشي
7- ايش عملتي على الكوشة - عصير - تبديل دبل - تقطيع الكيك ... ؟
بس صورنا لأن الكيك والعصير كان له مكان مخصص
وعلى فكرة يا بنات ما شربت لا انا ولا زوجي من العصير لأن سمعت ان في ناس تحط سحر بكاسات المعاريس فأنتبهوا
من هالنقطة
8- موقف حصل لك وكنت تتمني انك تفاديتيه .. عشان نستفيد منه..
الفرقة ما كانت مهيأة للزفة وما كان صوت الزفة عالي
الصوت كان خافت كثير وما ينسمع
بس الحمد الله ما افتكرت وكنت عارفة ان الناس جاية تشوفني وما تسمع الزفة وكنت مبتسمه وأضحك طول الزفةخخخخخخ
الحمد الله
الحمد الله
الحمد الله
ولحد اليوم ما أحس ان هالحركة عكرت لي فرحتي
9- بعد ما خلصتي الزفة وكل شي، متى طلعتي من القاعة؟ يعني طلع زوجك الاول بعدين انتي جلستي مع اهلك وصحباتي شوية، وبعدين طلعتي ولا طلعتي معاه على طول؟
طلعت تقريبا على الساعة 2 طلع زوجي بلأول وبعدين انا طلعت بروحي
جلست شوي استمتع بليله العمر
وأشوف الناس
:D:D:D
10- اجمل ذكرى لذلك اليوم؟
هاليوم كان كثير مميز بنات والله بعد ما يخلص راح تحسون بالحمل اللي أنزاح عنكم
وراح تحسون بحلاوة هذي الأيام
ولا تنسوووووووون وانتوا بالصالون ولا اي مكان كنتوا
قراءة سورة البقرة كاملة
ولاتقولون ما في وقت الا في وقت وكثيرررر بعد
والله يوفقكم جميعا ياااااااارب ويجعل ايامكم كلها هناء وسعادة
تقبلوا مروري وان شاء الله تستفيدون من تجربتي
تحياتي دهن العود :15:
