عن نفسي امووووووووت في البلوبيري و اي شي يدخل فيه بلو بيري ..و قبل 3 شهور جربت هذا الكوكيز ((و الحينه يايه تخبرينا )) :) شو اسوي الكسل و ما يسوي ..طلع روعه و قضيت عليه على طول ..حتى بنتي و زوجي جو يدورونه ما لقوا و لا حبه :)
المهم المقادير و الطريقه (( اف ما بغت قالت قصه حياتها كلها ))
المقادير :
2 كوبين دقيق
2 ملعقه صغيره باكين بودر
ذرت ملح
اصبع زبده اي ما يعادل نص كوب زبده ..طريه بدرجه حراره الغرفه
ا كوب سكر
ا بيضه
1\4 ربع كوب حليب
ا ملعقه صغيره فانيلا
كوب بلوبيري طازج او المجمد الي متوفر عندك ...ملاحظه ليس البلو بيري الي يستخدم في الباي او الشيز كيك
الطريقه :
اول شي نخفق الزبده و السكر و البيضه و الحليب و الفانيليا حتى نحصل على مزيد كريمي متجانس
و ننخل الدقيق مع ذره الملح و الباكن بودر
البلوبيري واضح بالصوره
بعدين نضيف الدقيق الي خليط الزبده و نخقف حتى تتجانس المكونات ... و ثم نضيف البلوبيري و نخلط بالملعقه علشان ما ينهرس و نحافظ على الحبات كامله على قد ما نقدر
و بعدين ندخلهم الثلاجه لمده نص ساعه
و بعدين نكورهم و نصفهم بالصينيه
و ندخلهم الفرن على درجه حراره 180 درجه مئويه لمده 15 الى 20 دقيقه تقريبا و كل وحده و على حسب فرنها
و هذا بعد ما طلعناه من الفرن خليه يبرد و استمتعي بالطعم
و هذا شكلها من داخل ...هي تطلع عندج ما بين الكوكيز و الكيك لانها مقرمشه من الخارج و اسفنجيه من الداخل
و حبيت اخذ لكم صوره ثانيه لكن
كل ما جيت ابي اصور اشوف (( يد صغيره )) طلعت بالصوره ..
و رجعت عدتها
و بعد محاولات عده تعبت و ما قدرت ابعد(( اليد الصغيره )) من الصوره
و هذا الي بقى لكم
و اتمنى تجربونها و تقولن رايكم ...
اولا لانها سهل
و سريعه
و بسيطه
و ممكن تستبدلين البلوبيري بالشوكليت او من غير اي شي بعد لذيييذ ..او حتى تخلونها من غير ولا شي و تستبدلون الحليب بعصير البرتقال بعد اتوقع انها بتكون لذيذه (( ممم توه جت الفكره على بالي بجربها المره اليايه )) المهم تجربونها
و هني و عافيه
